Прибак задоволен од постигнатото, очекува нови успеси во ЛШ и во Супер лигата - Канал 5

Ракомет

Прибак задоволен од постигнатото, очекува нови успеси во ЛШ и во Супер лигата

Македонскиот шампион Вардар изминатиот викенд ја освои втората титула во СЕХА Гаспром Јужен Тек лигата. По завршување на финалето ракометарот на Вардар и македонски репрезентативец Немања Прибак во интервјуто за ракометниот портал „balkanhandball” зборуваше за квалитетот на овогодишната организација, за успесите на Вардар како и за тоа што за него значи да се биде дел од „црвено-црниот” тим.

Прибак задоволен од постигнатото, очекува нови успеси во ЛШ и во Супер лигата
- Се беше одлично организирано. Презадоволен сум, ја оправдавме улогата на фаворити и стигнавме до трофејот. И во пресрет на турнирот кажав дека сме фаворити и дека тоа мора да го потврдиме на теренот и да ја освоиме титулата. Игравме навистина добро, можеби малку послабо во првиот дел од натпреварот, но во потсвеста размислувавме на дуелот со Флензбург во ЛШ. Сепак, во продолжението се средивме како во нападот така и во одбраната и стигнавме до посакуваната титула, изјави Прибак.

Во врска со плановите до крајот на сезоната, ракометарот на Вардар најавува голема борба како за титулата во домашното првенство, така и за дуелите со Флензбург во Лигата на шампионите.

- Мислам дека имаме сериозна работа и за тоа сме сите свесни. Борбата за „фајнал-фор” во Лигата на шампионите е пред нас. Сите нас ни ја дадоа фаворитската улога, но според мене не е така, затоа што Флензбург игра најубав ракомет во Бундеслигата, организирани се и имаат многу квалитетен тренер. И за титулата во домашното првенство нема фаворити. Според имињата ние можеби сме малку поквалитетни, но тоа се специфични натпревари и мора да бидете максимално подготвени за нив, вели Прибак.

Според него нема подобро место за играње ракомет од Вардар и тој се надева дека ќе го носи „црвено-црниот” дрес уште долго време.

- За мене подобро место за играње ракомет од Вардар никогаш не постоело, а јас тоа никогаш не сум го криел. Во еден дел од кариерата го напуштив Вардар, бидејќи ми беше потребна промена, но и понудата беше добра. Бев во Колубара и ја освоив титулата во шампионатот во Србија, од каде заминав во Франција. Металург во тој момент беше фаворизирана екипа со подобри ракометари и повеќе репрезентативци. Имав отворени врати да се вратам во Вардар, но на таков чекор се решив кога малку се промени атмосферата. За мене Вардар е најдобриот клуб во светот, завршува Немања Прибак./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Белгиска компанија му подари на Трамп прстен украсен со дијаманти

Белгиска компанија му подари на Трамп прстен украсен со дијаманти,тој неодамна ги укина царините за нив.

Белгиска компанија му подари на Трамп прстен украсен со дијаманти

Десетици дијаманти формираат две големи букви „Т“ покрај американското знаме и бројките „1776“ и „2026“.

Други дијаманти ги врамуваат бројките 45 и 47 во форма на логото на Супермен, додека орел со крилја украсени со дијаманти носи штит од рубин и во канџите држи маслинова гранка од смарагд.

Станува збор за масивен прстен од 18-каратно злато, украсен со вкупно 321 дијамант, 56 сафири, 13 смарагди и шест рубини, кој беше претставен оваа недела како подарок за американскиот претседател Доналд Трамп во чест на 250-годишнината на Соединетите Држави.

Прстенот му беше врачен во Брисел на американскиот амбасадор во Белгија, Бил Вајт, кој се очекува да му го предаде на претседателот, пренесува „Си-би-ес њуз“ (CBS News).

„Посебна благодарност до моите пријатели од Антверпен за величествениот прстен ’Freedom 250‘“, рече Трамп во претходно снимена видеопорака прикажана на настанот по повод роденденот на Америка.

Исидор Мерсел, претседател на Антверпенскиот светски центар за дијаманти (AWDC), го подари прстенот во име на вековната дијамантска заедница во тој белгиски пристанишен град, центар на глобалната трговија со скапоцени камења.

Интересно е што истата индустрија се соочи со тешкотии минатата година под притисокот на сеопфатната трговска војна на Трамп. „Нека овој прстен послужи како траен потсетник дека вистинското партнерство - слично како најдобрите природни дијаманти - се кова под притисок, го издржува тестот на времето и сјае најсветло кога се гради врз доверба“, рече Мерсел.

Вградено во прстенот е напишано „Направено во Антверпен за Доналд Џон Трамп“.

Вредноста на прстенот е значително пониска од некои други подароци што ги добил Трамп - како што е авион од 400 милиони долари од Катар - но тој ја илустрира улогата што ја играат раскошните подароци за оние што ја бараат наклонетоста на американскиот претседател.

YouTube video

Службеник на Белата куќа, зборувајќи под услов да остане анонимен, вчера изјави дека прстенот сè уште не му е подарен на Трамп. Подарокот доаѓа неколку месеци откако белгиската дијамантска индустрија успеа да обезбеди укинување на американските царини за увоз на дијаманти.

Тагови: дијамант Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пожарите се шират на југот на Франција, стотици пожарникари на терен

Пожарите и натаму се шират во неколку француски департмани, особено на југот од земјата, каде што стотици пожарникари продолжуваат да се борат со огнената стихија.

Пожарите се шират на југот на Франција, стотици пожарникари на терен

Во департманот Буш Ди Рон околу 150 пожарникари и денес интервенираат на повеќе локации, а противпожарната служба предупреди дека ризикот од нови пожари останува исклучително висок.

Поради сериозната опасност, властите целосно го забранија пристапот, движењето и работата во 11 шумски подрачја. Префектот на регионот Прованса-Алпи-Азурен Брег соопшти дека мерката е воведена поради „многу висок ризик“ од избувнување и ширење на пожари.

Ситуацијата дополнително ја отежнува силниот ветер, кој во областите Алпи, Камарг и Кро достигнува брзина до 65 километри на час

Францускиот министер за внатрешни работи, Лоран Нунјез, изрази сериозна загриженост, истакнувајќи дека сезоната на пожари започнала околу еден месец порано од вообичаено.

Тагови: пожари Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео- Тајна свадба на годината: Тејлор Свифт и Тревис Келси го кажаа судбоносното „да“ во „Медисон Сквер Гарден“

Пејачката Тејлор Свифт официјално му кажа „да“ на Тревис Келси, а целиот настан беше организиран во најголема тајност.

Видео- Тајна свадба на годината: Тејлор Свифт и Тревис Келси го кажаа судбоносното „да“ во „Медисон Сквер Гарден“

Селена Гомез, Џиџи Хадид и Бредли Купер беа меѓу последните гости што ја напуштија церемонијата на двојката во Медисон Сквер Гарден околу 1 часот по полноќ, објавува Page Six.

Најблиските пријатели на пејачката - вклучувајќи ја нејзината најдобра пријателка од детството Абигејл Андерсон, Селена Гомез, Џиџи Хадид и Ед Ширан - исто така беа дел од овој гламурозен настан.

Познатите личности го напуштаа „Медисон Сквер Гарден“ во различни периоди во текот на вечерта. Том Брејди беше еден од првите славни гости што си заминаа порано, а по него замина и Џорџ Стефанопулос.

Една од најголемите мистерии поврзани со свадбата на Тејлор Свифт и Тревис Келси беше разрешена веднаш откако тие го кажаа судбоносното „да“, а таа се однесуваше на изборот на венчаницата и костумите за младенците.

Списанието „Пипл“ дознава дека и невестата и младоженецот носеле уникатни креации од модната куќа „Кристијан Диор Хаутр“ за нивниот голем ден.

Нивните свадбени фустани биле дизајнирани од Џонатан Андерсон, кој тесно соработувал со двојката на нивниот изглед.

Венчаницата на Тејлор е особено значајна бидејќи претставува прва високомодна венчаница што Андерсон ја создал за светски позната ѕвезда.

Своите свадбени комбинации ги заокружија со чевли изработени по мерка од модната куќа „Кристијан Лубутен“, додека Тејлор го комплетираше изгледот со накит од куќата „Картије“. Иако обожавателите со месеци шпекулираа каква венчаница ќе носи Тејлор, одговорот конечно пристигна од една од најпрестижните модни куќи во светот, преку уникатна креација на „Диор“, изработена специјално за најочекуваниот моден момент во нејзиниот живот.

Тагови: Тејлор Свифт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер