Потресна судбина на екипажот на товарен брод, заробен од Хутите: Заробен Грк разговара со сопругата (ВИДЕО) - Канал 5

Свет

Потресна судбина на екипажот на товарен брод, заробен од Хутите: Заробен Грк разговара со сопругата (ВИДЕО)

Хутите објавија видео на кое се прикажани морнари од грчкиот товарен брод „Етернити Ц“, кој потона откако беше нападнат од јеменска милитантна група на почетокот на јули во Црвеното Море.

Потресна судбина на екипажот на товарен брод, заробен од Хутите: Заробен Грк разговара со сопругата (ВИДЕО)

„Единаесет членови на екипажот беа спасени, вклучувајќи двајца повредени. Телото пронајдено на бродот пред да потоне е префрлено во мртовечница“, се вели во соопштението на Хутите, според телевизијата „Ал-Мајадин“.

Меѓу заробените морнари е и грчкиот државјанин Сотирис, кој бил вооружен чувар на бродот.

Во еден момент, видеото го прикажува Сотирис како разговара преку видео повик со непозната жена, највееорјатно неговата сопруга. Грчкиот товарен брод „Етернити Ц“ беше нападнат на 7 јули со беспилотни летала, огнено оружје и вооружени напаѓачи во глисери додека пловел околу 50 наутички милји од јеменското пристаниште Ходеида.

Мисијата на ЕУ „Штит на Црвеното Море“ објави дека 15 од 25-те членови на екипажот на бродот „Етернити Ц“, кој плови под либериско знаме, се водат како исчезнати по нападот на Хутите, вклучувајќи четворица мртви.

Од ноември 2023 година, јеменските бунтовници поврзани со Иран започнаа серија ракетни и беспилотни напади врз Израел и бродови за кои веруваат дека се поврзани со Израел, САД и Велика Британија, велејќи дека дејствуваат во солидарност со Палестинците во Појасот Газа.

Во мај, тие се согласија да престанат да напаѓаат американски бродови во замена за прекин на американското бомбардирање на позициите на милитантното движење во Јемен.

Тагови: товарен брод Хутите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 10 возачи за „безобѕирно управување со моторно возило“, седум возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 10 возачи поради сторено кривично дело „безобѕирно управување со моторно возило“ по член 297-а од Кривичниот законик.

Лишени од слобода 10 возачи за „безобѕирно управување со моторно возило“, седум возеле без положен возачки испит

Од нив, седум управувале возило без положен возачки испит и тоа: Д.А.(41), Ш.Џ.(23), 20-годишната Е.Љ. и 16-годишник, сите од Скопје, Ф.И.(45) и С.К.(56), двајцата од скопско и С.Х.(44) од Тетово. Со активна мерка - забрана за управување на возило возеле Б.Д.(45) од Велес и С.Б.(25) од Гостивар. Додека, пак, под дејство на алкохол возел Т.Н.(37) од Гостивар. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Државниот секретар Петрушевски учествуваше на 27. состанок на Советот на СЕЛЕК во Букурешт

На 21 октомври 2026 година, во Букурешт, Романија, се одржа 27. состанок на Советот на СЕЛЕК – Центарот за спроведување на законот на Југоисточна Европа.

Државниот секретар Петрушевски учествуваше на 27. состанок на Советот на СЕЛЕК во Букурешт

На состанокот учествуваше државниот секретар во Министерството за внатрешни работи, Сашо Петрушевски, во својство на постојан член на Советот, предводејќи ја македонската делегација.

Во рамки на состанокот беа презентирани резултатите од оперативната работа на СЕЛЕК за 2025 и 2026 година, при што беше разгледан придонесот на Центарот во унапредувањето на регионалната соработка и координацијата меѓу надлежните институции во справувањето со прекуграничниот и организираниот криминал.

Во продолжение, се одржа гласање за избор на нов генерален директор на СЕЛЕК. За функцијата беа номинирани кандидати од Албанија, Романија и Србија. По спроведената изборна постапка, за генерален директор беше избрана кандидатката на Романија, Мадалина Сорина Влангар.

Состанокот претставуваше можност за размена на информации и искуства меѓу земјите членки, како и за унапредување на регионалната соработка во спречувањето и сузбивањето на прекуграничниот и организираниот криминал.

Република Македонија, преку своето учество во работата на Советот на СЕЛЕК, продолжува да придонесува кон зајакнување на соработката меѓу надлежните институции и унапредување на безбедноста во Југоисточна Европа.

Тагови: Сашо Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Го вративме вандализираното спомен-обележје на децата бегалци од Егејска Македонија

Го враќаме спомен-обележјето, го чуваме споменот на едно одземено детство!

Ѓорѓиевски: Го вративме вандализираното спомен-обележје на децата бегалци од Егејска Македонија

Го вративме вандализираното спомен-обележје на децата бегалци од Егејска Македонија, во чест на нивните судбини, прекинатото детство и незгаснатата љубов кон родниот дом.

Истовремено, во тек се градежните активности за целосна реконструкција на паркот „Жена-Борец“.

Го обновуваме просторот кој ја чува нашата колективна меморија и му го враќаме достоинството што го заслужува.

Градиме за иднината. Со почит кон минатото!, објави на ФБ градоначалникот на Скопје, Орце Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер