Денеска започна судскиот процес во кој на товар на Ристов му се ставаат две кривични дела, противправно стекнување и прикривање на имот и перење пари. Обвинителството уверува дека располага со несоборливи докази дека сега суспендираниот судија противправно ги стекнал парите кои никогаш не ги пријавил бидејќи немал законска основа за нивното потекло. Парите, кои според обвинителството ги надминуваат неговите месечни приходи, потекнуваат од трговија со влијаније.

-За непријавување на имотото и тоа за оние 350 000 евра кои се пронајдени и за кои со сигурност можеме да покажеме со проста, математичка документациска и финансика основа и докази дека не можат да бидат имот кој легално го поседувал и тоа криивчно дело ги подразбира тие елементи и за кривичното дело перење пари кое подрзбира криење, држење на пари за кои сторителот свесно зане дека се незаконити и дека потекнуваат оа казнено дело,- изјави – Искра Хаџи Василева – Обвинител во ОЈО ГОКК.

Ристов негираше вина и за двете кривични дела.

-Не се чувствувам виновен ни за првото, ни за другото кривично дело. Нема трансакции, нема утврдено потекло на парите и треба да се докаже врска помеѓу парите и кривичното дело. Секое перење пари додека не се пуштени во оптег, нема перење. Со обвинението се прави преседан и во иднина секоја може да биде гонет ако во домот на неговите родители се најдат пари,- -Ѓоко Ристов – Обвинет.

И неговата одбрана во воведните зборови најави дека ќе одговори на како што тврди, холивудскиот наратив на обвинителството. Парите според неговите адвокати, се најдени во ѕид во туѓа куќа и не се поврзани со неговата судиска функција. Тврдат дека ќе докажат дека парите се на неговите родители и дека нивниот имот е легално стекнат.

Парите беа пронајдени во 13 поединечни пакувања во апоени од по 500 и 200 евра, а дека токму Ристов ги сокрил парите обвинителството утврдило со вештачење на биолошки траги. Истрагата против апелацискиот судија кривичар беше отворена откако беше уапсен поранешниот државен правобранител Фехми Стафа кој во обвинителството го пријави обвинетиот бизнисмен Љупчо Пецов Ѓаволот дека му барал 100 илјади евра за да му издејствува домашен притвор кај Ристов.

Судењето против Ристов го води судијката Билјана Коцевска која следно рочиште закажа за 9 јуни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.