Шоу биз

Познатиот комичар обвинет е од колешките за сексуално вознемирување

Американскиот комичар Луис С.К (50) обвинет е од пет жени за сексуално вознемирување.

Четири од нив за „Њујорк тајмс“ изјавиле дека комичарот мастурбирал во текот на разговорите со нив, додека петтата изјавила дека од неа побарал да го направи истото.

Комичарките Дана Мин Гудман, Џулија Волов, Ребека Кори и Еби Шакнер отворено зборувале за Луис С.К., додека петтата побарала да остане анонимна.

Гудман и Волов изјавиле дека нивниот колега во 2002 година ги повикал во хотелска соба во текот на фестивалот на комедијата во Аспен и притоа мастурбирал пред нив. Уште три жени раскажале за слични искуства.

Кори изјавила дека комичарот во 2005 година бил гостин во ТВ емисија во која и таа се појавила и побарал од неа да влезе во просторијата во која таа се пресоблекувала, за да може да ја гледа додека се самозадоволува.

Додала дека остро му одговорила додавајќи дека има ќерка и трудна жена, пишува „БиБиСи“.

Шакнер навела дека колегата во 2003 година го повикала телефонски за да биде гостин во нејзината емисија и тогаш забележала дека во разговорот со неа мастурбира.

„Се почувствував многу засрамено“ – изјавила за Њујорк тајмс.

Петтата жена наводно ја вознемирувал во деведесеттите години на минатиот век додека заедно работеле на една шоу програма. Како што истакнува, Луис побарал да ја гледа додека се самозадоволува. Таа потоа додала дека се согласила на неговото барање иако знаела дека е погрешно.

„Ја злоупотреби својата моќ“ – изјавила таа.

Комичарот ги отфрли сите обвиненија и ги нарече “гласини“, кога го прашале за коментар во текот на промоцијата на неговиот филм „I love you Daddy” во Торонто.
Инаку, вчера е откажана промоцијата на споменатиот филм непосредно откако е објавена сторијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американец ќе биде јавно погубен пред стрелачки вод, ќе има пренос на ТВ, одобрил Трамп

Американскиот министер за одбрана Пит Хегсет изјави за Би-Би-Си дека погубувањето на Нидал Хасан, кој уби 13 невооружени американски војници во Форт Худ во 2009 година, ќе биде емитувано во живо.

Се верува дека тоа е првото јавно погубување во САД по речиси еден век.

„Ќе се погрижиме луѓето да можат да го гледаат и погубувањето да биде јавно. Луѓето треба да разберат дека овие дела имаат сериозни последици“, рече Хегсет.

Но, одлуката не наиде на одобрување од некои во јавноста.

„Одлуката за емитување на погубувањето во живо е преседан во модерната ера и е во правна територија која сè уште не е доволно разјаснета“, рече Џон Милс, адвокат кој ги застапува затворениците осудени на смрт.

Пентагон објави претходно оваа недела дека Хасан ќе биде погубен, што е прво погубување на член на американската војска по повеќе од 60 години.

Хегсет во интервју за конзервативниот „Вистински глас на Америка“ рече дека Хасан ќе биде погубен со стрелачки вод, извршен од војници.

На прашањето дали Хасан имал некои последни барања или се обидел да контактира со претседателот Доналд Трамп, Хегсет даде ладен одговор.

„Не ми е гајле. Ќе се видиме на 3 декември“, рече тој.

Портпаролот на Пентагон изјави дека Трамп ја одобрил препораката на министерот за одбрана. Би-Би-Си побара коментар од Белата куќа за тоа дали претседателот поддржува пренос во живо на јавна егзекуција.

Trump approves firing squad for Fort Hood killer Nidal Hasan's execution after Pete Hegseth's recommendation https://t.co/XzSy7Bguc4 https://t.co/0V7B3DIwqI
— New York Post (@nypost) October 6, 2026

Иако минатата година беа регистрирани повеќе од 2.700 егзекуции во 17 земји, само две земји извршија јавни егзекуции.

Според Амнести Интернешнл, Иран регистрирал 11 јавни егзекуции во 2025 година, а Авганистан уште шест.

Егзекуцијата на Нидал Хасан е закажана за 3 декември во Форт Худ во Тексас, објави во вторник секретарот на американската армија. Тоа ќе биде првата егзекуција со стрелачки вод во американската војска од крајот на Втората светска војна.

Тагови: стрелачки вод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Апелација ја укина ослободителната пресуда за таткото на Вања Ѓорчевска

Апелацискиот суд ги потврди доживотните казни затвор За Љупчо Палевски Палчо, Велобор Манев, Боре Видевски и на Влатко Кешишев, но ја укина ослободителната пресуда за таткото на Вања, Александар Ѓорчевски.

Според судиите од Апелација Основниот кривичниот суд скопје не ги ценел доволно доказите на јавното обвинителство против Ѓорчевски

„Нашата препорака е да се изврши преоценка на доказите, со конкретни укажувања, особено на исказите на обвинетите дадени во јавното обвинителство, исказот на мајката на Вања Ѓорчевска и пораките во вибер-комуникацијата“, соопштија на брифинг вчера судиите од Апелација.

Претходно, од кривичниот суд информираа дека по добивањето на пресудата веднаш ќе закажат ново судење за Александар Ѓорчевски.

Вања Ѓорчевска и Панче Жежовски беа убиени во ноември 2023 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Англиски медиуми: Ковачиќ заминува од Манчестер Сити

Според фудбалскиот портал „Football Insider“, кој се повикува на сопствени извори следното лето по истекот на договорот, хрватскиот репрезенативец Матео Ковачиќ да го напушти Манчестер Сити.

Извештаите укажуваат на тоа дека во моментов не се водат преговори за продолжување на договорот на 32-годишниот хрватски фудбалер од средниот ред.

Ковачиќ остана во Сити во текот на летото иако му преостануваше помалку од една година од договорот и се поврзуваше со неколку други клубови.

Тој сакаше да се докаже пред Енцо Мареска по разговорите со претставниците на клубот, но моментално се соочува со тешкотии да обезбеди редовна минутажа.

„Football Insider“ пренесува дека, доколку не дојде до промена на ситуацијата, Ковачиќ ќе го напушти „Етихад“ кога ќе му истече договорот следниот јуни.

На неговата иднина влијае и неизвесната ситуација во Манчестер Сити. Клубот поднесе жалба на одлуката со која беше прогласен за виновен за прекршување на финансиските правила на Премиер лигата, а засега не се знае кога ќе биде донесена одлука по таа жалба. Исто така, не е јасно со какви казни би можел да се соочи клубот.

Ковачиќ му се приклучи на Манчестер Сити од Челзи во 2023 година и оттогаш има одиграно 102 натпревари за клубот.

Минатата сезона настапи само девет пати откако претрпе сериозна повреда на Ахиловата тетива.

„Football Insider“ пренесува дека се очекува неколку големи клубови да покажат интерес за Ковачиќ пред следното лето, кога тој би можел да стане слободен играч. Во моментов, склучувањето нов договор со Сити не се смета за веројатно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.