Поранешен олимписки боксер ја дрогирал и убил својата бремена љубовница

Порториканскиот боксер Феликс Вердехо е обвинет за киднапирање и брутално убиство на неговата бремена љубовница Кишл Марлен Родригез Ортиз.

Поранешниот олимпиец вчера и се предал на полицијата во Сан Хуан кратко откако било пронајдено мртвото тело на 27-годишна жена за која се верува дека е неговата бремена љубовница.

Доказите сугерираат дека нејзиното тело било фрлено во лагуна откако била претепана и дрогирана. Сè се случило по наводната средба со Вердехо и барем уште еден учесник, пишува BoxingScene.

Според извештајот, Вердехо ја контактирал Родригез на 27 април и кога дознал дека го носи неговото дете еден месец, тој наводно ја убедувал да абортира.

Записот од телефонските повици докажува дека порториканскиот боксер ја контактирал Родригез во четвртокот и побарал да се состанат. Вердехо и сведокот потоа се возеле на состанокот со автомобилот на Феликс (џип Доџ Дуранго), а токму ова возило одговарало на описот на возилото што камерата го фатила во близина на лагуната каде било пронајдено мртвото тело.

Сведокот тврди дека боксерот ја удрил љубовницата во лицето и потоа и вбризгал седатив. После тоа, заедно со сведокот, ги врзале рацете и нозете на жртвата и ја одвеле дрогираната жена до мостот Теодоро Москосо, од каде ја фрлиле во вода. Според извештајот, Вердехо потоа пукал од пиштол кон Родригез.

Телото на мртвата Родригез било пронајдено во саботата. Лицето и било толку изобличено, што била идентификувана само преку забен запис. Случајот го презеде ФБИ и сега се чека судскиот процес против Вердехо.

Вердехо е 27-годишен боксер со прекар Ел Дијаманте, кој во текот на својата кариера забележал 27 победи и два порази, а се натпреварувал во лесна категорија. Последен пат се борел на 12 декември 2020 година, кога бил поразен од Јапонецот Масајоши Накатани со технички нокаут. Исто така вреди да се напомене дека во 2012 година тој го претставувал Порторико на Олимписките игри.

Џеј Ло во секси поза, чија е раката на нејзиниот задник? (ФОТО)

Додека има гласини за наводно помирување на поранешната двојка, Џенифер Лопез и Бен Афлек, Лопез реши да ги игнорира сите гласини и да се посвети на работата.

Таа снима во Мајами, а нејзиниот стилист Роб Зангарди објави фотографии од Џеј Ло во предизвикувачка модна комбинација. Носи црвен фустан со длабок шлиц и наметка.

Модната комбинација ја надополнила со големи обетки и неутрална шминка.

„Тој сјај на Џеј Ло“, напишал стилистот покрај фотографијата.

Освен што нејзините обожаватели делат комплименти, тие забележале и нечија рака на нејзиниот задник.

„Ова е најсексипилното нешто што некогаш сум го видела“, „Каде можам да се пријавам за да работам со тебе?“, „Кој е среќникот што ти го држи задникот?“, „Кралица“, се само некои од коментарите.

Имено, човекот на фотографијата е шминкерот Скот Барнс.

Ги имитира топлес позите на Ирина Шајк, па доби повеќе лајкови (ВИДЕО)

Снимката со Ирина Шајк, во кое ги покрива градите со раце, на Инстаграм ја погледнале 1,5 милиони луѓе, но пародијата на австралиската комичарка собрала дури 800 000 прегледи, и тоа за три дена помалку.

Селест Барбер се прославила со ироничните и смешни имитации на совршени, често нереални фотографии од познати личности, а последна на удар беше 35-годишна руска манекенка.

„Буахахааха“, „Ме убиваш секој пат“, „Умирам од смеа“, се само некои од реакциите, кои се прилично чести кога станува збор за нејзините имитации, на кои таа ја изгради својата слава на Инстаграм.

Имено, 7,9 милиони луѓе ја следат на таа социјална мрежа.

Кинески ровер ноќеска ќе се обиде да слета на Марс

Кина треба да се обиде да го спушти својот прв ровер на Марс вечерва околу 1 часот по полноќ. Станува збор за многу ризичен потфат што успешно го постигнале само половина од леталата што стигнале до Црвената планета.

Слетувањето е предвидено за сабота во 1 часот по полноќ, иако засега Кинеската национална вселенска агенција (ЦНСА) сè уште официјално не го потврдила тоа.

Планирана е мисијата наречена Тијанвен-1 (Прашања до рајот) во две фази. Првата фаза, испраќањето на леталото во орбитата на Марс, беше успешно завршена. За време на втората, кинеското вселенско летало би требало да спушти орбитер и ровер на Марс.

Тијанвен-1 се состои од три компоненти: орбитер, летало и роботско возило, а масата на целото вселенско летало е околу 5 тони. Ќе се обиде да слета на копно со роверот на површината, додека орбитерот ќе продолжи да кружи околу Црвената планета.

Роверот со соларен погон е тежок 240 килограми, а по слетувањето три месеци ќе бара биомолекули и други знаци на живот, по што неговата мисија завршува. Орбитерот, пак, треба да кружи околу Марс уште две години.

Роверот наликува на роверите на НАСА 2000 Спирит и Опортјунити, а се напојува со соларни панели.

Кога станува збор за истражување на Црвената планета, досегашната статистика е добро позната - скоро половина од сите претходни обиди не успеале. Првиот обид на Кина да испрати сателит „Јингхуо-1“ на Марс пропаднал бидејќи нејзиниот руски носач престанал да работи и се урна во Тихиот океан.

Доколку Тјанвен-1 безбедно слета на тлото на Црвената планета, тоа ќе биде првото слетување на Марс во последните неколку децении, што не било извршено од НАСА. Иако Советскиот сојуз го спушти леталото на површината на Марс во 1971 година, тоа престанало да работи 110 секунди по слетувањето, по што е изгубен контакт со него. Досега само САД успеале да слетаат на Црвената планета, осум пати од 1976 година.

Повеќе од половина од леталата што требало да ја допрат земјата на Марс или експлодирале, или изгореле, или се скршиле на површината.

Во случај мисијата да успее, Кина ќе стане трета земја во светот која успешно ќе слета на површината на планетата или втора чиј ровер детално ја истражува оваа далечна планета.

притисни ентер