Поплави во Индонезија: Најмалку 883 загинати, а над 500 луѓе се водат како исчезнати - Канал 5

Свет

Поплави во Индонезија: Најмалку 883 загинати, а над 500 луѓе се водат како исчезнати

Индонезиската служба за борба против катастрофи денеска соопшти дека бројот на жртвите од поплавите и лизгањата на земјиштето на островот Суматра достигнал 883, а околу 520 луѓе се водат како исчезнати, јави ДПА.

Поплави во Индонезија: Најмалку 883 загинати, а над 500 луѓе се водат како исчезнати

Службата посочи дека овие податоци ја одразуваат ситуацијата во три провинции – Ачех, Северна Суматра и Западна Суматра – кои се погодени од интензивни врнежи кои траат со денови.

Најмалку 4.200 луѓе се повредени во лизгањата на земјиштето, од кои 3.500 се жители на села лоцирани на стрмни терени.

Најголем е бројот на жртви во провинцијата Ачех – 345, а 174 се водат како исчезнати.

Властите во Северна Суматра ја потврдија смртта на 312 лица, а 133 се водат како исчезнати. Западна Суматра пријави 226 загинати и 213 исчезнати.

Службата за борба против катастрофи предупреди дека бројот на жртвите може да се зголеми, бидејќи спасувачките тимови сè уште не стигнале до некои изолирани области. Работата на спасувачите е отежната поради уништените мостови и блокираните патишта. Во некои населени места со денови нема струја, чиста вода и пристап до телекомуникациски услуги.

Еколошките организации го поврзуваат обемот на уништувањето со брзото уништување на шумите и градењето на ридови во некои делови на Суматра. Индонезија често е погодена од поплави и лизгања на земјиштето за време на сезоната на монсуни. Сепак, експертите велат дека климатските промени придонесуваат за поекстремни временски појави низ целиот регион.

Тагови: индонезија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност.

Утре сончево со мала до умерена облачност

Ќе дува слаб до умерен ветер од северен правец. Минималната температура ќе биде во интервал од 0 до 8, а максималната ќе достигне од 12 до 23 степени.

Во Скопје, сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до 7, а максималната ќе достигне до 21 степен.

До средината на следната седмица времето ќе биде сончево со мала локална облачност во текот на денот. Во среда облачноста ќе се зголеми и ќе преовладува променливо облачно време, со краткотрајни сончеви периоди. Во четврток и петок ќе преовладува претежно облачно време со врнежи од дожд.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Можна е средба со Русите во Мајами

Официјални лица од Украина, САД и Русија би можеле да се сретнат за време на самитот на Г20 во Мајами во декември.

Зеленски: Можна е средба со Русите во Мајами

Сепак, Вашингтон и Москва не ја потврдија средбата, изјави денес украинскиот претседател Володимир Зеленски, додавајќи дека се можни и други места.

„Средбата би можела да се одржи во САД за време на самитот на Г20. Сепак, засега нема потврда ниту од Русија ниту од САД. Може да се одржи и во некоја европска земја“, рече Зеленски во разговор со новинарите преку апликацијата „WhatsApp“.

Тој додаде дека средбата би можела да се одржи и во една од земјите од Блискиот Исток, објави Ројтерс.

„САД постојано ги споменуваат Обединетите Арапски Емирати или Саудиска Арабија“, рече Зеленски, додавајќи дека украинските преговарачи разговарале со американски претставници во петокот, но не даде детали.

Тој рече дека на Европа ѝ е потребен свој колосек за разговори со Русија, со која односите се затегнати поради војната во Украина. Групата од 20 водечки економии, во која се вклучени САД и Русија, но не и Украина, треба да одржи самит во Мајами во декември.

Тагови: Володимир Зеленски русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Голема Речица, лишено од слобода едно лице, пронајдено оружје и дрога

На ден 16.10.2026 во времето од 15:00 до 16:30 часот, врз основа на судска наредба, извршен е претрес во дом и други помошни простории во село Голема Речици кај А.А.(57) поради сомнение за сторено кривично дело по член 215 од Кривичниот законик.

Претрес во Голема Речица, лишено од слобода едно лице, пронајдено оружје и дрога

При претресот, во една од собите во подрумската просторија под кревет пронајден е еден пиштол марка „екол дуал“ со една празна рамка, додека во помошна просторија во склоп на куќата во навлаката од перница пронајдени се 22 мали најлонски кесички со кокаин и една поголема најлонска кеса со кокаин.

За време на претресот лицето упатило закани кон полициските службеници и е лишен од слобода и задржан во Полициската станица Тетово за понатамошна постапка, По документирање на случајот против него ќе следува соодветен поднесок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер