Со круг од 7:33,35 минути, Porsche Taycan Turbo S зад себе го остави дури и Tesla Model S Plaid, најмоќниот Tesla автомобил кој зачекори на асфалтот на „зелениот пекол“.
Рекордното време во круг од 20,8 километри го извозе фабричкиот тест-возач на Porsche, Ларс Керн, оставајќи го Tesla зад себе цели две секунди, а послабата Turbo верзија за дури 9 секунди. Да потсетиме, во септември минатата година болидот на Тесла извозе круг за 7:35,58 мин.
За да се подобрат работите, Porsche тврди дека станува збор за сериски модел, на кој потоа му бил вграден заштитен кафез. Taycan доби и нови гуми - Pirelli P Zero Corsa.
Porsche Taycan Turbo S има погон кој произведува дури 761 КС, што сепак е значително помалку од 1020 КС на Tesla. Очигледно е дека во Порше многу работеа на шасијата на автомобилот, па така Taycan минува низ свиоците со поголема брзина.
Титулата за најбрз електричен автомобил на оваа патека сè уште ја држи Volkswagen ID.R, а веројатно ќе ја држи и во годините што доаѓаат. Неговото време на круг од 2019 година е 6:05.34.