Голем пад за Тесла: Маск најавува „тешки квартали“ и веќе не го споменува ветеното - Канал 5

Автомобилизам

Голем пад за Тесла: Маск најавува „тешки квартали“ и веќе не го споменува ветеното

Тесла официјално влезе во еден од најтешките периоди во последната деценија.

Голем пад за Тесла: Маск најавува „тешки квартали“ и веќе не го споменува ветеното

Компанијата објави финансиски резултати за вториот квартал од 2025 година, според кои приходите се намалиле за 12% во споредба со истиот период минатата година и изнесуваат 22,5 милијарди долари.

Профитабилноста изгледа уште полошо - прилагодената заработка по акција паднала на само 40 центи, што е еден од најслабите резултати на Тесла во последните десет години. По објавата, акциите на компанијата паднале за повеќе од шест проценти, а Илон Маск отворено предупреди во повик со инвеститорите дека компанијата ја очекуваат уште „тешки квартали“.

Продажбата на автомобили опаѓа, роботакси во центарот на вниманието

Најголемиот удар дојде од основната дејност: приходите од продажба на возила се намалиле за 16%, на 16,7 милијарди долари. Причината се слабите испораки, пониските просечни продажни цени и дополнителните трошоци - вклучувајќи уште 300 милиони долари увозни давачки.

Дополнително, Тесла предупреди дека крајот на американскиот даночен кредит за електрични возила на крајот на септември дополнително ќе влијае на продажбата. Овој кредит бил 7.500 долари по возило, а губењето на овој стимул може дополнително да ги забави испораките во САД.

Во обид да го одвлече вниманието на инвеститорите, Маск го истакна пилот-проектот на робо-такси услуга во Остин, кој моментално е во фаза на тестирање и е достапен само за ограничен број корисници - со присуство на безбедносен возач.

Маск тврди дека, со регулаторно одобрение, оваа технологија би можела да биде достапна за половина од американското население до крајот на годината.

„Пристапниот модел“ е всушност редизајниран Tesla Model Y

Иако имаше шпекулации за сосема нов модел, Маск потврди дека „пристапниот Tesla“ всушност ќе биде поедноставена верзија на Model Y. Не беше прецизирано кога ќе започне масовното производство, ниту во кој ценовен опсег ќе биде.

Интересно е што Маск не го спомена развојот на долгонајавуваниот Cybertruck, возило кое некогаш беше претставено како клучна идна линија на понудата на Tesla. Инвеститорите го сфатија неговото отсуство од презентацијата на финансиските резултати како лош сигнал.

Тагови: Маск тесла

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер