По петдневната забава за 500 гости, Нејмар се пофали со имотот од 6,5 милиони евра (ВИДЕО) - Канал 5

Фудбал

По петдневната забава за 500 гости, Нејмар се пофали со имотот од 6,5 милиони евра (ВИДЕО)

Нејмар вчера стана тема на сите светски медиуми откако е откриено дека среде пандемија организирал голема петдневна забава за дури 500 гости.

По петдневната забава за 500 гости, Нејмар се пофали со имотот од 6,5 милиони евра (ВИДЕО)

Според „О Глоуб“, Нејмар ангажирал и голем број забавувачи кои имале за задача да ги забавуваат сите гости во неговата вила, дури и оние кои ќе наидат непоканети.

За да избегне малтретирањето на соседите, тој изградил подземна дискотека со звучна изолација за забавите да можат да се одржуваат 24 часа на ден, без никому да му пречат.

Локалните медиуми пишуваат дека само една работа била забранета на забавата, а тоа е употребата на мобилни телефони. Нејмар се плашел дека некои непристојни фотографии од таа забава можеле да завршат во јавноста, па мобилните телефони на сите им биле одземени на влезот во вилата.

Луѓето во Бразил се бесни на Нејмар, па неговата забава набрзина стана тренд тема на Твитер, но Бразилецот не се реши да стави крај на тоа, и покрај критиките. Денеска, ако им се верува на претходните пишувања на локалните медиуми, забавата треба да заврши.

Овој потег на Нејмар е добра можност да се потсетиме на начинот на кој тој живее , не само за време на пандемијата, кога неговите постапки предизвикуваат негодување во јавноста.

Нејмар игра за ПСЖ од 2017 година, кога беше купен од парискиот клуб за 222 милиони евра од Барселона, а токму неговиот дом во Париз покажува во каков луксуз сака да ужива.

Бразилецот живее во луксузна петкатна вила во Париз, чиј претходен сопственик е познатиот француски актер Жерар Депардје, а вреди околу 6,5 милиони евра.

Куќата е изградена во педесеттите години, а првиот сопственик бил богат париски архитект кој ја изградил на околу 15 километри од центарот на Париз. Во подрумот на куќата има голем затворен базен со поглед на градината поголема од пет илјади квадратни метри.

Куќата има и сауна, турска бања и огромна просторија со неколку видови игри, од социјални до сите видови видео игри што може да асе замислат.

Нејмар не е сопственик на вилата, но плаќа кирија од околу 15 000 евра месечно. Со оглед на тоа дека како играч на ПСЖ заработува околу 600.000 евра неделно, може да се каже дека плаќањето на киријата не претставува проблем.

YouTube video

Колку многу ужива во богатството што го стекнува, покажува и начинот на кој го прославил својот 28-ми роденден. Бразилецот го изнајмил својот омилен ноќен клуб и се забавувал со пријателите цела ноќ.

Тоа е ноќен клуб YOYO кој се наоѓа на само еден километар од Ајфеловата кула. Килијан Мбапе, Единсон Кавани и многу други се појавија на настанот каде Нејмар дошол во бел костум, а фотографијата стана вирална поради огромната забава.

Благодарение на огромната плата што ја заработува во ПСЖ, Бразилецот може да си го дозволи скоро секое возило што го сака. Така, тој е сопственик на неколку Ферари, меѓу кои се издвојува ГТЦ4 Лусо вреден околу 300.000 евра и 455 Италија, што вреди околу 200.000 евра.

Нејмар не е само љубител на возила, па затоа поседува и авион. Станува збор за Цесна 680 која што чини околу 5,5 милионуи евра. Тој и 12 други патници можат да патуваат со него, а фудбалерот често се фотографира покрај или во него.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Ходник дипломатија на Мицкоски со 50 луѓе на екскурзија и антимон со вредност помала од DЈ

Арамијата Мицкоски е цела недела на екскурзија во САД со 50 луѓе а немаше ниту една официјална средба и нема никаков резултат.

СДСМ: Ходник дипломатија на Мицкоски со 50 луѓе на екскурзија и антимон со вредност помала од DЈ

Неформален разговор во ходник го прикажува како средба а како најголем „успех“ го претставува 5 милиони долари за антимон.

Народот не го прашува, сам одлучува.

Поведе делегација од околу 50 луѓе на трошок на граѓаните, за концерт фрлија 5,53 милиони евра народни пари од Лотарија а за отров 5 милиони долари ги претставува како голема инвестиција.

Антимонот не е храна туку метал за воена индустрија.

Од јаловината влегува во почвата, во бунарите, во растенијата.

СЗО има лимит во водата за пиење. Европа таквите ископи ги запира затоа што отровот останува, додека профитот заминува.

Владата на Мицкоски не може чиста вода за пиење да обезбеди, во Гостивар 11 недели не се објавува извештај за водата, во над 50 населени места не се објавува извештај, тие нема да можат водата, почвата и здравјето на луѓето да ги заштитат од штетните последици од ископот и преработката на антимон.

Ова е распродажба на штета на здравјето на луѓето. Не е партнерство.

Целта се провизиите и диловите, тоа граѓаните веќе многу добро го знаат.

Концертот го платија скапо, богатството на Македонија го распродаваат ефтино, за багателна цена. Разликата е во провизијата.

Македонија не е на продажба!

Скопје, 23.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски:„Во моментов има разузнавачки информации дека Русија подготвува нов масовен напад врз Украина“

„Во моментов има разузнавачки информации дека Русија подготвува нов масовен напад врз Украина“, напиша Зеленски.

Зеленски:„Во моментов има разузнавачки информации дека Русија подготвува нов масовен напад врз Украина“

Украинскиот претседател Володимир Зеленски изјави дека Русија планира нов голем напад врз неговата земја.Зеленски, објавувајќи на телеграм за неговата средба со британскиот премиер Енди Бернам на маргините на Генералното собрание на ОН, рече дека Украина е во постојана комуникација со своите сојузници за обезбедување нова противвоздушна одбрана.

„Во моментов има разузнавачки информации дека Русија подготвува нов масовен напад врз Украина“, напиша Зеленски.

Тој рече дека не може да има никаква дискусија за ублажување на санкциите против Русија „кога Украинците живеат секој ден под закана од ракетни и беспилотни летала“.

Руските сили долго време спроведуваат големи ноќни напади со беспилотни летала и ракети, но ја променија тактиката во последните недели, започнувајќи постојани напади во текот на денот.

Додека беше во Њујорк, Зеленски разговараше со американскиот претседател Доналд Трамп за напорите за завршување на војната, вклучително и потенцијално билатерално прекинување на огнот врз цели поврзани со енергетиката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Драма во Њујорк; полицијата на нозе; наредена итна евакуација

Синоќа во Њујорк биле евакуирани неколку згради, додека полицијата истражувала сомнителен пакет во близина на улицата „Источна 43-та“ и Третата авенија на Менхетен.

Видео: Драма во Њујорк; полицијата на нозе; наредена итна евакуација

Сè се случило на неколку блокови од седиштето на Обединетите нации, каде што заседава Генералното собрание на ОН.

Полициската управа на Њујорк (NYPD) ги затвори улиците од Источна 42-ра до Источна 44-та, меѓу Втората и Лексингтон авенија, и ги повикала граѓаните да ја избегнуваат областа околу Источната 43-та улица и Третата авенија поради затворените патишта и можните доцнења, пренесува „Фокс њуз“.

Според непотврдени информации, сомнителниот предмет би можел да биде куфер оставен без надзор. Полицијата потврди дека зградите биле евакуирани, но не соопшти колку згради биле опфатени со евакуацијата.

Откако интервенцијата завршила, улиците повторно биле отворени, а полициските службеници не сакале да соопштат детали за сомнителниот пакет, вклучувајќи ја неговата локација и содржина.

Инцидентот се случи за време на Генералното собрание на ОН, на кое присуствуваат многу светски лидери. Американскиот претседател Доналд Трамп во вторникот одржа говор на Генералното собрание и оствари неколку билатерални средби со странски претставници.

Тагови: Њујорк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер