Потресната животна приказна на Настасја Кински не престанува да ја интригира светската јавност! - Канал 5

Живот

Потресната животна приказна на Настасја Кински не престанува да ја интригира светската јавност!

На 15 години е прогласена за секс симбол, злоставувана од својот татко и наведена на оргии од режисер!

Потресната животна приказна на Настасја Кински не престанува да ја интригира светската јавност!

Германската актерка Настасја Кински иако доживеа светска слава, многумина од филмските критичари сметаат дека таа не била премногу талентирана, ниту дека по некои квалитети се издвојувала од актерките на своето време, туку дека нејзината несекојдневна убавина одиграла пресудна улога во добиените ангажмани.

Настасја со својот изглед целосно ги промени претходно воспоставените стандарди за женска убавина. Таа се прослави во 1981 година појавувајќи се на постер на познатиот фотограф Ричард Аведон, на кој позира гола „обвиткана“ со змија, а јавноста се згрози во 1976 година кога, сè уште малолетна, се појави гола во филмот „Ќерка на ѓаволот“.

Нејзината приказна ја заинтригира јавноста уште за време на нејзините почетоци во филмската индустрија. Постои дури и несовпаѓање околу нејзините години. Имено, според американските власти таа е родена во 1959 година, додека според податоците од Германија, таа е родена во 1961 година.

Израснала во сиромашно семејство, а лошата материјална состојба дополнително допринела за развод на нејзините родители. Почнала да глуми на 12-годишна возраст, а своето филмско деби го имаше во 1975 година во филмот на Вим Вендерс, „Погрешен потег“, каде што наместо актерката Лиза Краузер, Настасја го играше немото девојче Мињон. Кога имала 16 години, таа го напуштила редовното школување, по што посетувала школа за глума кај познатиот Ли Стразберг.

Во 1978 година, таа се појави во еротскиот филм „Остани како што си“ со Марсело Мастројани. Продуцентската куќа „New Line Cinema“ го пушти филмот во Америка во декември 1979 година, што на Кински ѝ донесе голема популарност и на тој пазар. Магазинот „Тајм“ напиша: „Кински е едноставно магична, секси и духовита истовремено, и сето тоа со огромна леснотија“.

Иако звучи помалку застрашувачки, тоа што на толку мала возраст го доби епитетот на сексапилна девојка, нејзе не ѝ пречело, но сепак тоа влијаело на нејзината судбина во годините што следеле.

Оргии со режисерот

Настасја на 15 години започнала романтична врска со познатиот режисер Роман Полански, кој од неа бил постар речиси 30 години. Полански, да потсетиме, во ’77. г. беше обвинет во Америка за силување на тринаесетгодишно девојче. Од Америка, без да ја дочека пресудата, побегна во Париз и повеќе не стапна на американско тло. Ниту во 2003 година, кога освои Оскар.

Според една изјава која ја опишува неговата средба со Настасја, во октомври 1976 година, во Минхен, по првата проба на Вердиевиот „Риголето“ во продукција на Баварската државна опера, Полански се упатил на вечера со еден германски критичар и две девојки. По вечерата, четворицата отишле во неговиот хотелски апартман.

Режисерот легнал со една од девојките, додека другата го забавувала театарскиот критичар. Но, кога режисерот се разбудил во текот на ноќта, видел дека споменатиот критичар го нема, а на фотелјата спиела девојка по име „Наста“. Ја разбудил и ја повикал на секс во тројка, на што таа наводно се согласила без многу двоумење. Подоцна беше откриено целото име на девојката - тоа била Настасја Кински, младата германска актерка. Таа тогаш имала 15 години, а Полански 43.

Во 1994 година, Полански за тоа зборуваше во интервју со познатата ТВ водителка Дијана Соер. Таа го праша: „...што стана со Настасја Кински? На тоа тој одговори: „Таа беше млада и бевме во љубовна врска“. Но, во интервју кое во 1999 година го дала Настасја Кински за магазинот „Гардијан“, таа изјавила дека тоа не била љубовна врска, туку безопасен флерт. Рекла дека можела да биде заведена, но тоа наводно не се случило. Во истото интервју таа изјави дека покрај него се чувствува многу ценето.

Татко предатор

Татко на Настасја бил германскиот актер Клаус Кински, кој се развел од нејзината мајка Рут во 1968 година, кога Настасја имала седум години. По разводот, таа ретко го гледала својот татко, а тој повторно се оженил и ги добил ќерката Пола и синот Николај.

Ужасните обвиненија против Клаус најпрво во јавноста ги изнесе Пола, која тврдеше дека нејзиниот татко сексуално ја злоставувал. Во едно интервју во 2013 година, Настасја негираше дека и таа била жртва на сексуално злоставување од страна на нејзиниот татко, но призна дека тој ја малтретирал на други начини и дека еднаш се обидел сексуално да ја нападне, но не успеал.

- Секогаш ме допираше премногу, ме држеше толку цврсто што мислев дека не можам да избегам. Во тоа време имав четири или пет години, и живеевме во Минхен. Инстинктивно препознав дека тоа не е прегратка на татко, туку повеќе од тоа – рече таа и додаде:

- Тој не беше татко. Дури 99 проценти од времето бев преплашена во негово присуство. Тој беше толку непредвидлив што семејството живееше во постојан страв.

На прашањето што би му рекла денес, доколку има прилика, таа одговорила:

- Би направила сè за да го ставам зад решетки доживотно. Мило ми е што повеќе не е жив.

Клаус Кински почина во 1991 година. Неговата ќерка Пола ја шокираше јавноста кога откри дека татко ѝ почнал да ја злоставува кога имала пет години, а првпат ја силувал кога имала девет години. Ова продолжило до нејзината 19-та година.

извор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Стотици Јапонци влечат замок со јажиња- тежи 360 тони, а го поместиле 2 метра (ВИДЕО)

Со извици „со-ре, со-ре“, околу 1.800 луѓе се собраа во северна Јапонија за време на викендот за да работат заедно на преместување на замок од 360 тони!

Стотици Јапонци влечат замок со јажиња- тежи 360 тони, а го поместиле 2 метра (ВИДЕО)

Историската зграда во Хиросаки, префектурата Аомори, претходно беше преместена за да се поправи ѕид оштетен во силен земјотрес. Откако работата беше завршена, беше организирано „префрлување“ на неговата оригинална позиција.

Традиционална јапонска техника

Тимови од 80 луѓе наизменично го влечеа замокот користејќи јажиња долги 30 метри, додека огромната структура, поставена на шини, полека се приближуваше кон својата дестинација.

Во саботата беше преместен за 1,13 метри, а во неделата за уште 1,09 метри, објавува The Guardian.

„Не аплицираа само луѓе од градот, туку и од цела Јапонија, па дури и од странство. Повеќето од нив дојдоа од Југоисточна Азија, Европа и Северна Америка“, рече Кенсуке Хајасака, раководител на одделот за паркови и зелени површини на градот Хиросаки.

За да се зачува историската зграда, беше користена традиционална јапонска техника позната како хикија. Наместо да се расклопи зградата, таа е поставена на ролери и се преместува како целина.

Градот ги покани Јапонците да учествуваат во неговото преместување уште во 2015 година. Тогаш беше извршено првото „преместување“.

Работата за зачувување на замокот траеше со години. Оштетениот ѕид беше завршен во декември 2024 година, а сите 2.185 камени блокови беа вратени на нивните првобитни позиции.

Кога работата беше завршена, властите повторно ги повикаа граѓаните да помогнат во „реставрацијата“ на замокот.

YouTube video

„Го повлеков пред 11 години“

Меѓу учесниците во напорите беше и 61-годишниот Мотохару Наката, кој патуваше од Хирошима.

„Го повлеков пред 11 години. Многу е трогателно повторно да можам да учествувам. Нема друга можност да се повлезе замок - беше фантастично“, рече Наката.

Рачното преместување на кулата ќе трае до крајот на август. Планирано е околу 4.100 луѓе да ја поместат структурата вкупно пет метри во тој период. Сепак, она што граѓаните можат да го направат со свои раце е само мал дел од целиот напор. По симболичните пет метри, преостанатите 73 метри ќе бидат покриени со помош на машини.

Целиот настан е замислен не само како дел од проект за реставрација, туку и како начин локалната заедница заедно да учествува во зачувувањето на своето историско наследство.

Замокот Хиросаки е еден од само 12-те вакви историски градби што останале во Јапонија и бил седиште на кланот Цугару. Изграден е во 1611 година.

Тагови: замок Јапонци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американското министерство за образование ја избриша објавата, во која Трамп го изедначуваат со Хитлер (ВИДЕО)

Официјалниот профил на Министерството за образование на САД на социјалната мрежа X објави видео клип од 19 секунди, кој содржи реплика од филмот „Најмрачниот час“.

Американското министерство за образование ја избриша објавата, во која Трамп го изедначуваат со Хитлер (ВИДЕО)

Официјалниот профил на Министерството за образование на САД на социјалната мрежа X објави видео клип од 19 секунди, кој содржи реплика од филмот „Најмрачниот час“, биографски филм за животот на поранешниот британски премиер Винстон Черчил за време на Втората светска војна.

Клипот набрзо беше избришан од платформата, но корисниците го зачуваа, а потоа го споделија повторно.

Клипот го прикажува Винстон Черчил, игран од Гари Олдман, како извикува: „Не можете да преговарате со тигар кога главата ви е во неговата уста“, проследено со монтирани снимки од американскиот претседател Доналд Трамп како ја крева тупаницата или победничкиот прст. Во позадина е песната „We Go On“ од раперот BIA, додека на видеото е напишано триумфално: „Никој не го прави тоа како нас“, со емотикон од тигар.

Проблемот е што во филмот, „тигарот“ за кој зборува Черчил е всушност Адолф Хитлер. Черчил, како водач на британскиот отпор кон нацистичката воена машинерија, решително одбива да преговара со „тиранинот“. Реченицата се наоѓа во официјалниот трејлер за филмот од 2017 година, на 1 минута и 45 секунди, а за улогата на Черчил, Гари Олдман освои Оскар.

Министерството за образование е „длабоко неписмено“

Имаше бројни реакции на социјалните мрежи. Новинарите предупредија за збунувачката порака, додека други го критикуваа незнаењето на авторот на објавата, објавува Le Parisien.

„Фактот дека Министерството за образование е толку длабоко неписмено што не знае на што се однесува оваа сцена е едноставно величествено“, напиша еден критичар.

Педро Гонзалез, поранешен поддржувач на Трамп, кој подоцна се дистанцира од движењето MAGA, остро ја критикуваше објавата: „Десничарите им намигнуваат на белите супремацисти, па дури и на фашистите, како што прави овој твит. Тигарот споменат во ова видео е Хитлер, а идиотите во администрацијата Трамп-Венс го користат за да го опишат Трамп“, напиша тој.

Потоа додаде: „Дали ја разбирате суптилната шега?“

Централата на профилот, поврзана со поранешната демократска потпретседателка Камала Харис, исто така го осуди гафот: „Ги отпуштија вработените кои помагаат во наоѓањето средства за наставниците и учениците, но го задржаа креаторот на видеото кој е платен од даночните обврзници“.

Видеото беше отстрането од профилите на социјалните мрежи на Министерството за образование по објавата.

Сепак, некои поумерени коментатори сугерираа дека авторот на монтажата, веројатно многу млад, можеби едноставно зел постоечки клип од TikTok со кој го рекламира Тајгер Вудс, шампионот во голф, користејќи реплика од филмот без да ја прикаже оригиналната сцена и нејзиниот контекст. Патем, Тајгер Вудс, според текстот, бил партнер на Ванеса Трамп, поранешната снаа на претседателот Доналд Трамп.

Тагови: Адолф Хитлер Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ерос Рамацоти одложи дел од светската турнеја поради операција на гласните жици (ВИДЕО)

Ерос Рамацоти мораше да го одложи почетокот на продолжението на светската турнеја „Una Storia Importante World Tour“ поради операција на гласните жици. 

Ерос Рамацоти одложи дел од светската турнеја поради операција на гласните жици (ВИДЕО)

Италијанскиот музичар објави на Инстаграм дека го очекуваат неколку месеци закрепнување, поради што планираните концерти во Северна и Јужна Америка ќе се одржат дури во 2027 година, пишува италијанскиот Rai News.

„Ќе се видиме повторно“

„Операцијата на гласните жици помина добро. Ви благодарам на сите за пораките за поддршка и љубов“, напиша Рамацоти во објава споделена на италијански, шпански и англиски јазик.

Тој додаде дека лекарот му препишал рехабилитација, поради што нема да може да одржува проби или да продолжи со настапите според првичниот план. „За жал, концертите во Северна и Јужна Америка ќе мора да се одложат до 2027 година. Ќе се видиме повторно, посилни и поповрзани од кога било“, им рече пејачот на обожавателите.

Ова не е прв пат здравствените проблеми поврзани со неговиот глас да влијаат на неговата кариера. Во мај 2019 година, Рамацоти исто така мораше привремено да ја прекине својата светска турнеја „Di vita ce n'è“ по операцијата за згуснување на гласните жици.

Обожавателите беа изненадени од веста за одложувањето

Веста за одложувањето дојде неочекувано бидејќи подготовките за светската турнеја „Una Storia Importante“ траеја со недели, а Рамацоти го заврши европскиот дел од концертите само пред два месеци.

Од 11 февруари до 27 јуни, тој настапи во бројни европски градови, вклучувајќи ги Париз, Стразбур, Брисел, Минхен, Осло, Франкфурт, Прага, Барселона и Мадрид.

Во Италија, тој одржа големи концерти на стадиони како што се Сан Сиро во Милано, стадионот „Диего Армандо Марадона“ во Неапол, Олимпико во Рим и стадионот „Алијанц“ во Торино.

Нов распоред на турнејата

Според првичниот план, пејачот требаше да ја продолжи турнејата по само четиримесечна пауза. Првиот следен концерт беше закажан за 16 октомври во Торонто, по што следуваа настапи во Бостон, Њујорк, Чикаго, Мајами и Лос Анџелес.

Потоа турнејата требаше да се пресели во Латинска Америка, каде што беа планирани концерти во Мексико, Колумбија, Чиле, Перу, Аргентина, Бразил и Костарика.

Според новиот распоред, Рамацоти ќе се врати на сцената на 1 април 2027 година со концерт во Луксембург. Следат настапи во Белгија, Германија, Швајцарија, Франција и Шпанија, а во Италија се враќа во мај.

Европскиот дел од турнејата ќе заврши на 25 мај 2027 година со концерт во Виена.

Одложените концерти во Северна и Јужна Америка ќе се одржат од 24 септември 2027 година. Турнејата повторно ќе започне во Торонто, а финалниот настап е планиран за 9 ноември во Сао Паоло, Бразил.

Тагови: Ерос Рамацоти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер