Трамп објави на социјалните мрежи скоро 40-минутен разговор со Лесли Стал, добро позната водителка на емисијата „60 минути“ на Си-Би-Ес, со коментар: „Погледнете ја оваа пристрасност, омраза и грубост од 60 минути и Си-Би-Ес“.
Претседателот, кој бил нерасположен и нервозен за време на интервјуто, постојано се жалел дека добива „тешки прашања“, додека демократскиот ривал Џо Бајден има „лесни“.
„Само барам да бидете искрени“, и рече Трамп на Стал. „Би сакал да го интервјуиравте Џо Бајден како што ме интервјуиравте мене.
Телевизијата била „дискредитирана“ прашувајќи го Бајден кој е неговиот омилен вкус на сладолед, продолжи Трамп.
Тој исто така го обвини Си-Би-Ес дека го штити Бајден затоа што еден репортер му рекол: „Не можеме да прашуваме работи што не можеме да ги провериме“.
„Она што е премногу е премногу“, рече Трамп на крајот од интервјуто и одеднаш го напушта студиото.
Републиканскиот претседател често ги обвинуваше медиумите дека не му се допаѓаат, но објавувањето интервју пред телевизијата да го стори тоа, е нешто што не е видено досега.
Уште во вторникот, Трамп се заканил дека ќе објави снимка од интервјуто во Белата куќа „за секој да може да види какво е лажно и пристрасно интервјуто“.
Интервјуто со Трамп требало да биде објавено во посебна програма заедно со Бајден.
,,60 минути” е една од најгледаните емисии на американската телевизија, особено популарна меѓу постарите гледачи.
Кога видеото било објавено, Трамп го нападнал и модераторот на последната дебата на претседателските кандидати, на која вечерва повторно ќе се соочи со Бајден.
„Денешната водителка Кристен Велкер е многу полоша!“, напиша тој заедно со објавата.
Тој претходно ја обвини новинарката на Ен-Би-Си дека го фаворизира Бајден.