Македонија

Пријавите за семејно насилство речиси секојдневно го полнат полицискиот билтен

Пријавите за семејно насилство речиси секојдневно го полнат полицискиот билтен.

Само за продолжениот викенд има десетина пријави за напади врз сопружници и малолетни деца, а од МВР информираа дека 5 лица биле приведени, од кои едниот бил странски државјанин. Дел од психолозите во земјава велат дека иако во минатото жртвите не сакале да пријавуваат пред се, поради обесхрабрувачките одговори од надлежните, сега свеста е променета и се почесто се наоѓа храброст да се реагира на насилството.

-Најверојатно стануваат се посвесни дека не мора така да се живее, дека тоа не е дел од традицијата, дека тоа не е „класичен“ брак. Имаше на пример клиенти кои кажуваа дека полицијата им препорачала дека „па, следниот пат немој да бидеш ти таков инает да му се спротивставуваш, ќе бидеш и потрпелива“. Така да, затоа што она добила шамар зашто не била трпелива. И полицијата го менува својот начин на реагирање, дека се се повеќе полицајците информирани за тоа што е семејно насилство, како би можеле во тоа да реагираат,- Мирјана Јовановска – психолог.

Јовановска вели дека државата има многу малку податоци за тоа што се случува во земјата и колку е застапено семејното насилство. Сепак, таа гледа позитивно на тоа што граѓаните кои се жртви на семејно насилство стануваат посвесни и го надминуваат стравот од пријавување.

-Не е лесно, нели, да дојдеш до тоа да го изнесеш сето тоа што се случува дома да го изнесеш надвор, да го раскажеш некаде и да вклучиш многу луѓе, полиции, социјални работници и кого се не за да се реши проблемот. Жените особено стануваат се посвесни за својата важност во општеството, за својата улога во општеството, за правото на безбеден, спокоен живот, за тоа дека да бидеш сопруга не значи дека мораш да ќутиш и да трпиш и да бидеш жртва и дека тоа е судбина што мора да ја трпат цел живот,- Мирјана Јовановска – психолог.

Последниот случај кој го вклучи алармот кај надлежните беше со трагедијата во Тафталиџе со Ивана и Катја, а претходно и случајот во Велес со убиството на Росица Коцева. За двата имало пријави за насилство до надлежните, а во случајот со Ивана и Катја внатрешната контрола во МВР потоа утврди пропусти кај 39 полицајци кои потфрлиле во постапувањето со пријавите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Најубавата италијанска водителка изгледа неверојатно, иако неодамна шсе породи

Една од најубавите телевизиски спортски водителки, „жешката“ Италијанка Дилета Леота повторно го привлече вниманието на своите фанови откако на социјалните мрежи сподели фотографија во костим за капење.

Водителката Дилета Леота, која неодамна се породи по вторпат, позираше за време на својот одмор во елегантно бикини што ја истакнуваше нејзината витка линија и исончан тен.

Многумина забележаа дека таа изгледа беспрекорно, а во коментарите пристигнуваа бројни комплименти за нејзиниот изглед.

Покрај тоа, водителката сподели и неколку семејни моменти со своите деца и со сопругот Лорис Кариус, а судејќи според нејзиниот профил на Инстаграм, уживањето нема крај.

„Преубава“, „Изгледаш неверојатно“, „Кој би рекол дека речиси се породи“, „Нестварна си“, „Ова изгледа како вештачка интелигенција“ – ова се само дел од реакциите на нејзините следбеници.

Тагови: Дилета Леота

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руски воени бродови пристигнаа во Кина; Наскоро треба да започнат заеднички вежби

Кинеската и руската морнарица ќе одржат заеднички вежби следната недела во водите и воздушниот простор покрај кинескиот град Кингдао.

Веста беше објавена во недела од страна на кинеското Министерство за одбрана и руските државни медиуми, објави Ројтерс.

Во соопштението се наведува дека вежбите се одржуваат секоја година „со цел заедничко справување со безбедносните предизвици и одржување на регионалниот мир и стабилност“.

Руската државна новинска агенција РИА објави дека крстосувач, корвета, дизел-електрична подморница и брод за спасување од руската Тихоокеанска флота пристигнале во Кингдао за да учествуваат во вежби што ќе се одвиваат од 6 до 13 јули.

Следуваат заеднички патроли во Тихиот Океан .„По вежбите, дел од силите на двете страни ќе се упатат кон соодветни подрачја во Тихиот Океан за да спроведат заеднички поморски патроли“, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Што се случува со Мики Рурк!?

Холивудскиот актер Мики Рурк е фотографиран во непрепознатливо издание/

Додека беше во прошетка со своето куче, Рурк е фотографиран во валкана сива дуксерица, избледени фармерки и очила за сонце, но најмногу внимание привлекоа неговите заби што недостасуваа, поради што беше речиси непрепознатлив.

Неговиот вака лош изглед укажува на тоа дека актерот минува низ тежок период, што се потврдува и со неодамнешното иселување од неговиот дом кон крајот на 2025 година поради долг од 60.000 долари.

Иако неговите претставници тврдеа дека тој престанал да плаќа кирија поради неподносливи услови за живот - а обожавателите собраа 100.000 долари помош преку кампањата GoFundMe - Рурк ги одбил парите, нарекувајќи ја целата иницијатива срамна.

Актерот објасни дека проблемите со глодарите, неисправниот водовод и бањата опстојувале со месеци, и покрај неговите постојани барања за поправки. „Прекинувањето на плаќањето кирија не беше лесна одлука, но не можев да платам за имот што беше во толку лоша состојба“, изјави Рурк.

Сепак, во март, судот во Лос Анџелес пресуди во корист на сопственикот Ерик Т. Голди, потврдувајќи долг од 59.100 долари. Судската одлука го раскина договорот за закуп, трајно забранувајќи му на Рурк пристап до имотот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.