Македонија

Попов: УМС на ВМРО-ДПМНЕ е со јасна визија за младите

Наш приоритет е реализација на многу проекти од суштинско значење за младите луѓе, вели Попов.

На денешниот настан по повод 34 години од формирањето на УМС на ВМРО-ДПМНЕ, имаше обраќање претседателот на УМС на ВМРО-ДПМНЕ, Сергеј Попов, кој истакна дека Унијата на млади сили е најуспешна и најголема организација поради фактот што се залага за иднината на младите во државата, ги зема во предвид ставовите, идеите и целите на младите луѓе и се насочува кон подобрување на нивните услови за живот во сите сфери од општественото живеење, затоа што младите се иднината на Република Македонија.

„Најголемата и најдобро организираната политичка младина во Република Македонија тоа е Унијата на млади сили на ВМРО-ДПМНЕ, многу пати сум го рекол ова, но денес сакам уште еднаш да го кажам, јас за секој млад човек кој сака некако да и даде на државата нешто свое, доколку сака да се вгради во развитокот на државата и пред се и над се доколку сака некој млад човек да и помогне на Република Македонија, УМС на ВМРО-ДПМНЕ би рекол дека е единствената младинска организација преку која секој млад човек во државата може да го направи тоа и затоа нескромно констатирам дека УМС е младинската организација која ги артикулира ставовите и мислите на мнозинството од младите луѓе во Република Македонија“, вели Попов.

Попов истакна дека членството во Унијата на млади сили на ВМРО-ДПМНЕ е силно мотивирано и насочено кон реализација на сето предвидено, а воедно и се заблагодари на претседателот на партијата, Христијан Мицкоски, за несебичната поддршка којашто тој ја пружи на УМС.

„Ние сме една организација најбројна во државата која обединува млади луѓе со иста идеја и ние сме многу силно мотивирани и навистина сакаме да го реализираме она за коешто сме собрани денес, но ниеден наш труд и ниедна наша масовност и ниеден наш ангажман тоа не може да го направи да биде во реализација доколку ја немаме поддршката од сениорските структури, доколку немаме претседател каков што имаме на партијата а тоа е претседателот Христијан Мицкоски“, рече Попов.

Попов продолжи и додаде дека Владата има јасна визија за младите во државата од самиот почеток, со зголемувањето на буџетот за младите притоа потенцираше дека се планира реализација на клучни проекти кои ќе бидат од големо значење за студентите и воопшто за сите млади луѓе.

„Оваа година покажавме и докажавме дека имаме Влада која што ќе биде партнер на младите луѓе, токму поради тоа што покажавме дека нашите намери сакаме да ги реализираме навистина во пракса, тоа се покажа од првиот ден кога ставките наменети за млади во буџетот беа со неколку кратно зголемени средства, така знаеме во наредниот период дека и студентските домови ќе бидат реализирани, така знаеме дека во наредниот период и факултетите ќе бидат дигитализирани, дека ќе се отвораат работни места за младите, знаеме дека желбата и замислата на Владата за младите луѓе не е декларативна, туку е вистинска и реална“, истакна Попов.

Во фокусот на своето обраќање ги стави и целите кои УМС ги има за периодот што следи, истакнувајќи дека се она што ќе биде предвидено во програмите на идните градоначалници, ќе се оствари на дело, односно ќе има видливи резултати.

„Приоритет за мене и за УМС доколку пред парламентарните избори, беше да видам што е можно повеќе проекти за млади во програмата на ВМРО-ДПМНЕ, за тоа сум се борел бидејќи знам дека програмите на ВМРО-ДПМНЕ се реализираат, затоа е многу важно што ќе се најде во тие програми, сега мој приоритет и на УМС, во наредниот период ќе биде да видиме што е можно повеќе спортски сали, спортски комплекси, повеќе инвестиции низ средните училишта и се она што им значи на младите луѓе од локален карактер, се она што ќе го прочитаат младите во програмите на идните градоначалници, тоа ќе го видат и на самиот терен“, заклучи Попов.

Тагови: ВМРО-ДПМНЕ Попов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Можете ли да го користите телефонот додека се полни?

И дали треба да ја оставите батеријата целосно да се испразни пред повторно полнење?

Денес, толку сме приврзани за нашите паметни телефони што чувствуваме потреба да ги користиме дури и додека се полнат. Но, можеби се прашувате дали користењето на телефонот додека се полни може да влијае на животниот век на батеријата.

Краткиот одговор е не. Иако вашиот телефон може да се полни побавно ако не го оставите сам да го заврши процесот, користењето на телефонот додека се полни генерално не влијае на животниот век на батеријата. Ова во голема мера се должи на технологијата за полнење со бајпас и системите за дисипација на топлина.

Со полнењето со бајпас, кога ќе го вклучите телефонот во полнач и ќе продолжите да го користите, вашиот телефон ја пренасочува енергијата од полнењето на батеријата кон директно стартување на апликациите, ефикасно паузирајќи го полнењето. Ова обезбедува добро корисничко искуство, но исто така ја штити батеријата на вашиот телефон од топлина што може да ја оштети. Користењето на телефонот за тешки активности, како што е играње игри, може да предизвика уредот да се прегрее, па оваа функција помага да се спречи тоа.

Недостатокот е што кога ќе го исклучите телефонот по напорна активност како што е видео монтажа или играње игри, процентот на батеријата веројатно нема да се зголеми многу, ако воопшто се зголеми. Тоа е затоа што енергијата оди директно до уредот за да го напојува, а не до батеријата.

Еден од првите примери за премостено полнење беше на „Sony Xperia 1 II“ во 2020 година, наречен „Heat Suppression Power Control“. Денес, оваа функција е достапна на многу врвни паметни телефони од водечки брендови, вклучувајќи ги „Samsung“, „Google“, „Xiaomi“ и „ZTE“. Сепак, имајте на ум дека „Apple iPhone“ сè уште не ја поддржува оваа функција. Дури и без неа, вашиот телефон ќе се полни побавно ако го користите додека е на полначот. Ако забележите дека вашиот телефон се прегрева, престанете да го користите за да спречите оштетување на батеријата. Повеќето модерни телефони имаат напредно управување со батеријата и системи за дисипација на топлина кои помагаат во контролата на зголемувањето на температурата.

Значи, иако користењето на телефонот додека се полни не е лоша навика само по себе, добра идеја е да го избегнувате кога е можно. Ако треба да проверите порака, да се јавите некому, да фотографирате или да објавите нешто брзо – можете да го направите тоа без никакви проблеми. Кога треба да го користите за потешки задачи, внимавајте на прегревање, но не грижете се дека тоа ќе ја оштети батеријата на вашиот телефон. Телефонот едноставно нема да се полни со вообичаената брзина.

Заблудата дека не треба да го користите телефонот додека се полни е само еден од многуте митови за полнењето и продолжувањето на животниот век на батеријата. Друга заблуда е дека не треба да го оставате телефонот на полначот преку ноќ. Ова не е вистина. Иако ова значи дека мала количина „скриена“ електрична енергија се влече од штекерот, вашиот телефон нема да се „преполни“. Сите најнови телефони имаат вградени заштити што престануваат да се полни штом уредот достигне 100 проценти. Уште повеќе, многу паметни телефони ги учат вашите навики и го оптимизираат полнењето со забавување на полнењето на самиот крај за да ја зачуваат батеријата и во исто време да обезбедат телефонот да биде целосно наполнет до утрото.

Исто така, не треба да дозволите батеријата целосно да се испразни пред да се полни. Всушност, за да го продолжите животниот век на батеријата на вашиот телефон, подобро е да ја полните кога нивото на полнење е помеѓу 20 и 80 проценти, отколку да чекате целосно да се испразни.

Заклучок: Користењето на телефонот додека се полни не треба да ѝ наштети на батеријата, освен ако не предизвика прегревање. Сепак е добра идеја да ја ограничите употребата кога е можно - првенствено за да ја наполните батеријата што е можно побрзо, а не за да ја заштитите.

Извор: Б92

Фото: ВИ

Тагови: Батерија мобилен телефон

Шоу биз

На Џорџина и велат дека е дебела, одговорот на Роналдо е хит

Џорџина Родригез одговори на постојаните критики за нејзиниот физички изглед објавувајќи интимен разговор со Кристијано Роналдо.

Славниот пар испрати порака за важноста на љубовта кон себе и дека вредноста на една личност не треба да се мери според нејзиниот изглед или мислењата на другите.

Секое лето, откако ќе објави фотографии во бикини, социјалните мрежи се преплавени со коментари за тежината и облините на Џорџина Родригез. Овој пат, таа призна на Инстаграм дека јавниот притисок влијае и врз неа, но наместо директна конфронтација, реши да ги сподели своите мисли за естетскиот притисок и важноста на внатрешниот мир.

Поддршката на Роналдо

За време на одмор на брод, Родригез прочита негативни коментари за нејзините најнови фотографии и му призна на Кристијано: „Се грижам што сега ме нарекуваат дебела, бидејќи живеам според мојот имиџ“. Одговорот на Роналдо беше многу јасен: „Не живееш според својот имиџ. Живееш според тоа кој си. Совршена жена. Убава, со одлично тело, мајка, добра личност, успешна и некој што го живее животот со љубов. Што повеќе би можела да посакаш? Нормално е да ти завидуваат“.

View this post on Instagram

A post shared by Georgina Rodríguez (@georginagio)

Овие зборови длабоко ја трогнаа Родригез и ја потсетија што е навистина важно. Таа призна дека е горда на Кристијано за вредностите што ги отелотворува како татко и маж. Таа нагласи дека вредноста на една личност никогаш не може да зависи од нејзиниот физички изглед или од мислењата на странци.

Љубов кон сопственото тело

Џорџина нагласува дека не се плаши од промените во своето тело бидејќи тие значат дека таа продолжува да живее. За неа, вежбањето никогаш не било борба за губење тежина, туку извор на здравје, дисциплина и ментален мир. Таа изјави: „Ги сакам моите облини. Ја сакам слободата да живеам во телото што го избирам“.

Порака до идните генерации

Како мајка на шест деца, Џорџина нагласува дека нејзината најголема мотивација е примерот што им го дава на своите ќерки. Заедно со Кристијано, таа сака да ги научи дека вредноста на една личност не зависи од нејзиниот физички изглед, туку од вредностите што ги носи во себе. На крајот, таа рече: „За мене, вистинскиот успех никогаш не бил вклопување во стандард што никој не знае кој го измислил. Вистинскиот успех е да се живее во мир, да се биде опкружен со луѓе што ги сакам, да се ужива во семејството и пријателите и да се грижи за своето здравје.“

Фото: Инстаграм

Извор: Индекс.хр

Тагови: Кристијано Роналдо Џорџина Родригез

Свет

Падна снег во Нов Зеланд (ВИДЕО)

Антарктички студен бран погоди делови од Јужниот Остров на Нов Зеланд, носејќи снег на нивото на морето и ниски температури што ги затворија патиштата и го нарушија работењето на училиштата.

Снегот го покри Данидин, вториот по големина град на Јужниот Остров, поради што полицијата ги повика луѓето да избегнуваат секакви патувања освен неопходните, предупредувајќи на заледени патишта, објави Ројтерс.

„Полицијата утрово доби бројни пријави за сообраќајни несреќи низ Данидин, при што некои возила се лизнаа од патот. За среќа, немаше повредени“, соопшти полицијата на Нов Зеланд на социјалните медиуми.

Antarctic Polar Blast Brings Rare Sea-Level Snow to New Zealand | Asia One News

A powerful Antarctic polar blast has swept across parts of New Zealand's South Island, bringing rare snowfall to sea level and freezing temperatures that forced road closures and disrupted… pic.twitter.com/vGOvoHw6TF
— ASIA ONE NEWS (@AsiaOne_News) August 4, 2026

Скијачите и сноубордерите ги искористија снежните врнежи за да се тркаат по улицата Болдвин во Данидин, за која се вели дека е најстрмната станбена улица во светот, објавија локалните медиуми.

Посеверно, снег падна и на плажата Њу Брајтон во Крајстчерч, каде што беше видлив на песокот.

Времето предизвика откажување на сите автобуски услуги во градот, додека фериботските услуги помеѓу Северните и Јужните Острови се суспендирани поради силни ветрови и високи бранови.

Новозеландската метеоролошка служба соопшти дека се очекува студениот бран да трае уште два дена, со снег или лапавица што ќе паѓа речиси до нивото на морето низ источниот дел на Јужниот Остров.

Метеоролозите предупредија дека четврток наутро може да ги донесе најниските температури во годината во многу делови од Нов Зеланд.

Извор: Б92

Тагови: Нов Зеланд снег