Свет

Двајца морнари убиени во нов напад врз товарен брод во Црвено Море, во близина на Јемен

Со овие нови смртни случаи, први од јуни 2024 година, на шест се зголеми вкупниот број на морнари убиени во нападите врз бродови во Црвеното Море.

Двајца членови на екипажот на товарниот брод „Етернити Ц“ со либериско знаме, управуван од грчка компанија, синоќа се убиени во напад со дрон и глисер во близина на Јемен, соопшти денеска либериската бродска делегација на состанокот на агенцијата на ОН за бродски превоз IMO.

Со овие нови смртни случаи, први од јуни 2024 година, на шест се зголеми вкупниот број на морнари убиени во нападите врз бродови во Црвеното Море.

Најмалку двајца членови на екипажот се повредени, а двајца се водат за исчезнати во синоќешниот напад на Хутите врз грчкиот товарен брод во близина на Јемен, само неколку часа откако оваа проиранска милитантна група соопшти дека во претходниот напад потопила товарен брод во Црвеното Море.

Синоќешниот напад, што се случи 50 наутички милји југозападно од пристаништето Ал-Худаида, е втор напад врз трговски брод во важниот поморски коридор од ноември 2024 година, изјави официјален претставник на европската мисија „Аспидес“, која ги штити бродовите во Црвеното Море.

Товарниот брод „Етернити Ц“, со 22 члена на екипажот - 21 Филипинец и еден Русин - и вооружени чувари, бил нападнат од поморски беспилотни летала и рачни фрлачи на гранати испукани од глисери, наведуваат изворите.

Мостот на бродот бил погоден, а телекомуникациите на бродот оштетени, изјавил функционер на компанијата.

Безбедносни извори изјавиле дека бродот, што не превезувал товар, претрпел голема штета.

На екипажот му било наредено да го напушти бродот, но чамците за спасување биле уништени, изјавиле два извори.

Бродот пловел по морето без контрола, изјави функционерот на мисијата „Аспидес“. Во време на инцидентот во близина немало бродови од оваа мисија.

Никој сè уште не ја презел одговорноста за нападот.

Ден оретходно Хутите ја презедоа одговорноста за нападот врз товарниот брод „Меџик Сис“, управуван од грчка компанија, југозападно од Јемен.

Милитантите со осум чамци го нападнале бродот со огнено оружје, рачни фрлачи на гранати, ракети и поморски беспилотни летала.

Екипажот од 19 морнари морал да го напушти бродот што пловел под либериско знаме бидејќи протекувало вода. Тие биле спасени од брод што минувал низ областа и безбедно пристигнале во Џибути, велат изворите.

Хутите објавија дека го потопиле бродот. Но, претставник на „Стем Шипинг“ рекол дека ова не е потврдено од независни извори.

Тагови: Јемен Црвено Море

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четворица под истрага, пукале со три пиштоли и пушка на семејна прослава

Четири лица се осомничени за пукањето на семејната прослава во Добри Дол гостиварско, што се случи на 31 јули.

За време на прославата, осомничените со три пиштоли и една пушка пукале во воздух, со што, ги довеле во опасност животите на поголем број присутни. Постапката е поведена по поднесена кривична пријава од страна на МВР. Од ОЈО Гостивар наведуваат дека поради опасност од бегство на осомничените, меѓу кои еден кој има македонско и словенечко државјанство, доставиле предлог за определување притвор.

Од МВР претходно сопоштија дека привеле шест лица , а едно било повикано на службен разговор во врска со пукањето. За време на претресите на повеќе локации во Добри Дол, полицијата пронашла и одзела оружје и муниција

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уште трае борбата со огнената стихија во кавадаречко

Се уште трае борбата со огнената стихија во кавадаречко.

Пожарот е активен и гори ниско стеблеста шума , а голем дел е изгаснат ова утринава за Канал 5 го изјави директорот на Дирекцијата за заштита и спасување Стојанче Ангелов кој информираше дека активен пожар има и во Прилепско.

Се вложуваат максимални напори за локализирање и отсекување на огнената линија, со цел да се заштити секој објект и да се спречи понатамошно ширење на пожарот. Се интервенира во два правци кон селото Дреново кон Ќесендре и кон селото Раец.

Во Кавадарци на терен се ангажирани сирте ресурси од општината , а помага и дел од месното население.

Поставено е и амбулантно возило со доктор, стационирано во селото Дреново, како превентивна мерка за здравствена заштита на жителите, информира градоначалникот Митко Јанчев.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и многу топло

Времето денес ќе биде сончево и многу топло со мала локална облачност.

Ќе дува слаб до умерен променлив ветер. Минималната температура ќе биде во интервал од 10 до 20, а максималната ќе достигне од 33 до 40 степени.

Во Скопје, сончево и многу топло со слаб променлив ветер. Минималната температура ќе се спушти до 17, а максималната ќе достигне до 38 степени.

Во наредните денови продолжува периодот на сончево и многу топло време со дневна температура која во некои места ќе надмине 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончевo УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.