ПОЛНЕТО ПИЛЕШКО СО СПАНАЌ - Канал 5

Рецепти

ПОЛНЕТО ПИЛЕШКО СО СПАНАЌ

Рецепт на: Теодора Георгиевска. Гледајте „Избор на најдобри рецепти“, секој ден од понеделник до четврток во 10.00 часот.

ПОЛНЕТО ПИЛЕШКО СО СПАНАЌ

Потребни состојки: 4 парчиња стек, 200-300 гр. спанаќ, 4-5 лажици рикото кремасто сирење, 200-300 гр. ориз, 500 гр. златна мешавина, 1 страк млад кромид, масло по потреба, сол, зачин од сув зеленчук и бибер по вкус.

Постапка:

Во тава со загреано масло малку се пропржува сечкан спанаќ.

Потоа се зачинува со малку сол и се додава 4-5 лажици рикото сирење.

Парчињата стек се сечат на половина, се посолуваат и се полнат со смесата од сирење и спанаќ.

Полнетите парчиња стек се ставаат во тепсија и се печат во загреана рерна околу 25 минути на 220 степени.

Додека се пече полнетиот стек се подготвува прилогот.

Оризот се става во тенџере со вода за да се свари.

За тоа време во тава со загреано масло се пропржува сечкан млад кромид.

Потоа се додава варениот ориз и варената златна мешавина.

Сите состојки се пропржуваат со постојано мешање и се зачинуваат со сол, зачин од сув зеленчук и бибер по вкус.

Прилогот се сервира заедно со полнетиот пилешки стек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Огромен пожар избувна во близина на Мостар; Паника (ВИДЕО)

Голем пожар избувна денес во областа на Мостар, а пожарот би можел да го блокира главниот пат, бидејќи пожарот сè уште не е ставен под контрола, ниту пак е утврдена неговата причина, објавија локалните медиуми.

Огромен пожар избувна во близина на Мостар; Паника (ВИДЕО)

Пожарот избувнал на Буна, спроти Намекс, во правец на реката Неретва, а Професионалната противпожарна служба на Мостар потврди дека екипи се на терен и работат на гаснење на пожарот, објави веб-страницата на Требињеданас.

Сè уште не е познато што го предизвикало пожарот или колку површина е зафатена од пожарот, но фотографиите од терен покажуваат дека пожарот се заканува да го блокира главниот пат Мостар-Сараево, додека целата област е покриена со густ чад.

Извор:Б92

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Акциска контрола во сообраќајот во Скопје, изречени 219 санкции, одземен еден мопед

На 14.06.2026 во периодот од 16:00 до 24:00 часот на подрачјето на Скопје, Одделението за безбедност на патниот сообраќај и Единицата за полициски станици од општа надлежност при СВР Скопје спроведоа зајакната акциска контрола во сообраќајот.

Акциска контрола во сообраќајот во Скопје, изречени 219 санкции, одземен еден мопед

Притоа, беа преземени вкупно 219 мерки, од кои - 66 мерки за управување мотоцикл без кацига, шест мерки за возење со несоодветна категорија, 15 мерки за возење велосипед со помошен мотор без положен возачки испит, една мерка за нерегистриран мотоцикл, две мерки затоа што не застанале на даден знак и 129 мерки по останати прекршоци - не носеле возачка или сообраќајна дозвола, не била истакната регистарска табличка, недавање првенство на возила или на пешаци и друго. При акциската контрола, констатирано е едно кривично дело безобѕирно управување со мопед, односно присуство на алкохол во крвта од 1,93 промили по член 297-а од Кривичниот законик, по што мопедот е одземен.

Тагови: Акциска контрола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Брза реакција на СВР Скопје: Пронајден и лишен од слобода сторителот кој денеска опожари две возила пред Бугарската Амбасада

Веднаш по пријавата за пожар на две службени возила сопственост на Амбасадата на Република Бугарија во Скопје денеска (15.06.2026) во 12.13 часот, СВР Скопје презеде интензивни мерки и активности за расчистување на случајот и пронаоѓање на сторителот.

Брза реакција на СВР Скопје: Пронајден и лишен од слобода сторителот кој денеска опожари две возила пред Бугарската Амбасада

Во рамки на преземените активности, во краток временски период е идентификувано и пронајдено лицето за кое постои основано сомнение дека го сторило делото. Станува збор за И.Д. (44) од Скопје, кој е лишен од слобода и задржан во полициска станица.

При преземените дејствија е пронајдена и облеката што лицето ја носело во моментот на извршување на делото. Во координација со надлежен јавен обвинител се преземаат мерки и активности за целосно расчистување на случајот, по што против лицето ќе биде поднесена соодветна кривична пријава по итна постапка.

Тагови: Бугарска амбасада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер