„Renault“ претстави подобрувања за „Scenic E-Tech“, три години по премиерата на овој електричен кросовер.

Моделот сега добива нова „LFP“ батерија, побрзо полнење, понапредни безбедносни системи и интеграција на технологијата „Google Gemini AI“.

Надворешните промени се скромни. „Scenic“ добива нови црни детали на браниците, 19 и 20-инчни тркала и две нови бои – „Satin Blue Slate“ и „Exo Galaxy Grey“.

Поголеми промени во дизајнот, вклучувајќи можна нова решетка инспирирана од моделот „Megane“, се очекуваат подоцна.

Во кабината, најголемата новина е интеграцијата на „Google Gemini AI“ во мултимедијалниот систем „openR link“, како замена за „Google Assistant“.

„Renault“, исто така, обезбедува 2 GB мобилни податоци месечно во текот на три години со автомобилот.

Безбедносната опрема е исто така подобрена.

Нова камера го следи заморот на возачот и овозможува негово препознавање, додека системите за помош при возењето носат попрецизно следење на околниот сообраќај, подобро одржување на лентата, автоматско сопирање во случај возачот да не реагира и понапредна предикативна функција за еко-возење.

Подолг дострел и побрзо полнење

Најважните промени се скриени под каросеријата. „Scenic E-Tech Comfort Range“ сега користи „LFP“ батерија од 67 kWh, што овозможува до 467 km според „WLTP“ стандардот.

Тоа е 37 km повеќе од претходно.

Поддржано е брзо полнење со моќност до 165 kW, така што батеријата може да се наполни од 15 до 80 проценти за само 24 минути.

Поголемата „NMC“ батерија од 89 kWh, достапна во верзијата со долг дострел, сега овозможува до 642 km дострел, или 17 km повеќе од претходно.

Полнењето од 15 до 80 проценти трае 28 минути со полнач со моќност до 150 kW.

И двете верзии користат преден електричен мотор со моќност од околу 220 КС.

„Renault Scenic E-Tech“ продолжува да се произведува во фабриката „ElectriCity“ во Франција, додека електричните мотори се испорачуваат и од француска фабрика лоцирана во Нормандија.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Опозицискиот медиум на неговите зборови одговори со иронија, објавувајќи податоци според кои реалноста на фронтот во Украина е сосема поинаква. Наводно, блиски лица на руските војници масовно се молат за дожд, со надеж дека ќе се намали активноста на дроновите и дека ќе можат да ги извлечат ранетите. Додека Кадиров ваквите закани ги повторува веќе петта година, заменик-претседателот на советот за безбедност на Русија, Дмитриј Медведев, упати директни закани за напади врз германски одбранбени фабрики поради нивната поддршка за Украина. Медведев ги отфрли обвинувањата на Берлин за руски напад со дрон врз аеродромот во Лајпциг, нарекувајќи ги тврдењата измислена саботажа. Во меѓувреме, експерти предупредуваат дека тензиите во Европа се зголемуваат и дека русија би можела да го нападне стратешки важниот, но слабо заштитен норвешки архипелаг Свалбард.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Општина Аеродром сè појасно се позиционира како препознатлива дестинација за современи урбани фестивали и настани што ги обединуваат локалната заедница, културата, музиката и гастрономијата. Од 4 до 8 септември паркот „Авионче“ повторно ќе се претвори во голема сцена на отворено, со второто издание на AERO Street Food Festival.

Во текот на петте фестивалски вечери посетителите ќе можат да избираат меѓу свежо суши, такоси, бургери, гиро, пица, фокача, ќебапи, печени компири, палачинки, сладолед, сутлијаш и бројни други солени и слатки специјалитети.

Во фокусот на годинашното издание е разновидната гастрономска понуда. Дваесет различни концепти ќе претстават вкусови инспирирани од домашната, регионалната и светската кујна – од добро познатите скопски класици до современи рецепти за улична храна.

На фестивалот годинава ќе учествуваат: Burgerslut, Mustacos, Loras Sushi, Fat Kitchen, Jojo’s BBQ, Oljo’s, Noa Gyradiko, Scoop, Bistro 64, Smash Burger, Sorelle, 11: Eleven, Сутлијаш бар, 15 за 12, Трансилваниско трдло, Pizza Vice City, Дестан, Milkey, Sweet Look и Жешко компирче.

Концептот е осмислен така што секој посетител ќе може да пронајде нешто по свој вкус, да споделува порции со друштвото и да открива нови гастрономски комбинации. По летните одмори фестивалот ќе биде и одлична можност за повторни средби со пријателите, дружење и заедничко уживање на посетителите од сите генерации.

За музичката атмосфера ќе се погрижат домашни бендови и диџеи. На сцената ќе настапат South Park, Ringtones, Dopamine, Marbel и Acoustic Division, додека пред и по концертните настапи публиката ќе ја забавуваат Милан Серафимов, Александар Јорданов, „Јанко петел јаваше“, DJ Marko, DJ Vaso, DJ Rizinski, диџеите од Fluere, DJ Guardian, DJ Ficho и Sure Shotz.

Секоја фестивалска вечер ќе биде дополнета со натпревари во брзо јадење, квизови и интерактивни предизвици со публиката, под водство на Бомбакис.

Фестивалот ќе биде отворен за посетители секој ден од 17:30 до 00:30 часот, а влезот е бесплатен.

Настанот е спонзориран од Општина Аеродром, се одржува под покровителство на Град Скопје, а го организираат Lions in Move и Cafe Mambo.

Со поддршката на ваквите настани, Општина Аеродром го зацврстува својот имиџ на модерна, динамична и отворена општина, во која јавните простори стануваат места за култура, забава, дружење и создавање нови градски приказни.

Пет вечери, 20 гастрономски брендови и една голема маалска трпеза на отворено. Се гледаме од 4 до 8 септември во паркот „Авионче“ – бидејќи финалето секогаш се игра во Аеродром!

Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.