Половина век „Audi 80“ - Канал 5

Автомобилизам

Половина век „Audi 80“

Првата генерација на „Audi A4“ беше претставена во 1972 година.

Половина век „Audi 80“

„Audi 80 (B1)“ е првиот германски модел кој е продаден во милион единици. Дебитира пред точно 50 години, во јуни 1972 година во пресрет на Олимписките игри во Минхен, а следната 1973 година е прогласен за Европски автомобил на годината.

Со неговото лансирање, „Audi“ влегува во сегментот на компактните седани. Должината на автомобилот изнесува 4,18 метри, а меѓуоскиното растојание е 2,47 метри.

Дизајнот на 80 започнал во 1960-тите, а почетната точка била да се направи автомобилот исклучително модерен и сигурен.

Тогашниот шеф за технички развој во „Audi“, Лудвиг Краус, барал автомобилот да се растовари секаде каде што е можно, но само до ниво да не се изгуби издржливоста и силата.

Во производството влегол со маса од само 835 килограми, со основен 1,2-литарски мотор.

Уште поимпресивна е втората генерација, која е лансирана на пазарот во 1978 година и е првиот широко достапен автомобил со погон на сите тркала „quattro“.

Тогаш се родила идејата за „Vorsprung durch Technik“, а тоа било само почеток.

Во третата генерација од 1986 година се применети решенија според кои „Audi 80“ се вреднува до денес.

Во овој поглед, многу издржливата и безбедна структура на каросеријата е на исто ниво со автомобилите на „Volvo“, а поцинкуваните лимови, доколку автомобилот не доживеал несреќа, и денес се во добра состојба.

Токму во овој модел е користен системот „procon-ten“, кој ги штити патниците на предните седишта во случај на судир. Тоа е автомобил што можеше да има „ABS“ како опција и, исто така, постоеле и „quattro“ верзии.

Друга иновација е забележана во четвртата генерација на „Audi 80“, во која дебитираше познатиот „1.9 TDI“ мотор со директно вбризгување гориво.

Овој мотор постави трендови во „Audi“, но и во целата групација „Volkswagen“ во подоцнежните децении.

Последниот „Audi 80“ веќе е перципиран како модел од средната класа, кој се натпреварува, меѓу другото, со „BMW Серија 3“ или „Mercedes 190“.

Последниот „Audi 80“ е и првиот што е направен во караван верзија (Avant). Токму „80 Avant“ е основата за првиот модел во линијата „RS“, „Audi RS2“, дизајниран и изграден во соработка со „Porsche“.

Ова е првиот семеен спортски автомобил со перформанси споредливи со оние што ги красеа тогашните „BMW M5“ или „Mercedes 500E“.

„Audi 80“ исто така беше комерцијален хит, како во Европа, така и во САД, каде што се продаваше под брендот „Fox“.

Стана првиот модел на „Audi“ што е продаден во милион примероци, а заедно со неговиот наследник, „Audi A4“, до денес се произведени 12,5 милиони единици (од моделите B1 до B9).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче за 25 години од Охридскиот договор: Соживот, а не поделби и омраза

По повод 25 години од потпишувањето на Охридскиот рамковен договор, претседателот на СДСМ, д-р Венко Филипче, порача дека договорот е темел на мирот, соживотот и демократската иднина на државата. 

Филипче за 25 години од Охридскиот договор: Соживот, а не поделби и омраза

Филипче нагласи дека Македонија е заеднички дом на сите граѓани и дека различностите треба да бидат наша сила, а не алатка за политички поделби и ширење омраза, но денес, наместо да се негуваат вредностите на мирот, дијалогот и меѓусебното почитување, власта на Мицкоски повторно ги разгорува поделбите и создава атмосфера на страв и омраза.

„Денеска одбележуваме 25 години од потпишувањето на Охридскиот рамковен договор со кој беше ставен крај на вооружениот конфликт во 2001 година и се потврди територијалниот интегритет и демократската иднина на Македонија.

Токму најголемата сила на нашата држава е во тоа што е заеднички дом на Македонци, Албанци, Турци, Срби, Власи, Роми, Бошњаци и сите други наши граѓани. Различностите се дел од нашето општество и наша обврска е да ги негуваме како вредност, а не да ги користиме за политички поделби.

Охридскиот рамковен договор е потсетник дека мирот, дијалогот и компромисот се секогаш посилни од конфликтот, поделбите и омразата. По 25 години, сите имаме должност да ја градиме иднината на Македонија низ соживот, еднаквост и меѓусебно почитување – а не со поделби, навреди и омраза.

Но токму во овие денови го гледаме спротивното. Криминалната група ВМРО и Мицкоски ја водат класичната кампања на Ванчо Михајлов - кампања за ширење омраза и поделби. Народот го нарекуваат „талог“.

Ги делат граѓаните. Создаваат непријател. Сеат страв. Додека зборуваат за мир и соживот, во пракса прават сè за да го уништат. Македонија заслужува да биде просперитетна, интегрирана држава - дел од Европа, каде секој граѓанин ќе се чувствува сигурен во сопствената земја. Не со поделби. Не со омраза. Не со етикети како „талог“. Со вистина, со правда и со достоинство“, посочи претседателот на СДСМ, д-р Венко Филипче.

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности за безбеден сообраќај и спречување на измами

Превентивна активност на тема „Носи кацига“

Превентивни активности за безбеден сообраќај и спречување на измами

Денеска (13.08.2026), полициски службеници од Отсекот за превенција на СВР Тетово реализира превентивна активност на тема „Носи кацига“, насочена кон возачите на мопеди, мотоцикли и електрични тротинети, на кои им беше укажувано за обврската и потребата за носење на заштитен шлем, напоменувајќи им дека секој учесник во сообраќајот е еднакво одговорен како за својата, така и за безбедноста на сите останати учесници во сообраќајот. Превентивни активности за безбеден сообраќај спроведоа и полициски службеници од СВР Штип во Кочани, Штип, Пробиштип и Делчево. Овие активности имаат за цел да се зголеми нивото на сообраќајна култура и да се намали бројот на сообраќајни незгоди.

Отсекот за превенција при СВР Куманово, пак, во Куманово спроведе превентивна активност со цел информирање на граѓаните како да се заштитат од измами, особено при купување огревни дрва. На граѓаните им беше сугерирано да бидат внимателни, особено доколку некој им нуди огревни дрва по значително пониски цени, затоа што може да бидат жртви на измама, односно да не ги добијат дрвата кои ги платиле.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во текот на изминатото деноноќие 14 лица лишени од слобода поради безобѕирно управување моторно возило

Во текот на изминатото деноноќие на целата територија на државата, полициските службеници лишија од слобода 14 лица поради сторено кривично дело „безобѕирно управување со моторно возило“ по член 297-а од Кривичниот законик.

Во текот на изминатото деноноќие 14 лица лишени од слобода поради безобѕирно управување моторно возило

Од нив, 10 лица управувале моторно возило без возачка дозвола, од кои тројца малолетници. Додека, кај еден од возачите била пронајдена и бела прашкаста материја. Три лица управувале возило под дејство на алкохол, при што едно од нив учествувало во сообраќајна незгода. Едно лице управувало возило во спротивен правец во еднонасочна улица. По целосно документирање на случаите, против лицата ќе бидат поднесени соодветни кривични пријави.

Министерството за внатрешни работи апелира сите учесници во сообраќајот доследно да ги почитуваат сообраќајните правила и прописи, да не управуваат моторно возило без возачка дозвола, доколку имаат изречена мерка за забрана за управување, ниту под дејство на алкохол. Одговорното однесување во сообраќајот е заедничка обврска и клучен предуслов за поголема безбедност на сите граѓани.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер