Во Барселона дојде вечерва до судир на застапниците за независност и каталонската полиција пред зградата на шпанската централна влада што е опкружена со илјадници демонстранти.
Специјалците поставија железни бариери, но маскираните демонстранти успеаја да ги отстранат, по што полицијата со штитови и палки го блокираше пристапот до зградата.
- „На нив, ое, нив, ое!“, „Да живее слободна земја“ и „Улиците секогаш ќе бидат наши“ - протестираат демонстрантите со знамиња што ја симболизираат независноста на Каталонија.
Тие фрлаат лименки, шишиња и Молотови кон полицијата.
Протести се одржуваат и во другите три големи каталонски градови - Жирони, Тарагони и Леиди.
На вчерашните ппротести 131 лице се повредени во судирот на демонстрантите и полицијата, од кои еден е сериозно повреден.
Протестите се случија откако Врховниот суд во Мадрид во понеделникот осуди деветмина каталонски политичари на 9 до 13 години затвор за организирање на референдумот во 2017 година и последователно прогласување на Република Каталонија.