Премиера на новиот BMW iX3 во Македонија. - Канал 5

Автомобилизам

Премиера на новиот BMW iX3 во Македонија.

BMW ја отвора новата ера на електричната мобилност со првиот модел од Neue Klasse

Премиера на новиот BMW iX3 во Македонија.

Компанијата М Кар, официјален увозник на BMW за Македонија и Косово, денес пред македонската јавност го претстави новиот BMW iX3 – првиот модел од револуционерната Neue Klasse платформа на BMW, која означува почеток на една целосно нова ера за брендот.

Уште пред официјалното пристигнување на пазарите, новиот BMW iX3 веќе доби значајно меѓународно признание, освојувајќи ги титулите „World Car of the Year 2026“ и „World Electric Vehicle 2026“, доделени во април 2026 година на New York International Auto Show, потврдувајќи ја неговата позиција како модел што ги поставува новите стандарди во електричната мобилност.

„Новиот BMW iX3 не е само нов модел, туку симбол на трансформацијата на BMW кон иднината. Тој ја претставува Neue Klasse – нова BMW платформа која комбинира врвна електрична технологија, сосема ново ниво на дигитализација и препознатлива BMW динамика при возење. Neue Klasse ќе биде основа за повеќе од 40 нови модели и технолошки унапредувања до 2027 година, означувајќи ја најголемата технолошка трансформација во историјата на брендот. Но без разлика на промените, едно нешто останува исто: BMW секогаш ќе биде синоним за „задоволство при возењето“, изјави Билјана Колемишевска, одговорна за маркетинг комуникации и ПР во компанијата М Кар.“

Со новиот BMW iX3, BMW отвора ново поглавје во иднината на мобилноста, дигиталното корисничко искуство, одржливоста и динамиката при возење. Како прв модел од Neue Klasse, BMW iX3 носи целосно нов дизајнерски јазик, интелегентни софтвери и шестата генерација на BMW eDrive технологија.

Новиот BMW iX3 е придвижуван од напредна електрична архитектура базирана на 800V систем и нова генерација батерии, што овозможува поголема ефикасност, подобри перформанси и побрзо полнење, при што возилото нуди електричен досег до 805 километри според WLTP, а благодарение на можноста за полнење до 400 kW, за само 10 минути може да обезбеди досег до 372 километри.

BMW iX3 носи и целосно нов визуелен идентитет, со прочистен и минималистички дизајн, нагласени површини и монолитен изглед кој ја истакнува неговата технолошка природа. Вертикалната BMW бубрежна решетка, новата светлосна графика и модерните пропорции создаваат впечатлива комбинација на елеганција, динамика и препознатлив BMW карактер, додека во внатрешноста BMW воведува ново ниво на интеракција преку BMW Panoramic iDrive и BMW Operating System X, овозможувајќи поинтуитивно користење, персонализација и поставување на информациите директно во природната линија на видик на возачот.

Една од најзначајните технолошки новини кај BMW iX3 е новата електронска архитектура базирана на четири високо-перформансни компјутери – „superbrains“. Наместо голем број поединечни контролни единици, овие четири централни компјутери управуваат со возењето, инфозабавата, системите за асистенција и клучните функции на возилото, со што BMW iX3 станува возило базирано на централизирана софтверска архитектура и приближно 20 пати поголема компјутерска моќ во споредба со претходните генерации.

Дополнително, BMW го воведува и новиот систем Heart of Joy, централен компјутер за возна динамика, кој компанијата го опишува како „централен нервен систем“ на возењето и кој ги обединува клучните функции во еден централен „мозок“, овозможувајќи побрзи реакции, подобра координација меѓу системите, попрецизно управување, поефикасна регенерација и помазно чувство при возење. Развиен специјално за електрични возила, Heart of Joy работи до 10 пати побрзо од претходните решенија и претставува една од најголемите технолошки промени што BMW ги воведува во последните две децении.

Покрај технолошките иновации, BMW iX3 поставува и нови стандарди во одржливоста. Производството е насочено кон циркуларна економија, намалување на CO₂ емисиите и зголемена употреба на секундарни и рециклирани материјали, додека фабриката во Debrecen ќе функционира без употреба на фосилни горива во нормални услови на работа.

Новиот BMW iX3 50 xDrive е веќе достапен во продажба на македонскиот пазар со почетна цена од 79.860 евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец кој управувал возило со 2,13 промили алкохол и без возачка

Лишен од слобода скопјанец кој управувал возило со 2,13 промили алкохол во организмот и без возачка дозвола, возилото е одземено.

Лишен од слобода скопјанец кој управувал возило со 2,13 промили алкохол и без возачка

На 09.08.2026 во 00:01 часот на локалниот пат Илинден – Марино, полициски службеници од Мобилната единица за безбедност на сообраќајот на патиштата при Секторот за сообраќајни работи го лишиле од слобода Д.В.(41) од Скопје.

При извршената контрола било констатирано дека тој управувал патничко моторно возило „опел“ со скопски регистарски ознаки под дејство на алкохол, при што му биле измерени 2,13 промили алкохол во крвта, а управувал и без да поседува возачка дозвола.

За настанот е известен јавен обвинител, а возилото е одземено. По целосно документирање на случајот, против него ќе бидат поднесени соодветни пријави по член 297-а од Кривичниот законик.

Засилените сообраќајни контроли ќе продолжат и во наредниот период.

Апелираме до сите учесници во сообраќајот да ги почитуваат сообраќајните правила и прописи, со што заеднички ќе придонесеме за побезбедни патишта

Тагови: Алкохол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски ја жртвува водата на граѓаните за туѓи дата центри и сопствени тендери

Европа се соочува со суша, намалување на водните ресурси и пресушување на реките, што создава проблеми за енергетскиот сектор и го зголемуваат ризикот од недостиг на електрична енергија и нов раст на цените.

СДСМ: Мицкоски ја жртвува водата на граѓаните за туѓи дата центри и сопствени тендери

А Македонија веќе е зависна од увоз на струја, додека во над 50 населени места граѓаните се соочуваат со проблеми со загадена вода.

Токму во вакви услови, Мицкоски и ВМРО-ОКГ сакаат водата и струјата на граѓаните да ги продадат и да ги стават во функција на странски дата центри за сопствени тендерски профити.

Големите дата центри трошат огромни количини електрична енергија и чиста вода, додека економскиот бенефит во однос на бројот на нови работни места и даночните приходи може да биде ограничен.

Еден голем дата центар може да троши меѓу 1 и 3 милиони литри вода дневно – количина споредлива со дневната потрошувачка на град со 15.000 до 30.000 жители.

Владата на Мицкоски не успева да обезбеди доволно чиста вода за пиење за граѓаните, а сега сака огромни количини вода да стави под ризицик за комерцијални дата центри.

Огромна потрошувачка на вода носи ризик од притисок врз водоснабдувањето, а огромната потрошувачка на електрична енергија отвора ризик од дополнителен увоз и повисоки цени.

Колку дополнителна струја ќе биде потребна за планираните дата центри и колку од неа ќе мора да се увезува?

И уште поважно – кој на крајот ќе ја плати таа струја?

Повторно граѓаните преку повисоки сметки.

Нема одговор ниту на прашањето од каде ќе доаѓа водата за дата центрите.

Колкава ќе биде потрошувачката? Дали ќе има испуштање затоплена вода назад во реките и какви последици тоа може да има врз биодиверзитетот и животната средина?

Водата и струјата не смеат да станат скапа авантура од која ќе профитираат блиските до Мицкоски и ВМРО-ОКГ, а цената ќе ја плаќаат граѓаните.

СДСМ е против ставање на водата и електричната енергија на граѓаните под ризик заради бизнис интересите на власта.

Затоа бараме мораториум за изградба на нови комерцијални дата центри кои користат системи за ладење со испарување на вода.

Водата и струјата се стратешки ресурси на граѓаните, а не нов извор за тендерски профити на ВМРО-ОКГ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна хеликоптер во Бразил, има загинати (ВИДЕО)

Четири лица загинаа вчера во хеликоптерска несреќа во Рио де Жанеиро за време на 20-минутен панорамски лет во Националниот парк Тижука, објавија бразилските медиуми.

Се урна хеликоптер во Бразил, има загинати (ВИДЕО)

Пилотот и тројца колумбиски туристи загинаа, објави порталот „G1“.

Хеликоптерот се урна во тешко пристапна пошумена област.

Пожарникарите мораа да користат техники за пристап со јаже за да стигнат до местото на несреќата и да го изгаснат пожарот што избувна откако хеликоптерот се урна и ја зафати вегетацијата.

Тагови: Бразил хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер