Почина планинарот кој падна од карпа кај Титов Врв потврди ЦУК - Канал 5

Почина планинарот кој падна од карпа кај Титов Врв потврди ЦУК

Трагичен крај, по спасувачка акција на падините на Шар Планина. Дваесет и осум годишен планинар од Белгија почина откако синоќа паднал од карпа кај Титов врв.

Почина планинарот кој падна од карпа кај Титов Врв потврди ЦУК

Телото претпладнево со хелихоптер на МВР е пренесено во тетовската болница каде е констатирана смрт, велат од СВР Тетово. Оттаму додаваат дека е завршен увидот на местото на несреќата. Дваесет и четиригодишник од Куманово пак, кој бил со него и има тешки повреди бил извлечен околу три часот ноќеска и сега е во скопските клиники, каде е пренесен од тетовската болница. Тој има повреди на главата и скршеници на рамото. Од Центарот за управување со кризи велат дека теренот бил непристапен, морало да се ангажираат и хелихоптери за да помогнат, а во акцијата учествувале и специјалци на ЕБР.

Од Центарот за управување со кризи информираа дека акцијата за спасување почнала уште синоќа околу 20.00 часот, по добиен повик за итен случај на 112, откако едниот од планинарите, кој сега веќе е починат, паднал од карпа во провалија. Помош од службите побарал неговиот другар, а при спасувачката акција полесно повредени се и двајца припадници на МВР.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Дваца турски камионџии со фалс зелени картони фатени на Деве Баир

Според МВР, на Граничен премин Деве Баир, полициски службеници од Полициската станица за граничен премин и граничен надзор Деве Баир ги лишиле од слобода Х.Х.(47) и М.Д.(47), двајцата од Република Турција.

Дваца турски камионџии со фалс зелени картони фатени на Деве Баир

-На 11.06.2026 во периодот од 21.30 до 21:40 часот на Граничен премин Деве Баир, полициски службеници од Полициската станица за граничен премин и граничен надзор Деве Баир ги лишиле од слобода Х.Х.(47) и М.Д.(47), двајцата од Република Турција. При извршени пасошки контроли и гранични проверки било констатирано дека Х.Х. кој допатувал со товарно возило „ман“ со полуприколка со турски национални ознаки и М.Д. кој допатувал со товарно возило „рено“ со полуприколка со турски национални ознаки, на увид приложиле фалсификувани зелени карти за возилата и приколките. Тие биле предадени на полициски службеници во ОВР Крива Паланка и по целосно документирање на случаите против нив ќе бидат поднесени соодветни пријави, информираат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Петрушевски: Со уставните измени се отвора пандорината кутија, а тоа им одговара само на Бугарија и на Филипче

Петрушевски: Со уставните измени се отвора пандорината кутија, а тоа им одговара само на Бугарија и на Филипче

Со уставните измени се отвора пандорината кутија, а тоа им одговара само на Бугарија и на Филипче.

Капитулантскиот договор кој го потпиша власта на СДС кој е лош за Македонија а добар за Бугарија, е доказ за потчинетата дипломатија која ја водеа неуспешните и корумпирани политичари од минатата власт на СДС и ДУИ.

Првиот чекор се уставни измени, а потоа би следеле национални и идентитетски отстапки, редефинирање на историјата и негирање на јазикот.

Сето ова за Филипче е прифатливо без доза на размислување.

Поради своите криминали потпишуваа погубни државни договори, само за да останат ден повеќе на власт.

И додека над 80% од граѓаните даваат поддршка на меѓународната политика на ВМРО-ДПМНЕ, специјалниот бугарски пратеник Венко Филипче промовира наредби од Радев кои се косат со македонските интереси.

Поради ваквото однесување, СДС уште повеќе ја губи поддршката од граѓаните. Народот веќе еднаш ги казни, сега ќе ги докрајчи.

Бране Петрушевски, пратеник на ВМРО-ДПМНЕ

YouTube video

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Двајца починати во вчерашната тешка сообраќајна несреќа на патот Градско - Прилеп

Тешка сообраќајна несреќа вчера се случила на патот Градско - Прилеп пред исклучокот за Кавадарци. Според билтенот на МВР, во  судирот во кој учествувале две возила со прилепски таблички загинале две лица. 

Двајца починати во вчерашната тешка сообраќајна несреќа на патот Градско - Прилеп

-На 11.06.2026 во 13:30 часот во ОВР Кавадарци било пријавено дека на експресниот пат Градско-Прилеп, после исклучокот за Кавадарци, се случила сообраќајна несреќа помеѓу патничко возило ,,шкода октавија" со прилепски регистарски ознаки, управувано од Ж.Р.(51) од Прилеп и патничко возило ,,фолксваген голф" со прилепски регистарски ознаки, управувано од Т.М.(39) од Прилеп. Во несреќата на местото починале возачот на патничкото возило ,,шкода" и 42-годишната Б.Б. од Прилеп, спопатник во возилото, а смрт констатирал лекар од екипа на Итна медицинска помош Кавадарци. Со тешки телесни повреди се здобил возачот на патничкото возило ,,голф", констатирани во Општа болница Кавадарци и бил пренесен во Комплекс клиники ,,Мајка Тереза“ во Скопје. Увид на местото извршиле јавен обвинител во содејство со увидна екипа од ОВР Кавадарци. Сообраќајот е нормализиран во 17:00 часот., информираат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер