Шоу биз

Почина бразилска пејачка од копликации при естетска корекција

Пејачката Дани Ли почина на 42-годишна возраст поради компликации при липосукција.

Поп ѕвездата била оперирана во петокот. Таа отишла на липосукција на стомакот и грбот, како и на намалување на градите.

View this post on Instagram

A post shared by Dani Li (@danili.dl)

За време на процедурата во Пинхаис, Бразил, таа претрпела компликации и морало итно да биде пренесена во болница во блиската Куритиба.

- Нејзиното тело утре ќе пристигне во Макапа. Многу сме потресени од сето ова. Погребот ќе биде во сабота - изјави нејзиниот сопруг Марсело Мира.

Се уште не е точно утврдено какви компликации настанале.

Дани Ли платил дури 4.000 фунти за оваа процедура, според извештаите, пренесува „The Sun“.

Зад себе ги оставила сопругот и седумгодишната ќерка.

Таа стана широко позната во Бразил по нејзината хит песна „Eu sou da Amazonia“ (Јас сум од Амазонија). Родена е во Афуа во џунглата на Амазон и почнала да пее кога имала пет години. По учеството на шоу за таленти во нејзиниот роден град, таа се преселила во Макапа кога имала 17 години.

Таму го основала жанрот Брега на бразилската поп музика - и групата „Банда Сенсакао“. Во 2008 година го запознала поетот Осмар Џуниор, кој станал нејзин продуцент и ѝ го подарил хитот што ја донел до слава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

72 санкции за возачи на лесни електрични возила на територија на цела држава

За време на контролата санкционирани се и 260 други видови на прекршоци.

Во текот на вчерашниот ден (13.08.2026) во периодот од 17:00 до 22:00 часот Секторот за сообраќајни работи при Министерството за внатрешни работи спроведе акциска контрола за санкционирање на прекршоци кои ги прават возачите на лесни електрични возила на територијата на целата држава, при што санкционирани се 72 возачи.

Од нив, по 11 на територијата на СВР Тетово и СВР Битола, осум на територија на СВР Велес, седум на територија на СВР Куманово... Од страна на Мобилната единица за безбедност на сообраќајот на патиштата санкционирани се 20 возачи на лесни електрични возила. За време на контролата санкционирани се и 260 други видови на прекршоци. Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АХВ ја прогласи водата во Гостивар безбедна за пиење

Гостиварци по речиси еден месец голгота, од денеска конечно можат повторно безбедно да пијаат вода од чешмите.

Одлуката на Агенцијата за храна и ветеринарство беше соопштена на прес конференција во Гостивар, а доаѓа откако и последните добиени резултати потврдиле дека водата е микробилошки и бактериолошки исправна. Во Гостивар е Елизабета Спасеновска Дамјановска.

Сега клучното прашање е дали гостиварци им веруваат на иституциите?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Втор смртен случај со западнонилска треска - почина 72-годишен скопјанец, 5 пациенти се на механичка вентилација

Скопјанец на возраст од 72 години е втората жртва на западнонилска треска годинава, информираше директорот на Инфективната клиника во скопје, Д-р Фадил Цана.

Пациентот имал придружни болести, а уште при приемот на клиниката бил во тешка општа состојба која прогресивно се влошувала.

Во моментот на клиниката се хоспитализирани вкупно 24 пациенти. Д-р Цана информираше дека кај седум од нив е регистрирана потешка клиничка состојба и тие се под интензивен медицински надзор. Ова е втор случај на смрт од западнонилска треска, по смртта на 83 – годишен пациент.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.