Живот

Почна судењето на татко на шест деца , кои 9 години ги држел во подрум и ги силувал (ВИДЕО)

Татко од Холандија ги чувал своите шест деца во изолација и „ментално заробени“ цели девет години, злоупотребувајќи ги физички, сексуално и емоционално, изјавија холандските обвинители на судењето на Герит Јан ван Дорстен.

„Ова се злосторства против деца во исклучително зависна позиција“, изјави обвинителот Дајана Роген пред судот во Асен.

Ван Дорстен беше откриен во октомври минатата година, кога полицијата откри дека ги држел во заробеништво своите четири ќерки и два сина, на возраст од 18 до 25 години, на оддалечен имот во близина на градот Руинверволд. Според обвинителите, децата биле затворени во подрум цели 9 години.

Станарот на имотот, 58-годишниот Австриец Jозеф Брунер е уапсен за помагање на Ван Дорстен.

Осомничениот татко не се појавил на суд бидејќи се опоравува од срцев удар.

Случајот беше откриен кога најстариот син се појавил во локалната гостилница за да побара помош. Иследниците тогаш ги нашле децата во скриена просторија зад гардеробер.

Според обвинението, таткото постојано силувал една од ќерките и еден син, кои тогаш имале меѓу 12 и 15 години. Нивната мајка починала во 2004 година , кога таткото почнал со силувањата.

Тој го оправда својот напад тврдејќи дека „женскиот дух“ или духот на неговата мртва сопруга биле кај деца.

Обвинителите тврдат дека таткото ги чувал децата во изолација, велејќи им дека ќе дојдат во контакт со „демони“ надвор од домот. Тој се подготвувал и за судниот ден и објавувал видеа од подготовките , но не споменувал дека има деца.

Децата исто така тврделе дека нивниот татко ги тепал, ги казнувал со гушење или со часови седење во студена вода.

Постојат индиции дека осомничениот бил следбеник на култ, а портпарол на верскиот култ ,,Црква за обединување”, позната по масовни венчавки, потврдила дека насилникот бил нивен член.

Шоу биз

Фото: Џенифер Лопез во чуден стајлинг на улиците на Њујорк

Светската музичка ѕвезда Џенифер Лопез го привлекува вниманието на јавноста каде и да се појави.

Без разлика дали станува збор за концерт, настап или улога во филм популарната Џеј Ло е присутна во медиумите и поради својот совршен моден стил.

Многу жени ги следат нејзините стајлинзи, бидејќи таа стана вистинска стилска икона и инспирација за многу трендсетерки.

Но, понекогаш се случува, како што е сега, дури „жешката Џеј Ло“, заведена од трендот, да направи моден кикс . Да се појави во јавност во стајлинг кој ќе добие повеќе негативни отколку позитивни коментари.

Мегапопуларната пејачка прошета по улиците на Њујорк во особено необична комбинација на фармерки, кои се сè само не убави. Моделот кој се наоѓа на полиците на познатите брендови, овие фармерки се хит меѓу ѕвездите, тие изгледаат искинато, валкано, но сега беа изборот на убавата Џеј Ло.

Фудбал

Чави сака Роберто да остане во Барса

Тренерот на Барселона, Чави Ернандез, изрази желба да го задржи ветеранот Серхи Роберто во тимот, пренесува денеска шпанскиот весник „Мундо Депортиво“.

„Сакам да го продолжи договорот. Сега одлуката е на него. Тој знае што мислам. Може многу да ни помогне. Да се надеваме дека ќе го продолжи договорот“, изјави Чави за 32-годишниот играч од средниот ред, чиј актуелниот договор со Каталонците истекува на крајот од сезоната.

Барселона утревечер ѝ гостува на Валенсија во натпревар од 33. коло на шпанската Ла Лига, а Чави истакна дека целта на каталонскиот клуб е да ја задржи втората позиција на табелата на крајот на сезоната.

„Нашата цел е да завршиме на второто место во лигата и да се пласираме на завршниот турнир во Суперкупот. Сакаме да ја завршиме сезоната со добро чувство и со ентузијазам и сила да се подготвиме за следната“, додаде тренерот на Барселона.

Македонија

Ковачки до Лога: Какво е чувството да се биде приврзок на Али

Какво е чувството да се биде приврзок на Али, за каква Европска Македонија зборувате со 2% доверба во судството контролирано од ДУИ, од обвинители до судии сите другари и функционери на Ахмети.

Господине Лога, вие сте непозната личност, исто како вашиот труд за Македонија.

Ако не бевте министер за правда, немаше јавноста да знае дека воопшто постоите. Но последиците од вашата неспособност се познати. Тие се бројат со најкатастрофалните извештаи за државата во поглед на правдата.

Вие сте министер за правда кога довербата во судството е под 3%.

Знаете зошто е така?

Затоа што другар на Али од Зајас е Ислам Абази, првиот човек на организиран криминал, како и Бурим Сејдини, исто од Зајас, кој е претседател на Управниот суд. Претседателите на основните судови во Тетово и Кичево, Хасан Асани и Амдије Зенку се поранешни функционери и активисти на ДУИ. Во врховниот суд е и Шпенд Деваја, сопругот на поранешната градоначалничка Теута Арифи.

Ова судство е на ДУИ. Затоа нема одговорност за ниту еден од ДУИ и нивните слуги од СДС.

Кога веќе лажно морализирате и си ја приграбувате идејата за Европска Македонија, да ве прашам, како е чувството да сте привезок на Али, да седите во неговиот скут и да зборите за Македонија?

Едното со другото не оди.

Еден Палчо од Турција го екстрадирате како да го носите од месечината. Ете толку сте способни.

Вашата пресуда доаѓа од народот на 8 мај.

Колку вие подалеку од политика, толку повеќе Македонија повторно на народот.

Линк од фб статус на Драган Ковачки, носител на ИЕ 3:

https://www.facebook.com/DraganKovachki/posts/pfbid0Hrfm22m2AGWApw4Ck4hR2obGmPzf4owdEinbT9Z32kvYYjFjhU68aHwDek2ADNLjl

Со почит,

Центар за комуникации на ВМРО-ДПМНЕ