Како што соопштија од Кабинетот на претседателот, Мишел ќе биде пречекан од Милатовиќ во резиденцијата на Цетиње со највисоки државни и воени почести, по што ќе следи разговор меѓу двајцата функционери.

„По потпишувањето во книгата на гости и средбата на двете делегации, Милатовиќ и Мишел ќе дадат изјави за јавноста. Веднаш по прес-конференцијата претседателот на Црна Гора и претседателот на Европскиот совет ќе засадат дрво на пријателството во дворот на Резиденцијата во Цетиње“, се вели во соопштението.

На крајот на денот, Милатовиќ ќе приреди свечена вечера во чест на претседателот на Европскиот совет.

„Посетата на Шарл Мишел претставува важен чекор во зајакнувањето на политичките и економските односи меѓу Црна Гора и Европската Унија, а дополнително ја потврдува одлучноста на Црна Гора да стане полноправна членка на Европската унија до 2028 година“, се заклучува во соопштението на кабинетот. /МИА

Јапонскиот цар Нарухито и неговата сопруга царицата Масако денеска, за време на последниот ден од нивната седумдневна посета на Велика Британија, го посетија престижниот универзитет во градот Оксфорд, каде што и двајцата студирале во 80-тите години од минатиот век.

Официјалната државна посета на јапонската империјална двојка заврши вчера со збогување со кралот Чарлс и кралицата Камила во Бакингемската палата, но јапонскиот суверен успеал да организира посета на Оксфорд пред да се врати во Јапонија.

Царот, кој има 64 години, го посетувал колеџот Мертон во Оксфорд од 1983 до 1986 година, додека неговата сопруга, царицата Масако, која има 60 години, студирала меѓународни односи во доцните 80-ти години на колеџот Балиол. /МИА

Во текот на 2023 година, како што посочуваат, Државниот завод за ревизија ја реализираше својата Годишна програма за работа, со која беа извршени 66 ревизии, утврдени 957 состојби и дадени се 697 препораки, сите содржани во 100 ревизорски извештаи.

-Од вкупно 66 извршени ревизии, 47 се ревизии на регуларност, девет се ревизии на успешност, две се ИТ ревизии, четири се ревизии на усогласеност и четири Follow up – ревизии, прецизираат од ДЗР.

Нагласуваат дека главниот државен ревизор Ацевски во воведниот дел од извештајот „Капиталните инвестиции имаат додадена вредност доколку обезбедат навремени, квалитетни и континуирани услуги за граѓаните“ го истакнува значењето на ефективното користење на капиталните инвестиции за обезбедување на подобри услуги за сите граѓани. /МИА