Политико: Министри и другите функционери во Шпанија поднесоа оставки поради фалсификување дипломи - Канал 5

Македонија

Политико: Министри и другите функционери во Шпанија поднесоа оставки поради фалсификување дипломи

Се повеќе политичари во Шпанија се под притисок да решат контроверзни академски прашања во нивните биографии откако тројца владини министри поднесоа оставки поради фалсификување дипломи, објави Политико.

Политико: Министри и другите функционери во Шпанија поднесоа оставки поради фалсификување дипломи

Првиот функционер што беше разоткриен беше заменик-секретарот на централно-десничарската Народна партија (ПП) и поранешна пратеничка во парламентот Ноелија Нуњез, која стана многу популарна меѓу конзервативната младина на Шпанија на социјалните медиуми.

Во јули беше откриено дека Нуњез нема двојна диплома по право и јавна администрација, што ја пријавила на веб-страницата на шпанскиот парламент, а новинарите дополнително потврдија дека Нуњез фалсификувала и диплома по англиска филологија. Нуњез поднесе оставка по обвинувањата, а ПП им наложи на своите членови и функционери да ги прегледаат своите биографии, за да не се повторат слични инциденти.

Лажни тврдења за дипломирање беа откриени и од функционерот на Социјалистичката партија, Хозе Марија Анхел Батаља, кој изјави дека има диплома по архивство и библиотекарство од Универзитетот во Валенсија. Тој изјави дека го завршил своето образование во таа област во 1983 година, иако универзитетот не ја вовел таа програма се до 1990 година.

Батаља, исто така, поднесе оставка, а се верува дека би можел да се соочи со правни последици поради лажната диплома, со оглед на тоа што аплицирал за работа во шпанската државна администрација.

Игнасио Хереро, кој управувал со шумарство и земјиште во регионалната влада на Екстремадура, исто така поднесе оставка. Хереро, член на десничарската партија Вокс, тврдеше дека стекнал диплома по маркетинг на Централноевропскиот универзитет (CEU) во Виена, децении пред да се воспостави програмата за дипломирање.

Шпанските политичари не мора да имаат универзитетски дипломи, но јавноста ги изложува на притисок да ги користат своите академски титули за да ја докажат својата соодветност за одредена позиција, пишува Политико.

Лош потег од ваков вид направи поранешниот лидер на Народната партија, Пабло Касадо, поради неговото тврдење дека посетувал постдипломски студии на престижниот американски универзитет Харвард, но подоцна се покажа дека присуствувал само на неговиот тридневен курс, кој се одржал во Мадрид.

Министерката за здравство Кармен Монтон поднесе оставка откако беше откриено дека го плагирала нејзиниот магистерски труд.

Вицепремиерката на Шпанија, Јоланда Дијаз, изјави дека лажните биографии на службениците го одразуваат она што таа го нарече проблематична дебата за стекнување универзитетска диплома во Шпанија.

Тагови: Шпанија фалсификување дипломи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МЕРМС организира свеченост по повод денот на рударите

По повод денот на рударите, во организација на министерството за енергетика, рударство и минерални суровини денеска  ќе бидат доделени пофалници и признанија на најуспешните рудари за нивниот ангажман, посветеност и придонес во текот на 2025/2026 год.

МЕРМС организира свеченост по повод денот на рударите

Со овој настан, како што нагласуваат од ресорното министерство се оддава признание на трудот и посветеноста на рударите, како и на нивната значајна улога во развојот на рударскиот сектор и економијата.

Тагови: Денот на македонските рудари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ангелов: Изгаснат е пожарот кој излезе надвор од кавадаречката депонија, интезивно се работи на затрупување

Во изминатото деноноќие на територијата на државата регистрирани биле  вкупно 31 пожар на отворен простор, од кои, како што соопштија од Центарот за управување со кризи,  три се се уште  активни, четири се под контрола, а 24 се изг

Ангелов: Изгаснат е пожарот кој излезе надвор од кавадаречката депонија, интезивно се работи на затрупување

Пожарот кој вчера избувна на кавадаречката депонија и набрзо се проширил и надвор од неа, доцна синоќа како што соопшти првиот човек на Дирекција за заштита и спасување Стојанче Англеов, бил делумно изгаснат и започнало затрупување на депонијата за да се запре чадењето. Градоначалникот на кавадарци Митко Јанчев на социјалните мрежи напиша дека пожарот, според нивните првични сознанија и начинот на неговото избивање покажува индиции дека е подметнат и ги повика надлежните да го истражат случајот до крај. А доцна синоќа изгаснат бил и пожарот помеѓу Горно и Долно Чичево во Општина Градско.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на поставување на камен темелник за изградба на автопатот Скопје-Блаце

Мицкоски ќе присуствува и свое обраќање ќе има на поставување на камен темелник за изградба на автопатот Скопје-Блаце.

Мицкоски на поставување на камен темелник за изградба на автопатот Скопје-Блаце

Премиерот Христијан Мицкоски денеска ќе се обрати на поставувањето камен-темелник за изградба на автопатот Скопје-Блаце. За изградбата на автопатот пред околу еден месец во владата договор потпишаа ЈП Државни патишта и Европската банка за обнова и развој, а целта е државава да ја искористи својата стратешка геоположба како раскрсница на два важни европски коридори - 8 и 10 , што е особено значајно за развојот на македонската економија – потенцираа тогаш од владата. Автопатот ќе го гради компанијата Гранит со рок на комплетирање од четири години, а финсиските средства доаѓаат од инвестициската рамка на ЕУ и ЕБОР. Автопатот е со должина од 10,5 километри. Делницата треба да се спои со веќе изградените 1,5 километри од автопатот Скопје-Блаце во близина на граничниот премин Блаце.

Тагови: Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер