Свет

Претседателски избори во Романија

Во Романија денеска се одржуваат претседателски избори, а фаворит е прорускиот десничарски екстремист Џорџе Симион, додека негови ривали се Крин Антонеску и Никушор Дан, според светските медиуми.

Десничарскиот евроскептик води во анкетите на јавното мислење пред првиот круг гласање, пет месеци откако претходните претседателски избори, на кои убедливо водеше десничарот Калин Георгеску, беа поништени поради наводно руско мешање, тврдење што Москва го негира.

Симион се надева дека ќе го искористи распространетото јавно незадоволство поради поништувањето на изборите, откако ќе го преземе водството од крајнодесничарот Георгеску, на кого му беше забрането да се кандидира по поништените избори.

Симион (38) се спротивставува на воената помош за соседна Украина, го критикува раководството на ЕУ и го поддржува движењето „Да ја направиме Америка повторно голема“ на Доналд Трамп.

Како конзервативен христијанин, тој го поддржа неуспешниот референдум во 2018 година, кој имаше за цел да ги забрани истополовите бракови. Доколку биде избран, тој рече дека ќе објави колку Романија придонела за воените напори во Украина, на сметка на субвенциите за романските деца и пензиите.

Симеон води со 30,2 проценти поддршка, додека поранешниот сенатор Крин Антонеску има 24,3 проценти поддршка, а градоначалникот на Букурешт, Никушор Дан има 22,4 проценти.

Анкетата е спроведена меѓу 3.247 лица од 28 април до 1 мај, со маргина на грешка од два проценти.

Гласањето завршува во 21 часот по локално време. Доколку ниту еден кандидат не освои 50 проценти плус еден од вкупниот број граѓани регистрирани на избирачките списоци, вториот круг од изборите ќе се одржи на 18 мај.

Тагови: Романија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Москва ѝ порача на Европа: Не можете да ни поставувате ултиматуми

Рускиот министер за надворешни работи Сергеј Лавров изјави денес, по средбата со белорускиот претседател Александар Лукашенко во Минск, дека во сегашната ситуација Европејците извлекуваат погрешен заклучок дека Русија во моментов губи на фронт

Како што додаде, затоа Европејците мислат дека можат да поставуваат ултиматуми со надеж дека Москва ќе ги прифати.

„Рускиот претседател (Владимир) Путин веќе зборуваше за ова во своите неодамнешни говори на разни настани. Овие пресметки се сосема погрешни и илузорни“, рече Лавров.

Тој истакна дека со Лукашенко разговарал за конфликтот во Украина, објави РИА Новости. Лавров рече дека ситуацијата поврзана со украинската криза била во фокусот на разговорите со Лукашенко, наведувајќи дека Русија мора да направи сè што е можно за „правдата да победи“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје-Водата во Скопје квалитетна за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

-Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 08.06.2026 до 12.06.2026 зема 193 примероци за физичко-хемиска и 193 примероци за микробиолошка анализа на вода за пиење од 49 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18), стои во соопштението од ЈП Водовод и канализација – Скопје .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Комедијата „Чудесна теарпија“ на Драмски театар Скопје се игра утре во центарот на Скопје

Драмски театар Скопје првиот дел од сезоната во која ја прославува 80-годишнината од постоењето, ја заокружува со изведба на претставата „Чудесна терапија“ утре (вторник) во 21 часот на отворено во центарот на градот.

Граѓаните и посетителите на главниот град претставата ќе може да ја гледаат бесплатно на локацијата на малиот амфитеатар во комплексот на спомен-куќата на Мајка Тереза на улица „Македонија“ во Скопје.

„Чудесна терапија“ е работена по текст на авторот Даниел Глатауер. Режисер е Димче Николовски, драматург Александра Бошковска, костимограф е Раде Василев.

Улогите ги играат актерите на Драмски театар: Предраг Павловски, Маја Вељковиќ-Пановска и Соња Стамболџиоска.

Драматургот Александра Бошковска во програмската белешка за претставата вели: „Претставата ʻЧудесна терапија’ се занимава со потребата од чиста и искрена комуникација како предуслов за една среќна врска. При тоа, безусловно сме свесни дека во комуникациската еволуција, човештвото има уште многу етапи што треба да ги совлада“. Бошковска додава: „Комуникацијата е универзална способност на секој човек. Но, дали знаеме вистински да комуницираме? Се чини едноставно, но во врска, сакале или не, сѐ станува комплицирано. Понекогаш и до бескрај. Разговорот знае да прерасне во кавга, кавгата во конфликт, а конфликтот во војна. А проблемот, наместо да биде решен, да роди нов, поголем проблем“.

Претставата премиерно е изведена во мај 2019 година и до сега има 55 изведби од кои десетина гостувања биле на театарските фестивали во Македонија и во земјите од регионот. Поради универзалноста на темата и бравурозната изведба на актерската екипа, комедијата има одличен прием и актерите добиваат силни аплаузи како израз на задоволство на театарската публика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.