Овој проект не е само спортска арена; тој е симбол на амбицијата на една нација која сака да излезе од маргините и да стане водечки глобален играч.

Стадионот ќе има капацитет од неверојатни 135.000 гледачи. За да добиете претстава за неговата големина, Тронг Донг ќе го надмине моменталниот рекордер, стадионот Рунградо 1 Мај во Северна Кореја, како и новиот мегапроект во Мароко што се гради за Светското првенство во 2030 година.

Објектот ќе се простира на 73,3 хектари, а инвестицијата е речиси незамислива за нашето подрачје - изнесува околу 925 трилиони донги, што е повеќе од 34 милијарди евра!

Дизајнот на стадионот не е случаен. Архитектите пронашле инспирација во древните бронзени тапани од културата „Донг Сон“, кои биле произведувани во делтата на Црвената Река пред 2.500 години. Специфичната форма и сложените декоративни детали од овие тапани ќе бидат интегрирани во структурата на покривот и фасадата.

Што ќе има овој „вселенски брод“ во Ханој?

Целосно подвижен покрив што овозможува одржување концерти, фестивали и јавни настани без оглед на времето. Потоа, системи за одржливост - собирање и рециклирање на дождовница, технологии отпорни на топлина и драстично намалување на потрошувачката на енергија. Потоа - интелигенција: Најсовремени системи за управување со толпата и безбедност на посетителите.

Овој стадион е срцето на амбициозен план за урбана регенерација. Околу него ќе се издигне „Олимписки спортски град“ што ќе вклучува дури 11 општини, а планирано е сè да биде целосно функционално до 2035 година.

Виетнамскиот премиер Фам Мин Чин на почетокот на изградбата рече дека целта е јасна: да се консолидира присуството на Виетнам на мапата на најголемите светски настани.

- Сакаме да поставиме солидна основа за идните кандидатури за домаќинство на Светското првенство и Олимписките игри - рече премиерот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.