По налог на СПАК запленет имот вреден 12 милиони евра стекнат од шверц со дрога - Канал 5

Балкан

По налог на СПАК запленет имот вреден 12 милиони евра стекнат од шверц со дрога

Специјалното обвинителство против корупција и организиран криминал (СПАК)  заплени имот вреден 12 милиони евра од  албанска меѓународна структурирана криминална група.

По налог на СПАК запленет имот вреден 12 милиони евра стекнат од шверц со дрога

Групата дејствувала во Јужна Америка, Белгија и Холандија, а истрагите документирале осум случаи на трговија со кокаин во големи количини, од 2019 до 2021.

Специјалниот суд изрекол 11 безбедносни мерки, од кои три се извршени. Лицата Лулзим Пепај, Флоријан Марку и Антон Кола се уапсени, додека во отсуство изречена е безбедносна мерка и за Јетмир Пепа, име познато на полицијата, кој се бара со меѓународна потерница.

СПАК, исто така, објави дека оваа криминална група во неколку наврати шверцувала околу 7,5 тони кокаин од Јужна Америка во Европа.

- Од криминалната група е запленет 232 движен и недвижен имот, во вредност од 12 милиони евра. Запленети вклучуваат бизниси во Тирана, Лежа и други градови во земјата, земјиште, хотели, паркинзи и станови, 89 автомобили, како и банкарски сметки, стои во објавата на СПАК, објави Топ чанел.

Акцијата на СПАК и Националното биро за истраги била спроведена во соработка со Евројуст, Европол и агенциите за спроведување на законот во Франција, Холандија и Велика Британија.

Тагови: Албанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нови преговори за Украина во Абу Даби следната недела

По девет месеци пауза, американските посредници ќе седнат на преговарачка маса со руските и украински  претставници во нов обид да се стави крај на војната.

Нови преговори за Украина во Абу Даби следната недела

Специјалниот пратеник на Трамп, Стив Виткоф објави дека разговорите меѓу Москва и Киев со посредништво на Вашингтон ќе се одржат на 10 и 11 ноември во Абу Даби..

Фокусот на преговорите, како што објави Виткоф, ќе биде ставен на безбедносните аранжмани по завршувањето на војната, хуманитарните напори и следните чекори кон постигнување мир.

Очекувањата, според него, е да се награди напредокот постигнат во Киев, Осло и Санкт Петербург, за да се склучи сеопфатен и траен мировен договор, кој ќе обезбеди долгорочна безбедност за идните генерации.

Тагови: САД - Русија - Украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Дуковски: Боки 13 ослободен во случајот „Меѓународен сојуз“

Апелациониот суд во Скопје донел ослободителна пресуда за Бојан Јовановски, познат како Боки 13, во предметот „Меѓународен сојуз“. Со оваа одлука е преиначена првостепената пресуда со која Јовановски беше осуден на пет години затвор.

Дуковски: Боки 13 ослободен во случајот „Меѓународен сојуз“

Информацијата ја објави неговиот адвокат Сашо Дуковски, кој го застапуваше Јовановски во судската постапка.

„Ете, правдата е спора, но достижна! Апелациониот суд во Скопје денес донесе ослободителна пресуда за Бојан Јовановски во предметот ‘Меѓународен сојуз’. Со тоа ја преиначи првостепената пресуда на Основниот кривичен суд од пет години!“, напиша Дуковски.

Адвокатот во објавата изрази задоволство од одлуката и оцени дека таа е резултат на недостатоците во обвинението.

Тагови: Боки 13

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средношколци и студенти повторно организираа блокади и протести во повеќе градови во Франција

Средношколци и студенти денеска повторно организираа блокади и протести во повеќе француски градови, меѓу кои Париз, Рен, Марсеј и Тулуз додека полицијата интервенира за да ги деблокира училишта.

Средношколци и студенти повторно организираа блокади и протести во повеќе градови во Франција

Во Нант рано утрината беа уапсени и приведени тројца ученици од средно училиште, кои се задржани во полиција во рамките на истрагата за пожарот што избувна во тоа училиште минатиот месец.

Протестите на средношколците и студентите во Франција почнаа кон средината на септември поради недостигот на наставен кадар, лошите услови во училиштата и незадоволството од состојбата во образовниот систем. На демонстрациите минатата сабота учествуваа повеќе од 300 илјади луѓе.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер