После 40-тата година телото испраќа сериозни предупредувања - Канал 5

Здравје

После 40-тата година телото испраќа сериозни предупредувања

 – Овие симптоми никако не смеете да ги игнорирате

После 40-тата година телото испраќа сериозни предупредувања

Може да делуваат безопасно, но понекогаш укажуваат на сериозни здравствени проблеми.

Влегувањето во петтата деценија на многумина им носи поголема самодоверба и поголемо чувство на сигурност во сопствената кожа. Сепак, додека духот зајакнува, телото сè повеќе ги покажува првите знаци на стареење.

Физиолошките, хормонските и метаболички промени стануваат поизразени, а со нив се јавуваат и симптоми кои некогаш може да бидат ран показател на сериозни здравствени проблеми. Затоа е важно да го слушате организмот и да не ги занемарите овие промени.

Срцето и крвните садови стануваат поосетливи

Болестите на срцето се водечка причина за смрт кај жените, а ризикот особено се зголемува по менопаузата. Губењето на естрогенот, кој има заштитна улога за срцето, може да доведе до зголемен холестерол, висок притисок и зголемена телесна маса.

Еден од најчестите занемарени симптоми е невообичаениот умор. Истражувањата покажале дека голем број жени кои доживеале срцев удар, со недели претходно чувствувале изразена исцрпеност која не минувала и после одмор.

Покрај уморот, предупредувачки знаци може да бидат и задишувањето при секојдневни активности, вртоглавица, оток на нозете и зглобовите, како и болка која се шири кон вилицата, вратот и грбот. Важна улога има и семејната историја на болести.

Проблемите со видот стануваат почести

Повеќето луѓе во раните и средни 40-ти забележуваат дека потешко гледаат одблизу, состојба позната како презбиопија. Тоа најчесто се забележува кога лицето почнува да го оддалечува весникот или менито од очите за да види подобро.

Со текот на годините се зголемува и потребата од појако светло при читање, а може да се јави и поголема осетливост на јака светлина, особено ноќе. Често, кај жените кои минуваат низ хормонални промени се јавуваат суви и надразнети очи.

Очилата за читање обично го решаваат проблемот, но ненадејната појава на „мушички“, блесок пред очите, губење на периферниот вид или искривена слика може да укажуваат на сериозни состојби кои барат итен преглед од офталмолог.

Болки во коските и мускулите

Постојаните болки во зглобовите и мускулите, обично се припишуваат на годините, но не треба да се занемаруваат. Уште во текот на 30-тите, а особено во 40-тите постепено се губи мускулната маса и силата, додека густината на коските опаѓа, што може да доведе до остеопенија и остепороза.

Вкочанетоста и болката во колената, колковите, шаките, може да укажува на почеток на остеоартритис, иако многумина поради болките избегнуваат движење, стручните лица советуваат физичка активност.

Стручните лица нагласуваат дека физичката активност е клучна за одржување на силни коски, функционални мускули и помага подолго време да се одржи подвижноста. Се препорачува најмалку 150 минути неделно умерена аеробна активност, со вежби за сила.

Хормони, метаболизам и расположение

По 40-тата година, метаболизмот природно станува побавен, а хормоналните промени стануваат сè поизразени. Насобирањето на висцеларната маст, онаа што се таложи околу стомакот и внатрешните органи го зголемува ризикот од метаболичкиот синдром, дијабетес тип 2 и болести на срцето.

Кај жените во перименопауза, хормоналните промени може да донесат „топли бранови“, потење ноќе и нередовни циклуси, додека мажите може да искусат пад на енергијата, промена во расположението и послаба сексуална функција.

Важно е да обратите внимание на менталното здравје. Депресијата не е нормален дел од стареењето, а истражувањата покажуваат дека жените со депресија подоцна имаат поголем ризик од кардиоваскуларни болести. Промените во расположението, честото плачење, губењето интерес за работи што претходно ви годеле, се знак дека треба да поразговарате со лекар.

„Тивкиот убиец“ често се открива доцна

Многу сериозни болести по 40-тата се развиваат без јасни симптоми сè додека не напредуваат. Високиот крвен притисок и покачениот холестерол се типичен пример за „тивок убиец“ кој значајно го зголемува ризикот од срцев и мозочен удар, а може да се открие само при редовни контроли.

Слично важи и за некои видови рак поради што превентивните прегледи за рак на дебело црево се препорачуваат веќе од 45-тата година.

Ни мигрените не треба да се потценуваат. Тие не се само јака главоболка, истражувањата покажуваат дека може да го зголемат ризикот од мозочен удар, а нивните симптоми како промена во видот и вртоглавици, понекогаш може да личат на невролошки нарушувања. Затоа секоја нова и ненадејна промена треба сериозно да се сфати и да се побара лекарска помош.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Прв академски час почнува студиската 2026/2027 година

На универзитетите во земјава денеска почнува новата студиска 2026/2027 година со организирање прв академски час.

Прв академски час почнува студиската 2026/2027 година

На Универзитетот „Св. Кирил и Методиј“-Скопје тој ќе се одржи на платото на УКИМ каде што е најавено свечена програма со официјални обраќања, културно-уметничка програма и информативна сесија, како и пригодни активности за дружење и забава.

На првиот академски час на УКИМ ќе присуствува и ќе се обрати министерката за образование и наука Весна Јаневска.

Со конкурсот на УКИМ, годинава на 23-те факултети во негов состав беа слободни вкупно 8851 место за бруцоши во новата академска година.

На најстариот и најголем универзитет во државата во моментов студираат над 26 илјади студенти, од кои на додипломски студии се повеќе од 23 400, а останатите се на магистерски и на докторски студии. Во прв циклус (додипломски) студии на УКИМ има 242 студиски програми, 313 на втор (магистерски) и 99 на трет циклус (докторски) студии.

Од оваа академска година УКИМ има и ново раководство предводено од староновата ректорка Биљана Ангелова, која на изборите во мај доби нов тригодишен мандат (15 септември 2026 – 15 септември 2029).

Пред две недели Ректорската управа за мандатот 2026-2029 избра нови проректори – проф. д-р Соња Топузовска – проректор за настава, проф. д-р Ивана Јанеска-Стаменковска – проректор за наука, проф. д-р Иван Чорбев– проректор за меѓународна соработка и проф. Лазо Пендовски – проректор за финансии, инвестиции и развој.

Тагови: УКИМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со слаб до умерен ветер и температури до 25 степени

Ова прво-октомвриско утро ќе биде ведро и постудено, а преку денот сончево. 

Сончево со слаб до умерен ветер и температури до 25 степени

Ќе дува слаб до умерен ветер од северен правец. Минималната температура ќе биде во интервал од 1 до 10, а максималната ќе достигне од 19 до 26 степени.

Во Скопје, сончево со слаб до умерен ветер од северен правец. Минималната температура ќе се спушти до 6, а максималната ќе достигне до 25 степени.

Времето во наредните денови

Под влијание на поле со висок воздушен притисок следува период на стабилно време. Утрата ќе бидат ведри и студени со ниски температури кои наместа ќе се спуштат под нула степени.

Во текот на денот времето ќе биде сончево и релативно топло.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 1. октомври 2026 година

Дневен хороскоп за четврток, 1. октомври 2026 година. 

Дневен хороскоп за 1. октомври 2026 година

Вага 24.9.-23.10.

Љубов

Во текот на денешниот ден вашите лични односи ќе се доведуваат во ред и малку по малку ќе се подобруваат.

Кариера

Алтернативците одлично ќе ги води интуицијата , а креативците едноставно ќе уживаат во својата работа.

Здравје

Здружете се со младите.

Шкорпија 24.10-22.11.

Љубов

Оние во подолга врска успешно ќе го обноват својот сексуален живот. Оние кои сеуште се сами , нека излегуваат зашто ќе им биде убаво.

Кариера

Со која работа и да се занимавате , денеска би можеле успешно да го споите убавото со корисното.

Здравје

Игнорирајте го немирот.

Стрелец 23.11.-21.12.

Љубов

За вас ни денеска нема пречки. Отворени ви се многу љубовни врати , а ваше е да изберете.

Кариера

Количината на мислите во вашата глава ќе биде значителна , но ниту една нема да биде поврзана со работата.

Здравје

Поминете си убаво.

Јарец 22.12.-20.1.

Љубов

Вашата најдрага личност ќе може да се потпре на вас , а со тоа ќе ви се подигне самодовербата.

Кариера

Во моментов ништо не ве загрижува. Ако треба да се работи , во ред , ако треба да се оди во борба за работа , и тоа не ви пречи.

Здравје

Почнете да вежбате.

Водолија 21.1.-19.2.

Љубов

Како што ќе минува денот, ќе имате се поголема потреба дасе повлечете од другите и да се завлечете во четирите ѕида на домот.

Кариера

Некои меѓу вас ќе посакаат одмор . Можно е да посакаат и да добијате неколку слободни денови.

Здравје

Преиспитајте се себеси.

Риби 20.2.- 20.3.

Љубов

Доколку се контролирате и ја пшочитувате другата страна, може да очекувате подобрување на личните односи.

Кариера

Веројатна е многу пријатна соработка со деловни партнери од странство или со луѓе од иста професија.

Здравје

Ќе ви олесни.

Овен 21.3-20.4.

Љубов

Некои ќе поверуваат дека се на прагот на конечно решение, но ќе се покаже дека треба уште да поработат на својот однос.

Кариера

Ќе ве интересира се што може да придонесе кон вашата сигурност. Некои ќе ги анализираат финансиите , а другите ќе ги проверат бравите во станот.

Здравје

Немате причина за страв.

Бик 21.4- 20.5.

Љубов

Ќе продолжите да излегувате и да ја развивате својата врска на паметен начин . Некои тукушто ја започнале , па нека одат полека.

Кариера

Можеби ќе имате малку повеќе среќа од другите , бидејќи на работното место сега ви помагаат.Но , и тоа ќе помине.

Здравје

Одморете се за утре.

Близнаци 21.5.-21.6.

Љубов

Вашето љубовно расположение ќе биде во пад, додека партнерот ќе има потреба за повеќе нежност. Бидете тактични.

Кариера

Во деловната кореспонденција ќе бидете многу оригинални . Со своето изразување ќе поттикнувате , но и ќе ги збунивате другите.

Здравје

Денеска сте возач различен од сите други.

Рак 22.6-22.7.

Љубов

Помалку ќе приговарате , па вашиот партнер ќе станува се посреќен и позадоволен , а секако и вие со него.

Кариера

Би можеле да ги проширите вашите деловни хоризонти со нови знаења , помодерен пристап или со истражување без компромис.

Здравје

Вежбајте јога.

Лав 23.7-22.8.

Љубов

Немојте да се споредувате со другите , зашто нема добро да се чувствувате. Бидете мирни и трпеливи и уживајте во она што го имате.

Кариера

Имате одлични идеи како да ја унапредите дејноста во која работите. Ќе размислувате за тоа.

Здравје

Верувајте во подобро утре.

Девица 23.8.-23.9.

Љубов

Сентименталноста или потребата од нежност ќе предизвика голем копнеж кај вас доколку сте сами , или пак желба да му угодувате на партнерот.

Кариера

Уметниците ќе имаат многу впечатливи настапи и денеска , а другите навистина ќе уживаат во публиката.

Здравје

Аплаузот е загарантиран.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер