Македонија

Почина пејачот Васил Ангов - му биле направени три тестови - првите два биле негативни

Коронавирусот однесе уште една жртва од музичките кругови. Пејачот од Гевгелија Васил Ангов вчера пред полноќ ја загуби битката со КОВИД 19.

Тој починал на приватна клиника во Скопје, каде бил префрлен од Инфективната клиника, по барање на семејството. Доктор Сашо Олумчев од Центарот за јавно здравје во Гевгелија појасни дека поради симптоми на вирусот на Ангов му биле направени три тестови. Првите два биле негативи, а третиот, кој бил направен поради влошена здравствена состојба покажал позитивен резултат.

„Тој беше хроничен пациент со хронично пулмунално заболување на белите дробови. Се уште не беше докажан, беше третиран како хронично пулмунално заболување кај нас. Првиот брис беше негативен , после неколку дена му беше земен повторно брис пак беше негативен, но симптомите покажуваа дека станува збор за сериозни заболувања кои укажуваа дека има ковид инфекција, иако брисевите се уште беа негативни, беше влошена состојбата и беше испратен согласно протоколите на Инфективна клиника во Скопје“, изјави Сашо Олумчев од ЦЈЗ Гевгелија.

Олучев вели дека трите брисеви ги земал ИЈЗ Гевгелија, а биле испратени во лабораторијата на Институтот на јавно здравје во Скопје.

„Не се сомневаме дека нешто има проблем со тестовите , проблемот е рековме со тоа колкава е виремијата во моментот и дали тестот ќе го детектира вирусот. Меѓутоа кај хронични пациенти ситуацијата многу брзо оди и многу брзо се влошува клиничката слика. Не е тој прв слуачј , ние имаме повеќе такви случаи кои мора да бидат ставени на терапија, интернистите си го водат тоа, кислородна поддршка и друга терапија се со цел додека се чека тестот да не се губи време”, изјави Сашо Олумчев од ЦЈЗ Гевгелија

Докторот апелира до пациентите да не чекаат и при секој симптом да се консултираат со лекар за може навремено да се препознае евентуалното постоење на вирусот. Министерството за здравство и Државниот здравствен и Санитарен инспекторат неколку недели работат на истражување на причините за зголемување на бројот на смртни случаи. Од ДЗСИ за канал 5 велат ,,инспекторатот во континуитет врши вонредни инспекциски надзори во установите каде од коронавирусот се лекувани починати помлади пациенти, но досега не се констатирани недостатоци во надлежност на инспекторатот. Од лекар пак вклучен во истражувачкиот тим за болницата осми септември дознаваме дека половината од проверените случаи, осумдесет проценти биле со најмалку два коморбидитети.

Свет

Лондонскиот градоначалник Садик Кан со историски резултат на изборите

Актуелниот градоначалник на Лондон освои рекорден трет мандат како прв човек на британската престолнина.

Кан освои историски трет мандат со сите 14 изборни единици во Лондон објавени досега, пренесува Sky News.

Тој ја доби довербата на 43,7 отсто од гласачите.

Неговата конзервативна ривалка Сузан Хол освои 32,6%.

Излезноста била 40,5%.

Во Лабуристичката партија имало стравувања дека резултатите од гласањето ќе бидат многу поблиски поради загриженоста за слабиот одѕив.

Сепак, Кан собрал 1.088.225 гласови, наспроти 811.518 на Хол.

Кан сега е првиот човек кој освоил трет мандат како градоначалник на Лондон.

Македонија

Православните христијани ја одбележуваат Велика Сабота - денот меѓу смртта и воскресението

Православните христијани денеска ја одбележуваат Велика Сабота - денот меѓу смртта и воскресението...

Верниците ги прават последните подготовки, а се подготвуваат и црквите во земјава...

Пред Соборниот храм е Дејан Трајкоски, какви се обичаите за денешниот ден и од колку часот треба да почне вечерната литургија?

Свет

Грузискиот премиер до Американците: Јас не ви приговарав на вас за вашата полициска бруталност

Грузискиот премиер Иракли Кобахиџе ги критикуваше американските официјални лица за давање „лажни изјави“ за контроверзниот закон на неговата влада за „странски агенти“, кој наиде на големи протести во Тбилиси и критики од западните официјални лица.

Законот ќе бара од невладините организации и медиумите кои добиваат повеќе од 20 отсто од своето финансирање од странство, да се регистрираат како агенти со странско влијание. САД тврдат дека законот е инспириран од Кремљ и некомпатибилен со демократските вредности.

Кобахиџе, од владејачката партија Грузиски сон, му одговори на Вашингтон. „Лажните изјави на претставници на американскиот Стејт департмент за уличните собири и нацрт-законот за транспарентност нѐ потсетуваат на слични лажни изјави на поранешниот американски амбасадор во 2020-2023 година“, рече тој.

Да потсетиме, во вторникот вечерта грузиските безбедносни сили употребија солзавец и водени топови за да ја растераат толпата демонстранти. Западните политичари и локалната опозиција изразија загриженост поради полициската репресија.

Владата инсистира на законот и покрај зголемениот гнев во јавноста и постојаното предупредување дека потегот може да ги загрози аспирациите на земјата за членство во Европската унија, пишува Политико.

„Законодавството на Грузискиот сон и антизападната реторика ја ставаат Грузија на несигурен пат. Ги повикуваме властите да им дозволат на ненасилните демонстранти да продолжат да го користат своето право на слобода на изразување“, соопшти Стејт департментот.

Кобахиџе возврати дека „не ја изразува својата загриженост поради бруталното задушување на студентскиот протестен собир во Њујорк“, очигледно мислејќи на пропалестинските протести на универзитетите во Њујорк за време на кои беа уапсени повеќе од 300 демонстранти.

Поддржувачите на законот во партијата Грузиски сон велат дека законот е направен според американскиот Закон за регистрација на странски агенти (ФАРА). Сепак, ФАРА се однесува само на лобисти кои активно работат во име на владите на другите земји и комуницираат со пратениците.

Грузиската верзија на законот ќе се однесува на сите граѓански групи, локални медиуми и невладини организации кои добиваат дури 20 отсто од своето финансирање од странство, што ќе го направи посличен на законот за странски агенти на Русија кој се користеше за задушување на несогласувањето во земја.