Претставена екипата од филмот „Кога денот немаше име“ на ИФФК „Браќа Манаки“ - Канал 5

Култура

Претставена екипата од филмот „Кога денот немаше име“ на ИФФК „Браќа Манаки“

Филмот „Кога денот немаше име“ е инспириран од немилиот настан што се случи на Смилковско Езеро, но во ниту еден момент не го обработува настанот на Смилковското Езеро. Напротив нас не интересираше што значи да се изгуби млад живот, истакна продуцентот Лабина Митевска на денешната прес-конференција на Интернационалниот фестивал на филмска камера „Браќа Манаки“.

Претставена екипата од филмот „Кога денот немаше име“ на ИФФК „Браќа Манаки“
Станува збор за авторски, тежок филм но интересно е што од сите наши филмови со Теона Стругар Митевска, овој филм има најголем успех, одлично минува на многу фестивали, продаден е во цела Источна Азија, во Камбоџа, Виетнам, Кина, посочи Митевска.

- На почетокот на филмот кажуваме дека филмот е инспириран но не е за Смилковското Езеро, а доколку не интересирало тоа, ние ќе направевме документарен филм. Среќни сме што за филмот постои интерес во светот, филмот е провокативен, публиката го сака филмот и сака да се информира за Македонија. Со овој филм ние имавме за цел да се покаже болката на оваа изгубена генерација, нетолерантноста на општеството во кое живееме, тежината на зборовите кои едни кон други си ги упатуваме...за болката на животот. Овој филм зборува за денешниот свет, за денешна Македонија и за една изгубена генерација, рече меѓудругото продуцентката Лабина Митевска на прес-конференцијата во Битола.

Режисер и сценарист на филмот „Кога денот немаше име“ е Теона Стругар Митевска, кинематографер е Французинката Ањес Годар, а во фимот настапуваат Леон Ристов, Ханис Багашов, Стефан Китановиќ, Драган Милошевски, Иван Вртев Шоптрајанов и Перуника Киселички. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Илон Маск ѝ честита на АфД на изборната победа во Саксонија-Анхалт

Американскиот милијардер Илон Маск ѝ честиташе на десничарската партија Алтернатива за Германија (AfD) за победата на покраинските избори одржани во Саксонија-Анхалт .

Илон Маск ѝ честита на АфД на изборната победа во Саксонија-Анхалт

Американскиот милијардер Илон Маск ѝ честиташе на десничарската партија Алтернатива за Германија (AfD) за победата на покраинските избори одржани вчера во Саксонија-Анхалт , откако отворено ја поддржа партијата за време на кампањата.

„Gut gemacht!“ или „Браво!“, напиша Маск на својата социјална мрежа X, одговарајќи на објавата на копретседателката на AфД, Алис Вајдел, која му честиташе на водечкиот кандидат на партијата, Улрих Зигмунд, за резултатот од изборите.

Зигмунд, како што објави Дојче Веле (DW), брзо му одговори на Маск и му се заблагодари за поддршката.

„Ако преземеме одговорност тука, би ја поздравил можноста за силна и конструктивна соработка. Германија повторно би била место во кое вреди да се инвестира“, напиша Зигмунд во одговор до Маск.

AfD ги интензивираше своите врски со Вашингтон откако Доналд Трамп се врати во Белата куќа, додека Вајдел го опиша американскиот претседател како пример за углед, а претставници на AfD присуствуваа на неговата инаугурација, според DW.

Маск, кој во тоа време беше близок советник на Трамп, отворено водеше кампања за AfD и продолжи да ги поддржува крајно десничарските политичари и движења.

Алтернатива за Германија (AfD), предводена од Улрих Зигмунд, оствари убедлива победа на покраинските избори во германската покраина Саксонија-Анхалт со 43,8 проценти од гласовите, но не успеа да освои апсолутно мнозинство, додека Христијанско-демократската унија (CDU) на покраинскиот премиер Свен Шулце претрпе тежок пораз, завршувајќи на второто место со само 17,2 проценти од гласовите, според прелиминарните резултати објавени преку ноќ од изборната комисија.

Според прелиминарните резултати, AfD освои 43,8 проценти од гласовите на изборите во недела - барем двојно повеќе од 20,8 проценти што ги освои на изборите во 2021 година, CDU сега има 17,2 проценти од гласовите, во споредба со 37,1 процент на претходните избори, а Социјалдемократската партија на Германија (SPD) има 9,3 проценти од гласачите, во споредба со 8,4 проценти, објави Bild утрово.

AfD, според прелиминарните резултати, повеќе од двојно го зголеми својот удел во гласовите, од 20,8 проценти во 2021 година на 43,8 проценти, што е најдобриот резултат што една партија го постигнала на покраински избори во Германија во последните десет години.

Излезноста беше 77,8 проценти, во споредба со 60,3 проценти во 2021 година, што е највисоката излезност во Саксонија-Анхалт од повторното обединување на Германија. Право на глас имаа нешто помалку од 1,7 милиони гласачи.

Тагови: АфД Илон Маск

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Синди Крафорд покажа како и хеланките може да бида елегантни (ФОТО)

Хеланките ретко се поврзуваат со софистицираност, но изборот на вистинската боја може да ги претвори во неочекувано елегантно парче. 

Синди Крафорд покажа како и хеланките може да бида елегантни (ФОТО)

Клучот не е во класичната црна боја, туку во свежите сезонски нијанси, што Синди Крафорд неодамна го покажа со фотографија на која го истакна новиот тренд, пишува Who What Wear.

Нијанса што прави разлика

Супермоделот објави фотографија на социјалните мрежи во хулахопки во впечатлива светло сина боја, позната како боја на пченкарни цветови. За разлика од црните модели, кои често изгледаат исклучиво спортски, особено во сјајната ликра верзија, овој помек тон ѝ дава на целата комбинација допир на мекост. Ова го прави припиениот материјал да изгледа посуптилно и помалку агресивно.

Замислен и рафиниран стил

Синди ги искомбинирала хеланките со топ и џемпер во иста боја. Целиот стил изгледа рафинирано и промислено, што се карактеристики што ретко се поврзуваат со комбинации со хулахопки. Иако на фотографијата е боса, таквата комбинација лесно може да се надополни со пар целосно бели патики. Тие би ѝ дале свежина на комбинацијата, а притоа не би создале премногу контраст.

Тагови: синди крафорд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Девојче со бројни скршеници е пронајдено на тревник пред хотел во Солун, се трага по двајца странци

Тринаесетгодишно девојче е однесено во болницата „Ипкратио“ во Солун во зори, наводно по пад од голема висина, и е на лекување од повеќекратни скршеници.

Девојче со бројни скршеници е пронајдено на тревник пред хотел во Солун, се трага по двајца странци

Според информациите, малолетничката е пронајдена повредена околу 4 часот наутро на тревникот од хотел во областа на Вардари, објави грчки ИН.

Едно од сценаријата што властите ги истражуваат во врска со нејзината сериозна повреда е дека паднала од горниот кат на хотелот, но ова сè уште не е разјаснето.

Како дел од истрагата, полицијата собира сведоштва од персоналот на хотелот, а исто така бара и двајца странци кои наводно биле со малолетничката во моментот на падот.

Тринаесетгодишната девојка, која можела да ја каже својата возраст, е на лекување во болница со повеќекратни скршеници.

Тагови: солун хотел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер