Во декември, сезоната за сарма е официјално отворена - или барем треба да биде. Многумина се соочиле со ситуацијата да зготват сарма, но најважната состојка за ова јадење, киселата зелка, е жилава, тврда, листовите пукаат, а виткањето се претвора во „борба“.

Идеалните листови за сарма не се случајност, туку резултат на вистинскиот момент на берење, правилно киселење и некои други детали што лесно се занемаруваат.

Зошто зелката понекогаш е жилава и тврда?

За зелката да биде совршено мека за виткање, мора да одлежи доволно време во саламурата. Во ноември, се случува зелката што ја купуваме сè уште да не е целосно ферментирана - особено ако производителите ја ставаат во големи количина на почетокот на месецот, за да ја достигнат побарувачката за празниците.

Недоволно ферментираната зелка има неколку карактеристики:

листовите се тврди и не се виткаат лесно

жилите се дебели и крути

листот се крши при мотање

вкусот е благо кисел, не е доволно стасана.

Како да изберете ја (и да ја спасите) зелката за совршена сарма?

За среќа, постојат начини да се избегнат тврдите лисја, но и трикови да си помогнете ако веќе сте купиле кисела зелка која не се витка.

Проверете ги лисјата - треба речиси сами да се виткаат под вашите прсти. Ако се крути, веројатно е прерано.

Изберете главици кои се потешки и помеки на притисок - премногу цврстите главици често значат недоволна ферментација.

Погледнете ја бојата - листот треба да биде рамномерно жолтеникав, без премногу бели, тврди делови.

Прашете го продавачот кога зелката била ставена да скиснува - најдобрата е онаа што е одлежана најмалку 4-6 недели.

Што да направите ако веќе сте купиле зелка која е премногу тврда?

Бланширањето е најбрзо решение:

Одделете ги листовите и варете ги кратко, 2-4 минути. Ова ги омекнува и прави полесно се виткаат.

Тенко исечете ги жилите со нож - ова понекогаш прави драстична разлика.

Повторно потопете ги лисјето во топла саламура – лесно загреаната саламура побргу продира во листовите.

Ако ова не успее - направете мини-сарми

Помалите листови, со помалку фил полесно се обликуваат дури и со малку потврда зелка.

Со добро избрана зелка и мали трикови, тенџерето што крчка на шпоретот и бргу ќе ги надомести фрустрациите од почетокот на ситуацијата - а сармата ќе биде мека, компактна и доволно кисела, токму онаква каква што треба да биде.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.