ПРЕСПАНСКО ЃОМЛЕЗЕ

Рецепт на Емилија Мешуревска

Потребни состојки: 1,8 кг. брашно, 2-3 лажици сол, 1 јајце, 1 л. јогурт, вода и масло по потреба.

Постапка:

Во подлабок сад со брашно се додава сол и вода по потреба.

Се прави каша со густина како за палачинки

Кашата треба да отстои една вечер.

` Во отстоената каша се додава 1 јајце и 1 л. јогурт.

По потреба се додава малку вода и сол.

Тепсијата се загрева во рерна на 250 степени неколку минути.

Решетката на која е ставена тепсијата претходно е наместена погоре, поблиску до горниот греач.

Потоа се вади и се попрскува со масло.

Со црпалка се нанесува каша во тепсијата.

Кашата се попрскува со масло и тепсијата се враќа во рерна.

Откако ќе се потпече првата кора тепсијата се вади од рерна.

Врз првата кора се нанесува нов слој од кашата и се попрскува со масло.

Истата постапка се повторува се додека не се исполни тепсијата.

Откако ќе се потпече последната кора, се сече во форма на баклава и се попрскува со масло.

Тепсијата се става во средина на рерната и ѓомлезето се пече уште 40-тина минути.

Температурата на почеток е 220 степени, а потоа се намалува на 180.

ЈП Комунална Хигиена- Скопје: Спроведена активност за рачистување на снегот

Во координација со Градот Скопје, ЈП Комунална хигиена-Скопје со 30 работници на терен спроведува активности за чистење на снегот и мразот на скопските булевари и улици.

Екипите на Претпријатието го расчистуваат и централното градско подрачје, плоштадот и улицата Македонија, помалите плоштади Филип Втори, Мајка Тереза и Богородица, како и Старата чаршија. Се расчистува реонот околу Градската болница, Државната болница, Владата и Собранието на РМ, а континуирано се посолуваат пешачките патеки и тротоарите на мостовите „Гоце Делчев“, и „Слобода“, како и пешачките мостови во централното градско подрачје, со цел да се овозможи безбедно и проодно движење на пешаците.

Од механизацијата се употребуваат специјални комунални возила- мултикултиватори и патарки за расфрлање на сол. Во согласност со временските услови и потребата на терен, активностите ќе продолжат и во текот на целиот ден и вечерните часови.

СДСМ: Владата предводена од СДСМ носи решенија за енергетската криза

Владата предводена од СДСМ носи решенија за енергетската криза и го штити стандардот на граѓаните.

Владата предводена од СДСМ и институциите преземааат сериозни чекори за надминување на енергетската криза и заштита на стандардот на граѓаните.

АД ЕСМ го презема управувањето со БЕГ и Топлана „Скопје Север" со што ќе се реши кризата со топлинската енергија, а скопјани ќе имаат парно греење до 1 часот по полноќ.

Претходно се преземени решенија со кои се искористија сите расположливи домашни капацитети за производство на електрична енергија.

АД ЕСМ во моментот покрива 100% од потребите на универзалниот снабдувач со електрична енергија кој ги снабдува домаќинствата и малите потрошувачи на регулираниот пазар.

Преземен и првиот чекор за заштита на економскиот стандард на граѓаните од покачените цени на енергенсите. Со 60 милиони денари ќе се субвенционираат месечните трошоци за струја на 7.500 домаќинства.

Владата во моментот интензивно работи на нови мерки што ќе значат директна финансиска поддршка за граѓаните и стопанството за справување со последиците од повисоката цена на струја.

Ова е одговорно и домаќинско управување на институциите од страна на СДСМ која секогаш работи за граѓаните.

Од друга страна јавноста сведочи на деструктивно однесување на ВМРО-ДПМНЕ и нивните градоначалници.

Наместо мерки и решенија, градоначалничката Данела Арсовска ги игнорира барањата на скопјани и се иззема од одговорност, а ВМРО-ДПМНЕ постојано пласира лажни вести, блокира и неосновано обвинува.

СДСМ и понатаму продолжува посветено и одговорно да ги решава сите предизвици и да го заштитува стандардот на граѓаните.

Со почит,

СДСМ

Кина регистрира најмал локален пренос на ковид случаи на дневно ниво

 Кина денеска го потврди најмалиот локален број дневни ковид случаи во речиси два месеци. Претходно, беа воведени национални стратегии за затварање на цели заедници и деловни активности.

Земјата вчера имала 23 локални инфекции, а претходниот ден бројката изнесувала 43, со што четири дена по ред се намалува бројот на симптоматски случаи. Воедно, ова е и најмалата бројка на дневна основа од 29 ноември минатата година.

Под 10 случаи се регистрирани во централната провинција Хенан и во северниот град Тијанџин. На овие места во последните десет дена евидентирани се најмногу локални трансмисии во Кина.

Пекинг вчера извести за пет случаи, за две повеќе од претходниот ден.

Не е регистриран ниту еден нов смртен случај. Од почетокот на пандемијата, бројот на заразени случаи во Кина изнесува 105.484, како локални, така и увезени од странство.

притисни ентер