Почна испитувањето на материјалите земени од најопасниот астероид: Ова е ризница со богатство - Канал 5

Технологија

Почна испитувањето на материјалите земени од најопасниот астероид: Ова е ризница со богатство

Лажичка темна прашина и гранули собрани од астероидот Бену, на повеќе од 300 милиони километри од Земјата, пристигна во Природонаучниот музеј во Лондон, каде што научниците се подготвуваат да го тестираат.

Почна испитувањето на материјалите земени од најопасниот астероид: Ова е ризница со богатство

100 милиграми од материјалот собран од астероид стар околу 4,6 милијарди години за време на мисијата Озирис-Рекс на американската агенција НАСА стигнале до британскиот музеј, кој ќе се овозможи увид во формирањето на Сончевиот систем, пишува Гардијан.

Леталото на НАСА собрало повеќе од 70 грама материјал од астероидот, но вадењето на неговиот материјал беше тешко поради проблеми со завртките на сондата.

- Ова е извонредно. Ова е како мала ризница која не води до потеклото на Сончевиот систем. Не можам да ги дофатам примероците и да видам што можеме да научиме од нив за раниот Сончев систем - изјави за Гардијан д-р Ешли Кинг, научник кој ќе работи на испитувањето на примероците во Природонаучниот музеј.

„Можеби не звучи како да имаме многу материјал, додаде таа, но ова е доволно за работа и испитување“.

- Ова се 100 милиграми чиста убавина. Донацијата е мала, но доволна. Ова е само една лажичка материјал, но замислете една лажичка шеќер и колку поединечни зрна има во неа. Значи, ќе го проучуваме овој материјал, зрно по зрно. Можеби ни претстои цел животен век - рече проф. Сара Расел, научник од Природонаучниот музеј, Лондон, за Би-Би-Си.

Таа исто така рече дека астероидот содржи минерали слични на глина кои ја задржуваат водата, што може да покаже како Земјата станала планета со вода погодна за живот.

- Можно е астероидите како Бену да обезбедувале хранливи материи подеднакво неопходни за одржување и развој на животот на Земјата - изјави Руселова за Sky News.

Природонаучниот музеј вели дека Бену е „непроменета маса од почетокот на Сончевиот систем“ која дава индиции за потеклото на Земјата, но додава дека астероидот има потенцијал да ѝ наштети на Земјата и се смета за најопасниот астероид во Сончевиот систем.

НАСА има многу повеќе материјали што мисијата Озирис-Рекс ги врати на Земјата на 24 септември, но не се знае точно колку. Овие 100 милиграми се земени од околу 70 грама, кои биле извадени од сондата. Сепак, дел од сондата се уште е недостапен и не е целосно отворен. Се верува дека во него би можело да има уште 200 грама материјал.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвава прослава на Мундијалот- најмалку четворица застрелани по натпреварот во Броктон (ВИДЕО)

Полицијата во Масачусетс соопшти дека најмалку четири лица биле застрелани додека стотици луѓе се собрале по натпреварот од Светското првенство во петокот вечерта.

Крвава прослава на Мундијалот- најмалку четворица застрелани по натпреварот во Броктон (ВИДЕО)

Полицијата во Броктон соопшти дека „примила повеќекратни пријави за истрели непосредно пред полноќ во петокот“, објави ABC News.

„Полицијата реагирала на раскрсницата на главната улица и улицата Парк и пронашла најмалку четири лица со прострелни рани“, се вели во полициското соопштение.

Сите четири лица биле однесени во болница, но нивната состојба не е веднаш позната.

YouTube video

Нема информации за апсења.

Норвешка и Франција играа на стадионот „Жилет“ во Фоксборо во петокот.

Истрагата е во тек, а полицијата соопшти дека повеќе информации ќе бидат објавени подоцна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Горат рафинерии низ Русија (ВИДЕО)

Украински беспилотни летала нападнаа нафтена инфраструктура во неколку руски региони во текот на ноќта, со извештаи за пожари во рафинерии во Славјанск во Кубан и Јарослав. 

Горат рафинерии низ Русија (ВИДЕО)

Нападите се случуваат во време кога расте загриженоста во Русија за снабдувањето со гориво и нафта, објавува The Kiev Independent.

Напад во Краснодарската територија

Според извештаите на руските медиумски канали на Telegram, украинската војска нападнала рафинерија за нафта во Славјанск во Кубан. На социјалните мрежи се објавени фотографии и видеа на кои наводно се гледаат големи пламени и густ чад што се издига над резервоарите за складирање во рафинеријата во Краснодарската територија.

Објектот се смета за клучен за снабдување со гориво на окупираниот Крим, чии резерви беа загрозени во последните недели од напорите на Украина да го изолира полуостровот. Регионалниот оперативен штаб подоцна соопшти дека пожарот во рафинеријата е предизвикан од паѓање остатоци. Обемот на штетата сè уште не е познат.

Чад и над Јарослав

Во исто време, чад беше виден и над областа на рафинерија за нафта во Јарослав, град на околу 250 километри североисточно од Москва. Гувернерот на Јарославската област, Михаил Јевраев, објави на Telegram дека регионот бил цел на украински беспилотни летала.

Украинската војска сè уште не ги коментираше нападите, а „Киев Индепендент“ не беше во можност независно да ги потврди извештаите.

Недостатокот на гориво во Русија се влошува

Нападите доаѓаат во време кога Русија се соочува со растечки недостиг на гориво, влошен од украинските напади врз рафинериите. Повеќе од 20 руски региони воведоа ограничувања за продажба на гориво, а многу граѓани се жалат на социјалните медиуми за долги редици на бензинските пумпи.

Нападите се дел од поширока украинска кампања насочена кон руската нафтена и гасна инфраструктура, клучен извор на приходи за Москва за финансирање на нејзината инвазија на Украина.

Серија напади врз енергетски објекти

Најновите напади доаѓаат само неколку дена откако украинските беспилотни летала нападнаа две рафинерии за нафта во руската Република Башкортостан на 25 јуни. Нападот од 19 јуни ја затвори Московската рафинерија за нафта, една од најголемите во Русија, која снабдува 40 проценти од пазарот на гориво во Москва.

Неколку дена подоцна, рафинеријата Лукоил-Нижегородоргсинтез во Кстово, четвртата по големина во Русија, исто така беше затворена по напад со беспилотни летала, објави Ројтерс.

Русија повторно го напаѓа Киев со балистички ракети

Русија изврши уште еден балистички ракетен напад врз Киев во текот на ноќта, оштетувајќи неколку локации низ градот и повредувајќи најмалку две лица, потврдија официјални лица. Првите експлозии во украинската престолнина се слушнале кратко пред 2 часот наутро по локално време, по што следел уште еден бран напади околу 2:35 часот наутро.

Шефот на градската воена администрација на Киев, Тимур Ткаченко, изјави дека најмалку две лица се повредени во градот во округот Дарницки. Пожари се пријавени и во истата област, вклучително и во близина на станбена зграда, на бензинска пумпа и во неименувана нестанбена зграда.

Украинските воздухопловни сили претходно предупредија за закана од неколку руски ракети што се упатуваат кон главниот град, а воздушни напади се спроведуваат во централните и источните региони на земјата. Локалните власти потврдија дека воздушната одбрана работи над Киев.

Фотографии и видеа на кои наводно се гледа пресретнување на неколку ракети беа објавени на социјалните медиуми, но официјалните лица сè уште не го потврдија исходот од нападот. Јавната телевизија Суспилне објави дека експлозии се слушнале и во градовите Суми и Харков.

Тагови: рафинерии русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Ѓоковиќ се забавува во Лондон- пред Вимблдон отиде на концерт на Бед Бани (ВИДЕО)

На само два дена пред почетокот на Вимблдон, Новак Ѓоковиќ реши малку да заборави на тенисот и да се опушти со музика.

Ѓоковиќ се забавува во Лондон- пред Вимблдон отиде на концерт на Бед Бани (ВИДЕО)

Српскиот тенисер се појави на првиот лондонски концерт на Бед Бани, и се фотографираше со популарниот пејач.

Ѓоковиќ на социјалните мрежи објави фотографија на која позира со музичката ѕвезда од Порторико. Според странските медиуми, Ѓоковиќ во текот на вечерта не само што се фотографирал, туку и танцувал во латино ритам и убаво се забавувал во пресрет на еден од најважните турнири во сезоната.

Бројни ѕвезди на концертот

Првата вечер од турнејата на Бед Бани во Лондон привлече голем број други познати гости. Меѓу публиката беа Адел, Џо Џонас и други ѕвезди кои не сакаа да пропуштат еден од најочекуваните музички настани во Лондон.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер