Почина претседателот на Танзанија, кој сметал дека пандемијата е заговор - Канал 5

Свет

Почина претседателот на Танзанија, кој сметал дека пандемијата е заговор

Претседателот на Танзанија Џон Магуфули почина на 61-годишна возраст, објави денеска  потпретседателот на земјата на државната телевизија.

Почина претседателот на Танзанија, кој сметал дека пандемијата е заговор

Магуфули починал од срцеви проблеми во болницата Мзена во Дар ес Салам каде што се лекувал, изјавил заменик-претседателот за државната телевизија ТБЦ.

Магуфули, еден од најголемите скептици во Африка кога станува збор за коронавирусот, не бил виден во јавноста од 27 февруари, што предизвика шпекулации дека е заразен.

Официјалните лица на 12 март негирале дека е болен. Тие истакнале дека Магуфули работи нормално и дека граѓаните треба да ги игнорираат гласините.

Полицијата уапсила четири лица од минатата недела за наводно ширење лажни гласини за болеста на политички лидери.

Претседателот ги осудувал мерките против ширење на коронавирусот и вакцината ја нарекол заговор од Запад.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција им ги забранува социјалните мрежи на помладите од 15 години

Грчкиот парламент донесе закон со кој им се забранува на децата под 15 години да користат социјални мрежи. 

Грција им ги забранува социјалните мрежи на помладите од 15 години

Законот, кој стапува на сила на 1 јануари 2027 година, беше донесен поради растечката загриженост за влијанието на овие платформи врз здравјето и безбедноста на малолетниците, објави Ројтерс.

Премиерот Киријакос Мицотакис изјави дека платформите имаат рок од два и пол месеци да развијат систем за проверка на возраста на корисниците и да обезбедат заштита на нивната приватност. Грција е една од седумте земји-членки на Европската унија кои соработуваат со Европската комисија за решение за проверка на возраста на корисниците.

Слични мерки веќе се забележани во светот. Минатата година, Австралија стана првата земја што законски го ограничи пристапот до социјалните медиуми за малолетници. Во Франција, пак, Уставниот суд го поништи таков закон во август.

Помагање на родителите во борбата против зависноста

Владата нагласува дека со овој потег сака да им помогне на родителите во потиснувањето на таканареченото бесконечно скролување. Тие наведуваат дека овој феномен ги лишува децата од сон, ја нарушува концентрацијата и го одзема времето од поминувањето време со пријателите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денеска променливо облачно со дожд претпладне и сончево попладне

Времето денеска ќе биде претпладне променливо облачно, а потоа сончево со мала облачност, информираат од УХМР.

Денеска променливо облачно со дожд претпладне и сончево попладне

МИНИМАЛНА ТЕМПЕРАТУРА (во 0С)

3 Попова Шапка, 5 Лазарополе, 6 Маврови Анови, Битола, Крушево, 7 Крива Паланка, 8 Берово, Претор, 9 Охрид, Виница, Прилеп, 10 Куманово, Тетово, Штип, Струмица, 11 Скопје-Зајчев Рид, 12 Велес, Кавадарци, Демир Капија, Скопје-Петровец, 14 Гевгелија.

КОЛИЧИНА НА ВРНЕЖИ за изминатите 24 часа до 08 часот во (l/m2)

21 Крива Паланка, 9 Виница, 8 Берово, 4 Куманово, 1 Штип, Лазарополе.

ВРЕМЕТО ДЕНЕСКА

Променливо облачно, во утринските часови ќе има повремен локален дожд, а во текот на денот ќе биде сончево со мала локална облачност. Ќе дува слаб до умерен, а наместа долж Повардарието повремено засилен ветер од северозападен правец. Максималната температура ќе биде во интервал од 19 до 24 степени.

Во Скопје, претпладне променливо облачно, а потоа сончево со мала облачност. Ќе дува слаб до умерен ветер од променлив правец. Максималната температура ќе достигне до 20 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев: 23 Октомври е ден што нѐ потсетува на идејата за слободна Македонија

23 Октомври е ден што нѐ потсетува на идејата за слободна Македонија, на храброста на оние што се бореа за неа и на одговорноста што ја носиме денес кон идните генерации.

Минчев: 23 Октомври е ден што нѐ потсетува на идејата за слободна Македонија

Идеалите на македонските револуционери се трајна обврска да ја чуваме слободата, да го градиме единството и да создаваме општество во кое правдата, достоинството и еднаквите можности се темел на заедничката иднина.

Нека нивната борба биде поттик да продолжиме со верба, одлучност и посветеност кон силна, просперитетна и демократска држава, во која секој граѓанин ќе може да ја препознае својата иднина.

Честит 23 Октомври – Денот на македонската револуционерна борба!

Срдечно,

Горан Минчев

Министер за јавна администрација

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер