Предвремени избори на Косово , според анкетите води ,,Самоопределување” - Канал 5

Балкан

Предвремени избори на Косово , според анкетите води ,,Самоопределување”

Жителите на Косово излегоа на предвремени избори каде што помладата генерација политичари би можеле да имаат корист од фрустрациите и заморот од сегашниот политички естаблишмент.

Предвремени избори на Косово , според анкетите води ,,Самоопределување”

Општите избори се случуваат по една година во која пандемијата на коронавирус ги продлабочува социјалните и економските разлики во поранешната српска покраина, која прогласи независност пред 13 години.

Една од најсиромашните европски земји, Косово сега се соочува со економски тешкотии предизвикани од пандемијата, а вакцинирањето на 1,8 милиони луѓе допрва треба да започне.

Протестното движење Самоопределување, кое се претвори во политичка партија, може да ја искористи желбата на јавноста за промена.

Анкетите им даваат убедлива предност на изборите, иако не е сигурно дека тоа е доволно за апсолутно мнозинство места во парламентот.

Партијата ја промовира борбата против корупцијата во кампањата.

Од прогласувањето на независноста, Косово го водеа главно поранешни лидери на бунтовниците кои се бореа во војната за независност во 1990 година. Некои од нив беа отстранети од јавната сцена минатата година од Хашкиот трибунал по поднесувањето обвиненија за воени злосторства, како што беше поранешниот претседател Хашим Тачи.

Самооппределување е предводено од 45-годишниот Албин Курти кој е убеден дека ќе формира влада. „Доаѓаме, тие заминуваат“, рече политичарот пред изборите кој ужива поддршка од помладите жители на Косово.

Тој вети дека ќе создаде нови работни места и ќе ги зголеми платите. Во Косово просечната месечна плата е околу 500 евра, а повеќе од 50 проценти од младите се невработени.

Неговите шанси ги зголеми новиот сојузник - привремениот претседател Вјоса Османи, која му се придружи по напуштањето на центристичката и моментално владејачката Демократска лига на Косово.

Адвокатрката Османи, 38, е една од најпопуларните политичари на Косово.

Османи за АФП рече дека сака да ја искорени корупцијата од претходните администрации и да се фокусира на „нашиот народ, што значи инвестирање во вработување на младите, здравство и образование“.

Иако на Курти му било забрането да се кандидира по пресудата на судот во 2018 година, бидејќи во знак на протест фрлил солзавец во парламентот, неговата партија сепак може да го предложи за свој кандидат за премиер.

Според анкетите, Демократската партија на Косово на поранешниот претседател Тачи е на второто место со околу 20 проценти од гласовите, по што следи косовската владејачка Демократска лига.

Етничките малцинства ќе имаат 20 места, од кои половина се резервирани за српската заедница.

Петтите избори на Косово од 2008 година се резултат на пресудата со која беше прогласен за неуставно назначувањето на претходната влада од процедурални причини.

Првите резултати се очекуваат вечерва по затворањето на избирачките места.

Кој и да ја формира новата влада, ќе биде под притисок на Западот да ги продолжи разговорите со Србија и да ги реши долготрајните спорови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер