Предизборен митинг на СИРИЗА во Атина - Канал 5

Балкан

Предизборен митинг на СИРИЗА во Атина

Предизборен митинг на СИРИЗА во Атина, поддржувачите на партијата очекуваат подобар изборен резултат.

Предизборен митинг на СИРИЗА во Атина

Надеж дека партијата нема дополнително да загуби гласови на изборите в недела, ќе го потврди или евентуално да го подобри изборниот резултат од минатиот месец, изразуваат, во разговор со дописничката на МИА од Атина, поддржувачите на СИРИЗА кои вчера присуствуваа на централниот партиски митинг во центарот на Атина на кој говореше Алексис Ципрас.

На изборите на 21 мај годинава грчката опозициска партија СИРИЗА освои 20,07 отсто од гласовите, двојно помалку од Нова демократија, а истражувањата на јавното мислење во Грција прогнозираат дека партијата или ќе го задржи истиот процент или би загубила неколку проценти.

- Дозволено е да паднеш, вели поговорката, но мора да станеш. И ние веќе стоиме исправени, порача лидерот на СИРИЗА на почетокот на неговиот говор на централниот собир на три дена пред изборите.

Дописничката на МИА од Атина присуствуваше на митингот на СИРИЗА и разговараше со поддржувачите на партијата, кои не го кријат разочарувањето, но и изненадувањето од загубата на гласови на изборите минатиот месец, меѓутоа потенцираат дека тоа не смее да ги обесхрабрува.

-Во период од еден месец нема многу простор за некаква промена, не верувам дека ќе се промени изборниот резултат, но се надеваме и сакаме да добиеме повеќе гласови и секако да се намали разликата од Нова демократија, вели Гркинка, поддржувач на СИРИЗА.

Млади девојки прогнозираат дека партијата нема да падне под 20 проценти, а би можела да добие најмногу 21 отсто од гласовите.

-Голема улога на изборите ќе одигра и несреќата со бегалците кај Пелопонез. Граѓаните веќе гледаат која партија ги почитува, а која ги прекршува човековите права. Нова демократија уште еднаш покажа дека ги прекршува целосно овие права и тоа секако оди во прилог на СИРИЗА, објаснува младата поддржувач на СИРИЗА.

Лидерот на партијата Алексис Ципрас, меѓу другото, порача дека потребно е СИРИЗА да добие поддршка на овие избори, да биде зајакната за „Мицотакис да не добие бланко чек в понеделник“ и да се спречи „неконтролиран режим“.

-Одовде, од плоштадот Синтагма, плоштадот на народните битки и демократијата, сакам да се обратам и да ги поканам демократските граѓани, секој прогресивен и демократски граѓанин, без разлика за кого гласал на изборите во мај, на овие избори да ја поддржи демократијата, да поддржи стабилна и здрава демократија и политички систем. И стави кочница на создавањето на еден неконтролиран режим, истакна Ципрас.

Посочи дека тоа што го исполниле плоштадот, сега е поважно од кој било друг пат и изрази дека в понеделник ќе имаат добар резултат и ќе бидат посилни и порешителни.

Традиционално во Грција четврток пред изборите е денот кога во центарот на Атина, говор одржува опозициската партија, митингот на СИРИЗА беше на плоштадот Синтагма пред грчкиот Парламент, а присутни беа поранешни министри од партијата, пратеници и кандидати за пратеници.

Во исчекување на говорот на партискиот лидер, освен грчки песни, традиционално, како и на изминатите митинзи беше пуштена и италијанската „Bella ciao“, но и „Калашников“ од Горан Бреговиќ.

Вечерва, на последниот ден од предизборната кампања во пресрет на изборите в недела, лидерот на опозициската СИРИЗА ќе говори во Солун, додека пак во Атина, централен митинг, вечерва ќе одржи претседателот на Нова демократија Кирјакос Мицотакис.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Пијанист од крузер спасен по девет часа во Тихиот Океан

Пијанист од крузер е спасен откако поминал девет часа во Тихиот Океан, на околу 32 километри од брегот на Калифорнија. 

Пијанист од крузер спасен по девет часа во Тихиот Океан

Мажот, вработен во компанијата „Ројал Карибиан“ (Royal Caribbean), паднал од бродот и пливал сè додека во петокот не го забележале двајца рибари.

Неговиот идентитет сè уште не е објавен, пренесува Би-Би-Си (BBC). Рибарите Грант Герет и Шон Нортон го забележале мажот во близина на островот Каталина. „Си помислив: ’Тоа е човек. Гасете го бродот, повлечете ги сите јажиња‘“, раскажа Герет.

Мажот им кажал дека работи како пијанист на „Овејшн оф д сиз“ (Ovation of the Seas) – крузер со 14 палуби. „Единственото нешто што ни го кажа беше: ’Ви благодарам. Мислев дека ќе умрам‘“, додаде Нортон.

Според американската крајбрежна стража, спасениот пијанист е пренесен во болница и се наоѓа во стабилна состојба.

Крајбрежната стража за Би-Би-Си (BBC) потврди дека ги истражува околностите на инцидентот.

Службите за спасување сметаат дека мажот паднал во морето околу 02:30 часот по полноќ – речиси девет часа пред да биде пронајден.

Адам Јасенда, капетан на спасувачката служба во Њупорт Бич, изјави за Си-Би-Ес (CBS) дека мажот се наоѓал на 25 до 30 километри од брегот – практично среде океанот.

Шон Нортон смета дека пијанистот преживеал исклучиво поради невообичаено топлата вода.

„Ова е година на екстремен ’супер Ел Нињо‘. Човекот веројатно поминал десет часа во водата, а температурата на морето изнесувала 24 степени “, објасни тој.

„Во која било друга година, тој не би имал никакви шанси за преживување.“ Научниците кои го следат Тихиот Океан потврдија дека тековниот климатски феномен „Ел Нињо“ е најсилниот некогаш забележан. Температурите на океанот се за околу три степени Целзиусови над просекот. Компанијата „Ројал Карибијан Груп“ (Royal Caribbean Group) даде коментар за случајот. „Му ја пружаме сета потребна поддршка и помош на нашиот член на екипажот. За да ја заштитиме неговата приватност, не можеме да откриеме дополнителни детали“, изјави портпарол за Би-Би-Си.

Тагови: крузер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Златото и среброто бележат раст на светските берзи

Цените на благородните метали бележат позитивно движење на светските берзи, при што и златото и среброто ја започнаа трговската сесија со раст.

Златото и среброто бележат раст на светските берзи

Фјучерсите на златото со рок на испорака во декември 2026 година достигнаа цена од 4.100,26 долари за унца, што претставува зголемување од 25,36 долари, односно 0,62 проценти. Во текот на тргувањето цената се движеше во распон од 4.062,55 до 4.143,17 долари.

Позитивен тренд бележи и среброто. Фјучерсите за декември се тргуваа по цена од 52,258 долари за унца, со раст од 0,316 долари, или 0,61 процент. Највисоката забележана цена изнесуваше 53,453 долари, додека најниската беше 51,415 долари.

Движењата покажуваат истовремен раст на двата благородни метала, кои традиционално се следат како важни инструменти на меѓународните финансиски пазари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судскиот процес против Ива Михаилова, обвинета за предизвикување сообраќајна несреќа со смртни последици

По бегството во Бугарија, по предлог на обвинителство судот донесе решение да и се суди во отсуство и по неа е распишана потерница.

Продолжува судскиот процес против Ива Михаилова, обвинета за предизвикување сообраќајна несреќа со смртни последици

Во Основниот суд во Кочани продолжува судскиот процес против Ива Михаилова, обвинета за предизвикување сообраќајна несреќа со смртни последици што се случи во октомври минатата година на експресниот пат Штип–Кочани.

По бегството во Бугарија, по предлог на обвинителство судот донесе решение да и се суди во отсуство и по неа е распишана потерница.

Во Кочани е Михајло Видимлиски, Михајло повели со деталите за денешното судење?

Во видеото погледнете го целиот извештај.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер