Поранешни американски пливачки поднесоа тужби за сексуално злоставување од тренерите на репрезентацијата на САД

Шест поранешни врвни американски пливачки поднеле граѓански тужби против Американската пливачка федерација (УСАС), бидејќи не ги заштитувале од сексуална злоупотреба на тројца тренери.

Дебра Грденски, Сузет Моран и Трејси Палмеро, заедно со уште три жени кои остануваат анонимни, поднесоа три тужби против федерацијата, тврдејќи дека не успеала да ги заштити од сексуална злоупотреба од страна на поранешниот тренер на американската репрезентација на САД, Мич Ајви, поранешниот директор на националниот тим, Еверет Учијама и поранешниот тренер Ендрју Кинг.

Во тужбите се тврди дека пливачката федерација, вклучително и поранешниот извршен директор Чак Вилгус и други високи функционери, биле свесни за „предаторското“ однесување на тројцата тренери, но одбиле да ги разрешат, по што се случиле десетици други случаи на сексуална злоупотреба и вознемирување.

„Мојата сексуална злоупотреба можеше сигурно да се спречи“, рече Гроденски, велејќи дека Кинг ја злоупотребувал на возраст меѓу 11 и 16 години, кога била пливачка во Калифорнија во раните 80-ти. Имала 16 години кога Кинг, тогаш 37 годишен, барал од неа дас е венчаат. Вознемирена и исплашена, го напуштила спортот. Тој сега има 51 година, живее во Њујорк и со години страда од депресија како резултат на злоупотребите.

„Сакам оваа постапка да го разбуди американското пливање“, додаде таа.

Моран изјави дека Кинг ја тренирал кога имала 12 години. Забременила на 17-годишна возраст, по што ја принудил на абортус неколку месеци пред Олимпијадата во 1984 година.

"Затоа со години страдам од депресија, ниска самодоверба и напади на паника. Сè уште страдам од траумата што ќе остане со мене до крајот на животот", рече Моран.

Палмеро откри како Учијама започнала да ја злоставува кога имала 14 години, додавајќи дека другите тренери на нејзиниот тим знаеле за злоупотребата и не сториле ништо.

Десет години подоцна, таа го пријавила кај директорот Вилгус. Учијама, наводно, признала дека ја злоупотребил и си поднел оставка. Подоцна нашол работа како тренер во локален клуб по препорака на друг извршен директор на здружението.

Кинг бил уапсен во април 2009 година за сексуално напад на малолетна пливачка. Тој е осуден на 40 години затвор за вкупно 20 обвиненија за злоупотреба на деца.

Ајви е отпуштен во 1993 година како тренер за пливачи на Универзитетот во Флорида, откако се појавија тврдења дека сексуално ги злоупотребувал пливачките. До 2013 година, скоро 30 години по првите обвинувања за злоупотреба, тој добил животна забрана за работа во спортот.

Во 2006 година, на Учијама му било забрането доживотно да работи во спортот. Сепак, ниту Ајви ниту Учијама не се соочиле со кривични пријави.

Израелската армија го потврди убиството на висок функционер на Хезболах

Израелската војска потврди дека го убила Али Абед Асан Наим, заменик командант на ракетната дивизија на Хезболах. Тој бил убиен во напад со беспилотно летало во либанскиот регион Базуриех, објавија британските медиуми.

Израелската војска соопшти дека Наим насочил ракетен истрел со тешка боева глава кон израелска територија од Либан. Според израелските воени претставници, убиениот висок функционер на Хезболах бил одговорен за планирање и извршување на напади врз израелски цивили.

„Хуавеј“ минатата година со двојно поголем профит

Кинескиот телекомуникациски гигант „Хуавеј“ денеска соопшти за значително поголем профит во 2023 година, благодарение на силните резултати од неговите оддели за обработка заснована на Интернет и софтвери за автомобили.

Приходите на компанијата се зголемија за 9,63 отсто минатата година, на 704,2 милијарди јуани (99,4 милијарди долари).

Нето добивката се зголеми повеќе од двојно и изнесуваше 86,9 милијарди јуани.

Главниот столб на компанијата минатата година беше неговиот оддел за опрема за ИКТ инфраструктура, со приход од 362 милијарди јуани, што е за 2,3 отсто повеќе од 2022 година. Голем број западни земји забранија инсталирање на опрема на „Хуавеј“ во мобилните мрежи, повикувајќи се на националната безбедност.

Бајден: Постојано работиме да издејствуваме ослободување на Гершкович

Белата куќа објави изјава од претседателот Џо Бајден по повод навршувањето на една година руски затвор на новинарот на Волстрит џурнал, Иван Гершкович.

-Новинарството не е злосторство и Иван замина за Русија да ја врши својата работа на известувач со ризик за неговата безбедност за да се открие вистината за жестоката агресија на Русија против Укаина. Веднаш по неговото неправедно и незаконско задржување тој од затворот испрати писмо до своето семејство, изјави претседателот на САД.

Во писмото новинарот напишал дека „не губи надеж“.

-Како што им кажав на родителите на Иван, јас исто така не губам надеж. Ќе работиме секојдневно да издејствуваме негово ослободуање, рече Бајден.

Тој вети дека САД и понатаму ќе ги осудуваат и ќе воведуваат мерки „за обидите на Русија да ги користи Американците како монети за размена“.

Гершкович беше задржан лани во март. Оттогаш е се уште во притвор и чека судење по обвинение за шпионажа, што е категорично отфрлено од него, неговиот работодавач и владата на САД.

Во случај да биде прогласен за виновен, тој може да биде осуден на 20 години затвор./МИА

притисни ентер