Македонија

Поднесени амандмани за азилот на Груевски во извештајот на ЕП за Македонија

Групата на европските социјалдемократи и на зелените поднесоа амандмани за бегството на Никола Груевски во извештајот за Македонија, за кој ќе се гласа идната недела.

Извештајот за Македонија беше усвоен во Комисијата за надворешни работи пред неколку недели, но последниот развој на настаните со бегството на Никола Груевски во Унгарија ги наведе социјалдемократите и зелените да поднесат нови амандман во резолуцијата на известувачот Иво Вајгл, за која ЕП во пленарен состав ќе гласа на 29 ноември.

– Верува дека македонските законодавни процеси треба да продолжат во согласност со процедурите во земјата и Никола Груевски треба да одговара пред македонскиот судски ситем; ја повикува Унгарија, како земја членка на ЕУ, да го почитува владеењето на правото, кое е фундаментален принцип на Европската унија, за земјите-членки и земјите кандидати еднакво, и да го екстрадираат Никола Груевски во Скопје, очекува сите засеганти страни да се однесуваат строго согласно релевантните национални и меѓународни закони, истакнува дека овие судски процеси не треба да се политизираат, гласи амандманот на социјалдемократите.

– Тие во друг амандман бараат извештајот исто така да нагласи дека „по транспарентен судски процес, Никола Груевски е осуден од македонските судови за злоупотреба на функција на две години затвор, дека повеќе судови ја потврдија пресудата и одлуката влезе на сила откако ги искористија сите права на жалби, дека е обвинет во четири други кривични премети и пет други кривични истраги во кој тој е инволиварен се во тек", пишуваат социјалдемократите.

Што се однесува до парламентарната група на зелените, тој е поднесен од страна на Јудит Саргентини, известувачката на Европскиот парламент за владеењето на правото во Унгарија и гласи:

"Ги повикува унгарските власт да ги дадат сите релеавнтни информации и потребни објаснувања кои се однесуваат на случајот со поранешниот македонски премиер Груевски кој избега од својата земја со тајна дипломатска поддршка од Унгарија за да избегне затворска казна; смета дека ова е случај на мешање во внатрешните работи на ПЈРМ и, посебно, чин на презир кон судството и владеењето на правото во оваа земја; ги нотира барањата за екстрадиција од страна на властите во Скопје и очекува Унгарија да се однесува стриктно согласно националните и меѓународните закони со тоа што ќе одговори позитивно на ова барање", стои во амандманот на Зелените.

Засега е неизвесно дали и кои од овие амандмани ќе бидат поддржани од европратениците идната недела, но извори во Европскиот парламент за МИА велат дека се очекува да има мнозинство за амандманот на социјалдемократите, вклучително и со гласови од Европската народна партија, освен, најверојатно, унгарските пратеници.

Амандманот на зелените се оценува „како помалку избалансиран" и „преостар" и за него потешко ќе било тешко да се добие поддршка од другите европарламентарци, велат извори од ЕП за МИА. /МИА

Хороскоп

Дневен хороскоп за 1. мај 2024 година

Дневен хороскоп за среда, 1. мај 2024 година.

Бик 21.4- 20.5.

Љубов

Ви претстои добра забава со пријателите и саканата личност , низ содржини што имаат нешто мистично во себе.

Кариера

Уметниците меѓу вас денеска ќе зрачат многу повеќе од вообичаено , а другите ќе ги имитираат и ќе ги следат.

Здравје и совет

Бидете уште поотворени.

Близнаци 21.5.-21.6.

Љубов

Наеднаш би можело да ви падне на памет необична идеја со која ќе си го збогатите својот и сексуалниот живот на партнерот. Овој пат сте во право.

Кариера

Вашата интуација денеска ќе ви даде одговори на многу прашања. Само добро слушајте и се ќе ви биде јасно.

Здравје и совет

Престанете да анализирате.

Рак 22.6-22.7.

Љубов

Би можеле да наидете на личност со која работите и која би можела да ве наведе на емотивни изливи. Размислувате за оваа личност.

Кариера

Додека полека минува работното време, вие се повеќе ќе размислувате за пари и како да ги заработите на страна. Замислувате необични начини.

Здравје и совет

Останете во реалноста и помалку фантазирајте.

Лав 23.7-22.8.

Љубов

Плима од емоции ќе ве наведе да посакате што повеќе време да минете со саканата личност. Ќе се потрудите околу тоа.

Кариера

Работната недела покажа дека успеавте да покажете што знаете за својата професија. Тоа ви носи задоволство.

Здравје и совет

На некој начин денеска ќе блескате.

Девица 23.8.-23.9.

Љубов

Вашиот љубовен живот квалитетнио се одвива, а вашата самодоверба расте од ден за ден. Самците ќе бидат успешни во додворувањето.

Кариера

Ќе им се препуштите на чувствата и на приватниот живот и ќе заборавите на работните обврски. Занете дека сте силни и џдека напредувате.

Здравје и совет

Одете во природа.

Вага 24.9.-23.10

Љубов

Можете да очекувате ден исполнет со задоволства , што ќе доаѓаат поради низата идеи , што ќе ги следите со саканата личност.

Кариера

Ќе верувате во својата храброст и високиот морал , така што лесно ќе ги решите малите деловни грижи , за кои само вие знаете.

Здравје и совет

Подобро е да верувате , отколку да се сомневате.

Шкорпија 24.10-22.11.

Љубов

Можеби ќе се изненадите кога саканата личност ќе ве повика да излезете на едно сосема невообичаено место.

Кариера

Кога денеска накусо ќе помислите за она што ве очекува , ќе бидете безгрижни. На некои би можело да им се јави шефот за дополнителни задолженија.

Здравје и совет

Уживајте во животот.

Стрелец 23.11.-21.12.

Љубов

Внимание и нежност ќе ви бидат главни преокупации , кога станува збор за љубовниот живот. Ќе знаете како на другите да им се вовлечете под кожа.

Кариера

Сите оние чија работа е поврзана со уметност , денеска ќе имаат инспирација за вистински мали ремек дела.

Здравје и совет

Следете ја интуицијата.

Јарец 22.12.-20.1.

Љубов

Емоции , убавина, хедонизам и страст денеска ќе се спојат во складна целина на взаемно задоволство.

Кариера

Дури и оние кои вредно работат, денеска ќе одмораат , зашто нивните желби ќе бидат насочени кон уживање.

Здравје и совет

Не претерувајте.

Водолија 21.1.-19.2.

Љубов

Зближувањето и топењето на разликите меѓу вас и другата страна денеска ќе оди преку еротика и секс. Ќе чувствувате олеснување.

Кариера

Ве очекува средба со многу дарежлив спонзор и инвеститор кој е сериозен. Некој ќе ви се јави за да се подготвите за тоа.

Здравје и совет

Соработувајте со другите.

Риби 20.2.- 20.3.

Љубов

Сите карти ќе бидат во рацете на вашата најдрага личност , која ќе биде многу расположена за нежности. Не прашувајте зошто.

Кариера

Во мислите ќе ги анализирате вестите поврзани за работата и ќе ви се чини дека сосема добро се снаоѓате.

Здравје и совет

Немојте да се прејадете.

Овен 21.3-20.4.

Љубов

Се повеќе ситуации се вртат во ваша корист , а вие станувате почувствителни . Другата страна ќе знае тоа да го цени.

Кариера

Денеска ќе настојувате што повеќе да ги истакнете своите заслуги во работата.

Здравје и совет

Обновете си го хобито.

Македонија

Александар Пандов и Агим Јонуз во „Само Вистина“

Вечерва во „Само Вистина“ ќе гостуваат Александар Пандов и Агим Јонуз.

Дами и господа, вечерва во Само Вистина ќе дебатираат Александар Пандов и Агим Јонуз.

Партиски калкулации или предизборни махинации за идна влада, важи ли принципот „победник со победник“ или „кој губи има право да се лути“?

Кој ги сфати грешките, а кој ќе ја плати сметка од изневерени ветувања?

Се ќе почне од „0“ или ќе се случи политичко цунами, мајка или татко на нацијата, што ќе добиеме на 8 мај?

Ветувања или дела, кој најавува, а кој ќе ја сузбие корупцијата?

Вечерва во Само Вистина Елизабета Галевска со Александар Пандов и Агим Јонуз, по вестите во 18 часот.

Живот

Потрошил 14.000 евра за да стане куче, а сега повторно шокира со новиот кучешки костум (ВИДЕО)

Претходно пишувавме за Јапонец, кој се крие зад прекарот Токо.

Тој потрошил повеќе од 14.000 евра на костим за куче, со цел да го исполни детскиот сон и да го запознае светот од перспектива на животното.

Сега тој повторно го шокира светот, откако претстави хиперреалистичен костим на маламут од Алјаска што му овозможува да прави „нови трикови“.

Потсетуваме, Јапонците ангажираа експерти од компанијата „Цепет“ на кои им биле потребни 40 дена за реализација на проектот.

Му дале импресивен костим на овчарско куче со густо крзно и анатомски исправни екстремитети, но неговата глава била „најслабиот“ елемент.

Сега Токо претстави нова инвестиција, а костимот од Alaskan Malamute изгледа импресивно, со можност за движење на опашката и устата, пренесува Oddity Central.

Тој признава дека ја крие својата страст од пријателите, семејството и колегите на работа, плашејќи се од суд, но не планира наскоро да се откаже од хобито.

Ако ништо друго, се чини дека тој е сѐ повеќе и повеќе опседнат со кучешкиот живот секој ден.