Постои голем притисок за проширување на ЕУ со земјите од регионот, вели Јотова - Канал 5

Балкан

Постои голем притисок за проширување на ЕУ со земјите од регионот, вели Јотова

Темата за проширувањето на ЕУ, а особено за Македонија се искривува од европските партнери– вели бугарската потпретседателка Илијана Јотова. 

Постои голем притисок за проширување на ЕУ со земјите од регионот, вели Јотова

Во интервју за БГ ОН ЕР каде речиси половина од времето го посвети на односите меѓу Скопје и Софија, Јотова повтори дека е збунета од како што кажа, тенденцијата на европските челници да говорат за двостран спор меѓу Македонија и Бугарија. Според неа, постои силен притисок за забрзано примање на нови земји- членки во Унијата.

-Геополитичкиот притисок во моментот е многу силен да има забрзано примање на тие држави. Моето конкретно мислење е дека тоа може еден ден многу скапо да не чини, бидејќи ние говориме за долг процес на реформи, ако тој не постои во тие држави, значи тие ќе внесат уште проблеми во самата ЕУ, кој знаеме дека и сега ги има многу. - Илијана Јотова – Потпретседателка на Бугарија

Пораките на Јотова доаѓаат во исто време со посетата на претседателот на ЕС Антонио Кошта кој во наредните три дена ќе биде во официјална посета на Бугарија. Теми на разговор како што соопштија од неговиот кабинет, покрај европската одбрана и војната во Украина, ќе биде и европското проширување.

-Претседателот Кошта и Премиерот Жељазков ќе дискутираат за актуелните прашања ќе разговараат за сегашните и идните случувања во неколку области, вклучувајќи ја европската одбрана и поддршката на ЕУ за Украина, конкурентноста, миграцијата и проширувањето.- Европски Совет

Кошта кој во неколку наврати повтори дека проширувањето со западен Балкан е политички приоритет за Унијата, најави дека на средината на мај ќе дојде и во официјална посета на Македонија. Во истиот период се очекува земјава да ја посети и високата претставничка за надворешна и безбедносна политика на Унијата Каја Калас.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во тетовско, пронајден кокаин, лишено од слобода едно лице

На 03.10.2026 во 19:15 часот, врз основа на судска наредба, полициски службеници од СВР Тетово извршија претрес во дом и помошните простории кај С.С. (26) во с. Мала Речица, тетовско.

Претрес во тетовско, пронајден кокаин, лишено од слобода едно лице

При претресот бил пронајден и одземен кокаин, по што лицето е лишено од слобода. По целосно документирање на случајот, ќе следува соодветна пријава.

Тагови: кокаин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кобила за ождребила на булеварот „Илинденска“

Несекојдневна глетка и случка утрово ги изненади жителите на скопски Карпош. На Илинденска се родило ждребе.

Кобила за ождребила на булеварот „Илинденска“

Активистка која била таму изјавила дека ждребето било во лоша состојба. Во објава на ФБ скопјанката Билјана навела дека успела да го префрли ждребето на тревникот, бидејќи никој не дошол да помогне.

Градоначалникот на Град Скопје, Орце Ѓорѓиевски, во врска со ождребената кобила на улицата Илинденска во Скопје, истакна дека иако тоа не е нивна обврска веднаш реагирале екипите на ЗОО - Скопје и стручните лица, а кобилата и ждребето се преземени и сместени на безбедно, во карантин, каде што ќе ја добијат потребната нега и стручен третман.

Тагови: Илинденска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Новата порака од Москва за крајот на војната: Ова се три работи што Украина мора да ги прифати

Медведев потсети дека основните параметри, ги формулирал рускиот претседател Владимир Путин.

Новата порака од Москва за крајот на војната: Ова се три работи што Украина мора да ги прифати

Трајно решение за кризата во Украина е можно само ако Киев прифати неутрален статус, се откаже од нуклеарно оружје, ја промени својата политика и признае нови региони во рамките на Русија, изјави Дмитриј Медведев, заменик-претседател на Рускиот совет за безбедност.

Во интервју за иранската државна радио-телевизиска компанија, Медведев потсети дека основните параметри, кои беа претходно наведени, ги формулирал рускиот претседател Владимир Путин.

Првиот од нив е враќањето на Украина кон принципите на неутралност и ненуклеарен статус, во согласност со декларацијата за суверенитет и правните акти од 1990-тите.

Второто барање на Медведев беше украинските власти да го напуштат својот радикален политички курс и да ја укинат дискриминаторската забрана за рускиот јазик и култура.

Третата точка, како што изјави заменик-претседателот на Советот за безбедност, е воспоставување руска јурисдикција над Донбас и другите нови територијални субјекти што се вклучени во рускиот Устав, објави порталот Вести.ру.

Тој објасни дека спроведувањето на овие задачи може да се формализира преку дипломатски канали. Медведев претходно изјави дека „на русофобните гнасотии треба да се одговори исклучиво со јазикот на военото одвраќање“, потсети порталот.

Тагови: москва украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер