Почна војната за наследството!

Марадона не умрел сиромашен

Диего Марадона повеќе не е меѓу живите, иако за љубителите на фудбалот ќе остане бесмртен, но што се однесува на земните работи - после него, покрај истрагата за деталите поврзани околу неговата смрт, започнува вистинска војна околу наследството. А тоа е огромно.

Иако првично беше кажано дека Марадона оставил само околу 75.000 долари заштеда, наследниците можат да сметаат на вистинско богатство, и тоа барем сто пати поголемо - проценките се движат од 75 до 100 милиони американски долари.

Имено, како што пренесува аргентинскиот „Ла Насион“, децата на славниот ас ќе добијат огромна сума пари со оставинската постапка, и тоа врз основа на неговата сопственост над недвижнини, автомобили и накит.

На пример, само во неговата татковина тој имал две вили, едната во Сегурола и Хабана, другата во Пуерто Мадеро, потоа куќа во Бела Виста каде живеел со својата девојка Росија Олива, потоа уште една каде што израснале неговите ќерки, како и куќата во Норделта, каде што се моментално неговите сестри.

Имал и неколку исклучително вредни автомобили, од кои четири во Аргентина, потоа во Дубаи, „ролс ројс густ“ и „бе-ем-ве“, кои заедно вредат околу половина милион евра, а за време на престојот во Белорусија доби огромен џип „оверкамер хант“, каде што стана почесен претседател на Динамо Брест. Таму тој доби и дијамантски ѓердан вреден повеќе од 300.000 евра, со што само ја зголеми неговата богата колекција на скапоцени камења.

Покрај тоа, за време на неговиот живот, тој обезбеди огромни суми пари од Гимнасија и клубот Есгриме од Ла Плата, како и договори за спонзорство и инвестиции во Куба и Италија.

Се проценува дека Диего Армандо Марадона заработил околу 500 милиони долари во текот на неговиот живот, како играч и како тренер, а сега останатите 75 до 100 милиони долари од споменатото наследство ќе ги поделат неговите пет деца.

Важен фактор во војната околу наследството ќе биде адвокатот на Марадона, Матијас Морија, кој ќе треба да се справи со контроверзното видео каде Диего минатата година најави дека, „нема да им остави ништо на своите две најстари ќерки“ (што другите деца би можеле да го искористат на суд).

Потоа, Марадона најави дека ќе признае неколку млади Кубанци како негови наследници, но тоа не успеа да го стори додека беше жив.

Ибрахимовиќ и Лукаку во клинч, за малку избегната тепачка (ВИДЕО)

Златан Ибрахимовиќ и Ромелу Лукаку жестоко се судрија во последните моменти од првото полувреме на четвртфиналниот натпревар од Купот на Италија меѓу Интер и Милан.

Ибрахимовиќ во 31-та минута го донесе Милан во водство со убав гол, а играчите на Интер стануваа се понервозни, што се гледаше на Лукаку, кого Ибрахимовиќ го испровоцира.

Белгиецот и Швеѓанецот се соочија очи во очи и веднаш беа разделени од соиграчите.

Ситуацијата беше на работ на голем инцидент кога судијата Паоло Валери го објави крајот од првото полувреме. Лукаку бесно се упати кон Ибрахимовиќ, кој се упати кон соблекувалната, а за да се избегнат поголеми проблеми, присутните на теренот морале да интервенираат.

И двајцата добија жолти картони.

Лукаку, наводно, му рекол на Ибрахимовиќ да престане да му се смее, а Ибрахимовиќ му одговорил: „Ајде, ајде да одиме“.

Ибрахимовиќ беше исклучен во 58. минута поради втор жолт картон за прекршок во центарот, а израмни Лукаку од пенал во 71. минута.

Британка се изживува врз неподвижна старица, семејството ја снимило (Вознемирувачко видео)

Бритинската полиција објави на својот Твитер вознемирувачко видео во кое се гледа злоупотреба врз дементирана старица од 29-годишна старателка , која е осудена на шест месеци затвор.

29-годишната Џени Деди требало да се грижи за полу-подвижната 69-годишна Лиз Јангс, но снимките од надзорните камери откриваат дека наместо тоа, таа ја влече за коса, и ги турка прстите во лицето и устата и ја влече за нос.

Во текот на летото 2019 година, ќерката на жената од видеото, Корина Канингам, која живеела со неа во куќа во Норфолк, започнала да забележува полесни повреди како што се модринки и гребаници на лицето и телото на нејзината мајка.

Поради сè, вклучила камера, која цело време снимала во собата. Полицијата објаснила дека семејството на Лиз Јангс сакало снимката да се сподели јавно за случајот да остане запаметен откако Деди е приведена.

Според „Дејли меил“, за време на една посета, Деди зела куче со себе, кое ја изгребало Лиз Јангс, предизвикувајќи длабоки расекотини на нејзините нозе.

Деди, пишува понатаму, ја принудувала старицата да јаде и вербално и физички ја малтретирала. На видеото се гледа како ја влече за коса и ги турка прстите во лице.

Во една прилика ја оставила гола скоро цели 30 минути, со влажна коса и само со крпа над колената.

Семејството на Лиз Јангс го видело видеото во ноември 2019 година и веднаш им било јасно дека старицата била малтретирана, по што интервенирала полицијата.

Деди признала дека лошо се однесувала кон лице кое има потреба од посебна грижа и е осудена на шест месеци затвор.

"Знаеме дека објавувањето на оваа снимка предизвика силни реакции, целосно разбираме дека е тешко да се гледа. Го зедовме предвид ова пред да го објавиме. Семејството на г-ѓа Лиз сакаше да спречи слични случаи", објави полицијата, пренесува британски Мирор.

Елизабет Харли во топлес, ја сликал нејзиниот 18-годишен син (ФОТО)

Актерката и манекенка Елизабет Харли позираа топлес во снег, а фотографијата што ја објави на Инстаграм ја направил нејзиниот 18-годишен син.

55-годишната Британка носи само палто и долен дел од бикини од својата нова линија за костими за капење.

„Како можев да одолеам? напишала заедно со фотографијата што ја споделила со повеќе од 1,8 милиони следбеници на Инстаграм.

Таа исто така открика дека ја фотографирал нејзиниот син Дамијан, кој оди по нејзините манекенски стапки.

Таа добила бројни комплименти за фотографијата, но големото внимание што го привлече, не помина без негативни реакции, а многумина често ја критикуваат за нејзината врска со синот.

притисни ентер