Празнична роденденска победа на ФК Пелистер против Динамо Букурешт - Канал 5

Формула

Празнична роденденска победа на ФК Пелистер против Динамо Букурешт

Во пријателски празничен фудбалски натпревар, посветен на јубилејот 80 години од формирањето на клубот, вечерва во Битола, ФК Пелистер го совлада романскиот шампион Динамо од Букурешт со 2:0, полувреме 0:0.

Празнична роденденска победа на ФК Пелистер против Динамо Букурешт

Натпреварот почна со почесен удар од центарот на игралиштето што го изведе Власте Мицевски, највозрасниот член на ФК „Пелистер“, а потоа во спортски и фер-плеј дуел, битолчани го совладаа гостинот од Романија со 2:0.

Двата голови на средбатат беа постигнати во второто полувреме. Првиот погодок беше автогол од Тоадер во 75 минута и вториот гол на Ристевски кој во 88 минута погоди со удар од пенал, со што фудбалерите и навивачите чкембари го прославија заедничкиот роденден.

На празничниот пријателски фудбалски натпревар му претходеше свечена академија на која во присусво на истакнати фудбалски ѕвезди на клубот, меѓу кои Митко Стојковски, Кочо Баљари, Тони Мицевски, Благој Китановски, Ванчо Мицевски и бројни фудбалски работници беа доделени посебни признанија на фудбалерите Петар Упалевски и Спасевски за успешна фудбалска кариера, на Драган Димитровски за најдобар стрелец во историјата на клубот и на Бруно Пресилски кој го постигна првиот гол за клубот во Првата македонска фудбалска лига.

Организаторот и домаќин на свеченостите за фудбалската јавност презентираше видеопроекции од настапите на ФК Пелистер во поранешната Втора лига Исток, како и во поранешната Прва југословенска лига кога ФК Пелистер во Битола, меѓудругите клубови, ги одмери силите со Црвена ѕвезда и Партизан.

Тагови: ФК Пелистер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нов лик за „Бамби“, подобрени услови за најмалите во Општина Аеродром

Станува збор за значајна инвестиција што се реализира како донација и која ќе придонесе за помодерен, пофункционален и поекономичен објект, создавајќи подобра средина за престој и развој на децата.

Нов лик за „Бамби“, подобрени услови за најмалите во Општина Аеродром

Објектот „Бамби“ во рамките на детската градинка „Срничка“ за првпат добива термофасада, со што значително ќе се подобри енергетската ефикасност на објектот, ќе се намалат трошоците за загревање во зимскиот период и ќе се обезбедат попријатни услови за престој во текот на топлите летни денови.

Станува збор за значајна инвестиција што се реализира како донација и која ќе придонесе за помодерен, пофункционален и поекономичен објект, создавајќи подобра средина за престој и развој на децата.

Нашите најмали заслужуваат безбедни, современи и квалитетни услови во кои ќе растат, ќе учат и ќе ги создаваат своите најубави детски спомени. Токму затоа Општина Аеродром продолжува со вложувања кои директно го подобруваат нивното секојдневие.

Продолжуваме посветено да инвестираме во иднината, затоа што секое вложување во децата е вложување во подобар Аеродром за сите.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рекордна заплена во Австралија: Во подземни бункери откриени 2,7 тони кокаин

Австралиската полиција ја спроведе најголемата заплена на кокаин во историјата на земјата, откако во систем на подземни бункери во Сиднеј пронајде 2,7 тони од оваа дрога, соопштија властите.

Рекордна заплена во Австралија: Во подземни бункери откриени 2,7 тони кокаин

Кокаинот, чија улична вредност се проценува на 816 милиони австралиски долари, односно околу 500 милиони евра, бил откриен во петокот на имот во западниот дел на Сиднеј.

Според полицијата, дрогата била скриена во специјално изработени прегради под лажни подови во три бродски контејнери. На местото биле уапсени двајца мажи на возраст од 21 и 25 години, кои, според наводите, се обиделе да побегнат при апсењето. Тие се обвинети за поседување нелегално увезена дрога, а доколку бидат прогласени за виновни, им се заканува доживотна затворска казна.

Тагови: Австралија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД и Иран ја завршија првата рунда преговори во Швајцарија, се согласиле за патоказ кон конечен договор

Првата рунда преговори меѓу високи американски и ирански претставници во Швајцарија заврши утрово со добар напредок во разговорите, соопштија посредниците, Катар и Пакистан.

САД и Иран ја завршија првата рунда преговори во Швајцарија, се согласиле за патоказ кон конечен договор

Во заедничката изјава, по 18 часовните преговори во Швајцарија, се вели дека САД и Иран се согласиле на план за постигнување конечен договор во рок од 60 дена, а дека техничките разговори меѓу пониско рангираните функционери продолжуваат до крајот на неделата. Во соопштението се вели дека двете страни се согласиле да воспостават комуникациска линија за да се избегнат инциденти во Ормутскиот теснец, а дека на врвот на агендата е ставање крај на воените дејствија меѓу Израел и Хезболах, кои со денови го загрозуваат мировното решение. Оптимизмот во преговорите ја симнаа цената на нафтата од типот брент на 77 долари за барел, со што практично се добилижи до цената на нафтата пред почетокот на војната која тогаш изнесуваше 72 долари..

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер