Живот

Принцовите Вилијам и Хари морале да ги кријат чувствата за време на погребот на нивната мајка (видео)

Принцовите Хари и Вилијам се уште се сеќаваат на моментот кога слушнале дека нивната мајка, принцезата Дајана, загинала во сообраќајна несреќа.

За документарецот на BBC, „Дајана, 7 дена“ отворено зборуваа за своите чувства.

„Се сеќавам дека бев потполно вкочанет, дезориентиран, ми се вртеше во главата. Бев збунет. Цело време се прашував `Зошто јас? Зошто ни се случи тоа? Што направив погрешно“, вели принцот Вилијам.

Веста за смртта на Дајана им ја пренесол татко им, принцот Чарлс, додека биле на одмор во палатата Балморал, во Шкотска.

Раскажаа како кралицата наредила да се сокријат сите информации за нејзините внуци да не се вознемират и останала со нив во Шкотска пуштајќи ги на мира да тагуваат за својата мајка.

„Мислам дека тоа беше многу тешка одлука. Мораше да избалансира меѓу улогите на баба и кралица во тие моменти“, вели Вилијам.

Погребот на принцезата Дајана и одењето по нејзиниот ковчег за нив била најтешка работа во животот, а велат дека морале да ги кријат чувствата и тагата која ја чувствувале поради загубата на мајката.

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.

Аугсбург заврши 11-ти со 39 бодови./МИА