Почна продажбата на новиот Мерцедес Ѕ класа во Европа, се знае цената

Мерцедес ги отвори листите за нарачки за новата Ѕ-класа.

Основниот модел на S-класа е S350d, кој се напојува со трилитарски шестцилиндричен дизел мотор со 286 КС и 600 Nm. До 100 км на час стигнува за 6,4 секунди и може да достигне до 250 км на час, колку што е ограничен. Во стандардната верзија, цената започнува од 93.438 евра на германскиот пазар. Доколку купувачите се одлучат за верзијата 4Matic, цената се искачува на 97.150 евра, додека помоќниот S400d започнува со шест цифри. Со погон од 4Matic и впрегнати 330 КС и 700 nm, може да достигне 100 km / h за 5,4 секунди. Чини 103.994 евра.

Се префрламе на бензинците. S450 4Matic е достапен само во проширена верзија. Го придвижува 3.0-бензински мотор со 367 КС и 500 nm, а до 100км/час стигнува за само 5,1 секунди и се продава со почетна цена од 106.650 евра.

Конечно, S500 4Matic засега е на врвот. Во него, 3.0 мотор дава 435 КС и 520 Nm, а стигнува до 100 km / час за само 4,9 секунди. Почетната цена е од 115.130 евра.

Кога станува збор за доплатата, се плаќаат дополнително 1,148 евра за 3Д дигитален дисплеј, 3,468 евра за главен дисплеј со AR технологија и 1,508 евра за вртлива оска. Списокот со опции вклучува и активно амбиентално осветлување со 250 LED диоди (916 евра), асистент MBUX (626 евра), централно задно воздушно перниче (580 евра) и слично.

Првите примероци ќе им бидат доставени на клиентите во декември.

Аустриан ерлајнс го започна својот штрајк кој ќе трае 36 часа

Триесет и шестчасовниот штрајк на вработените во Аустриан Ерлајнс (Austrian Airlines) почна денеска и веќе има откажани летови, јавија австриските медиуми. 

Според одлуката на синдикатот „Вида“, денеска и утре ќе бидат откажани вкупно 400 летови. Најмногу беа погодени аеродромите во Виена, Инсбрук, Грац и Клагенфурт, како и околу 50 илјади патници, според податоците на авиокомпанијата.

Аустриан Ерлајнс проценува 24 милиони евра загуби предизвикани од откажување летови во текот на тековните колективни преговори за договарање. Спорот за колективниот договор за труд трае веќе со недели, а досега 17 рунди преговори се без резултат. Синдикатот најави нова работна средба за 4 април.

Стотици летови се откажани од почетокот на преговорите. Откажани се и летовите од Виена до Скопје и обратно. На официјалната веб страница на Меѓународниот аеродром Скопје не се ставени ниту полетувањата, ниту слетувањата со оваа авиокомпанија.

Дебата на тема„Има помош за живот без насилство“ во организација на УНФПА

Веќе трета година по ред во Македонија се спроведува  проектот „Превенција и заштита од родово-базирано насилство во Македонија“ под покровителство на министерството за труд и социјала, британската амбасада и УНФПА.

Во рамки на проектот досега функционира програмата за реинтеграција на жртви, моделот за шелтер-засолниште на жртви на семејно насилство, а се даваат и препораките за подобрување на услугите на сос линиите за помош на жртвите.

Продолжува ископувањето со багер на страната на куќата каде што исчезна 2- годишната Данка

Уште едно потресно видео од Бањско Поље денеска.

Заврши ископувањето на едната страна од куќата во која завчера исчезна малата Данка Илиќ (2).

Како што јави репортерот на Телеграф од местото на настанот, копањето со багер продолжило од другата страна на куќата.

Екипата на порталот Телеграф.рс и денеска е пред куќата на семејството Илиќ каде во вторникот околу 13.45 часот исчезна Данка Илиќ (2) и се уште се трага по неа. Полициски екипи ја опколиле куќата на семејството Илиќ во Бањско поле, а пред неа пристигнал багер.

Полицијата претходно отворале шахти околу куќата на семејството Илиќ.

Како што дознаваме, полицијата и работниците од ЈКП од утрово го расчистуваат теренот.

Да потсетиме, Данка исчезнала во моментот кога нејзината мајка му давала вода на другото дете. Носела виолетови панталони, маслинесто сако, а косата и беше врзана во опавче. По исчезнувањето на Данка, за прв пат во Србија беше објавен Алерт наречен „Најди ме“.

По девојчето 27 часа трагаа припадници на жандармеријата, полицијата, пожарникари, спасувачи на ГСС, како и бројни мештани. По 27 часа МУП го прекина пребарувањето на теренот во Бањско Поље.

притисни ентер