Претседателот на Швајцарската Конфедерација,Ги Пармелан во прва официјална посета на Македонија - Канал 5

Македонија

Претседателот на Швајцарската Конфедерација,Ги Пармелан во прва официјална посета на Македонија

Во прва официјална посета на Македонија пристигна претседателот на Швајцарската Конфедерација – Ги Пармелан.

Претседателот на Швајцарската Конфедерација,Ги Пармелан во прва официјална посета на Македонија

Отварање на швајцарска стопанска комора и најава за продолжување на програмата за соработка во вредност од 56,1 милиони швајцарски франци за реформи поврзани со европските интеграции во земјава – во прва официјална посета на Македонија пристигна швајцарскиот претседател Ги Пармелан кој беше пречекан од претседателката Гордана Сиљановска Давкова. Пармелан посочи дека мирот и стабилноста на Западен Балкан е еден од приоритетите на швајцарската надворешна политика.

„Нашите земји се осудени на некој начин да се борат за нивниот пат и постоење во Европа. Ние сме поврзани и со двете несреќи во Кочани и Кран Монтана, сакам да се заблагодарам на С.Македонија за солидарноста и нивната великодушна понуда за помош. Овој регион е приоритет за нашата надворешна политика и среќен сум што гледам дека државите станаа посигурни и постабилни во овој регион. Швајцарија одблиску ги следи европските перспективи на овие земји и ги поддржува. Швајцарската програма за соработка која е предвидена до 2028та година има за цел да ја поддржи Македонија во патот кон ЕУ интеграцијата и оддржливиот развој.“

Претседателката Сиљановска Давкова потенцираше дека за време на билатералната средба со швајцарскиот колега ја објаснила македонската позиција во однос на евроинтеграциите, а одговарајќи на новинарско прашање дали македонските патници ВО ЛЕТНИОТ ПЕРИОД ќе бидат изземени од новите процедури за Шенген зоната, во која е вклучена и Швајцарија, рече дека очекува обострано разбирање.

„Зошто е за нас Швајцарија важна? Бидејќи се работи за еден успешен пример на мала, федеративна, повеќејазична држава во која разликите се надминуваат со знаење, граѓански капацитет и компетентност. Му ги објаснив на претседателот проблемите со кои се соочуваме, го потенцирав значењето на Копенхашките критериуми за нашата европеизација. Она што го бараме е да бидеме третирани како другите, да се концентрираме на реформските предизвици и да не ја губиме енергијата на ирационални прашања.“

Двајцата претседатели изјавија дека очекуваат понатамошно развивање на македонско-швајцарските билатерални и економски односи додека швајцарскиот претседател изрази и пофалби за како што рече силната македонска дијаспора во неговата земја.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер