Одлуката доаѓа по политичката криза што произлезе од истрагата за убиството на истражувачката новинарка Дафне Каруана Галиција, кој беше убиен во 2017 година со бомба поставена во нејзиниот автомобил.
Поточно, оваа недела иследниците го испрашуваа Кит Шембри, еден од соработниците на премиерот, кој подоцна даде оставка како шеф на кабинетот. Но, тој не призна дека имал некаква врска со убиството на новинарката.
Нејзиното семејство денес побара оставка од Мускат, откако премиерот ја отфрли понудата на неодамна уапсениот бизнисмен Јорген Фенех, кој рече дека ќе даде информации за убиството ако биде ослободен и помилуван. Неговите адвокати рекоа дека Фенех има и информации во врска со високи владини функционери, вклучувајќи го и Шембри.
По две години бавно испитување без преголем напредок, во последните недели, иследниците дошле до важни откритија. Поточно, минатата недела полицијата го уапси Фенех додека се обидуваше да ја напушти земјата на неговата јахта.
Овој бизнисмен и стана познат на јавноста минатата година кога преку Панама Пејперс беше откриено дека тој е сопственик на мистериозна компанија 17 Black регистрирана во Дубаи. Убиената Каруана Галиција пишувала за 17 Вlack осум месеци пред да биде убиена, а во нејзините написи се споменува дека имало поврзаност со високи владини претставници.
Инаку, демонстрантите утрово се собраа пред владината палата, а меѓу нив беше и синот на убиената новинарка, кој фрлаше овошје по еден од автомобилите на министрите и извикуваше навреди.