По неуспехот на Сајбертрек, Тесла планира производство на помал пикап - Канал 5

Автомобилизам

По неуспехот на Сајбертрек, Тесла планира производство на помал пикап

Cybertruck на Тесла може да се опише на многу начини, но „бестселер“ сигурно не е еден од нив.

По неуспехот на Сајбертрек, Тесла планира производство на помал пикап

Резултатите од продажбата се разочарувачки, а во првата половина од годината дури беше надминат и од Ford F-150 Lightning. И покрај ова, се чини дека Тесла не се откажува од сегментот на пикап возила, туку подготвува нов, помал модел, пишува Carscoops.

Во текот на викендот, потпретседателот за инженерство на Tesla, Ларс Морави, рече дека помалиот пикап би можел да стане реалност. Таквиот потег би отворил врата за пласман на препознатливиот дизајн на Tesla на поширок, глобален пазар, вклучувајќи ја и Европа, каде што Сајбертрек во својата сегашна форма е едноставно преголем и непрактичен.

Пикап прилагоден на глобалниот пазар

На настан за сопственици и инвеститори во Калифорнија, Морави потврди дека идејата за помал, покомпактен пикап се дискутира долго време. „Секогаш сме зборувале за производство на помал пикап“, рече тој, свесен дека димензиите на Cybertruck се пречка на многу глобални пазари.

Создавањето помал пикап не само што би ја зајакнало позицијата на Тесла во сегментот на пикап камиони, туку и би задоволило потреба што сегашните возила не ја покриваат. Морави наговести дека такво возило би можело да биде корисно не само за превоз на луѓе, туку и за испорака на стока, особено со развојот на технологијата за автономно возење.

Потенцијално возило за достава

„Дефинитивно активно разгледуваме во нашето дизајнерско студио како би можеле да ја задоволиме таа потреба“, додаде Морави, сигнализирајќи дека Тесла сериозно размислува да влезе во сегментот на камиони од средна класа или дури и помали возила за достава.

Компанијата во моментов нема возило што е соодветно за таа намена, а дури и нејзините сервисни возила често се мали комбиња со бензински мотори. Нема сомнение дека Тесла би претпочитала да ги користи своите електрични модели за овие задачи.

Практичноста би можела да биде клучен адут. По почетниот ентузијазам од раните купувачи, продажбата на Cybertruck стагнираше. Многумина го гледаат како возило за животен стил, а не како вистински работен камион. Помал, попрактичен модел би можел да го повтори успехот на Model Y, кој успеа таму каде што поголемиот и поскап Model X не успеа - освојувајќи го масовниот пазар со практичност и прилагодливост кон секојдневната употреба.

Тагови: тесла Сајбертрек

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер