Методологија која се очекува да се објави во првата недела од февруари, иако првично Европската комисија планираше таа да се објави на крајот од месецов..
Засега е неизвесно дали ќе се остварат оптимистичките прогнози Македонија да го добие датумот на следниот европски совет во март. Но, дека Брисел ова прашање го има високо на агендата говори и синоќешната најава на Мишел во Ерусалим, дека во февруари ќе организира самит на лидерите од западен Балкан. Европскиот совет го има клучниот збор околу отпочнувањето на преговорите, а зачестените посети на европските претставници на земјава говорат за постветеноста на Брисел Македонија да направи исчекор во евроинтеграциите.
Еврокомесарот за проширување Оливер Вархеи, мината недела во Скопје потврди дека проширувањето на ЕУ за новата комисија е приоритет и оцени дека Македонија и Албанија се подготвени за преговори.
Вархеи потенцираше дека ќе се настојува одлуката за преговорите да биде донесена со новата методологијата пред самитот во загреб, која ќе биде објавена заедно со економски план за поддршка на регионот.
Од друга страна и кај нас, во секретаријатот за европски прашања гледаат поомекнат став кај францускиот претседател Макрон, чиј единствен услов е усвојувањето на новата методологија, а од земјава се очекува донесување на Законот за јавно обвинителство, пред распуштање на Собранието.
Нејасно е сепак дали Мишел утре во Скопје ќе го отвори повторно ова прашање, со оглед дека комесарот Вархеи не го спомена како конкретен услов за ЕУ, но истакна дека законот треба да биде приоритет.
Сепак, и покрај оптимистичките прогнози дека Македонија во пакет со Албанија би можела да добие датум за преговори пред мајскиот ЕУ самит во загреб,најновата студија на европската иницијатива за стабилност, упатува на резервираност.
Според еси доколку не се промени методологијата за проширувањето на која инсистира Франција, ниту една земја од западен Балкан нема да влезе во ЕУ пред 2030 година.