Живот

По брада и коса во Истанбул

Мажите кои имаат ретки бради се’ почесто се медицински туристи во градот на Босфорот. Истанбул прераснува во Мека за оние кои сакаат да инвестираат неколку илјади евра во густа брада и модерен изглед, пишува DW.

Добредојдовте во Истанбул, новата Мека за туристите - пациенти. Ги пречекуваат уште на аеродромот - многу гости доаѓаат од арапските држави. Едни од нив се и двајца патници од Дубаи кои дојдоа во градот на Босфор поради медицинска интервенција. Меѓутоа тие не сакаат корекција на забите или очите. Тие сакаат повеќе коса, односно погуста брада.

„Воопшто не сум нервозен. Сосема сум опуштен пред операцијата“, вели Басам Алкхатани.

Пријателите Ахмед Авад и Басам Алкхатани страдаат поради нивната ретка брада. Во Дубаи може да се прави кариера само со брада, исто и да се најде жена. Затоа тие уплатија за трансплантација на влакна за брада: паушална понуда за само неколку илјади евра. Во неа се вклучени сите услуги: операција, хотел и трансфер.

Двајцата пациенти од Заливот најпрво мораат на здравствена проверка. Бизнисменот Алкхатани на неговиот мобилен има фотографии од неколку типични лица со брада од неговата татковина. Смета дека неговата сопствена брада е премногу ретка. „Во земјите на Заливот е важно да се има брада. Без неа не се може. Јас имам многу празнини во мојата брада. Нив сакам тука да ги пополнат со влакна“.

Потоа лекарот го одбележува местото. Малку повеќе влакна на образите, малку повеќе брада за горниот дел од усните, и да не се заборави - потегот надолу кон долната вилица.

Али Мездеги, пластичен хирург појаснува: „Влакната ги земаме од задниот дел на главата, бидејќи таму растат многу густо и не остануваат видливи траги. Со оглед на тоа што тие влакна имаат фини корени, добри се за пресадување како влакна за брада.“
Но, не само Арапите и Турците имаат интимен однос кон мустаќите и брадата. Мустаќите отсекогаш се обележје на мажите Турци. Дел од минувачите на улиците во Истанбул велат:

„Мустаќите прават мажот едноставно да биде повеќе маж“.

„Некои ги носат развлечени - долги, некои само на средината. Тоа е убаво...“

„На главата веќе немам коса, погледнете. Затоа тоа го надоместувам со мојата брада. Мислам дека ми стои“.

Додека обичните туристи уживаат во излетот на Босфор, на гостинот од Дубаи му ја отстрануваат преврската. Операцијата траела осум часови. На задниот дел од главата на Басам Алкхатани сега му недостасуваат повеќе илјади влакна. Но затоа, како што вели неговиот лекар, за две недели ќе може да ја избричи пресадената брада. Но, среќниот пациент на тоа не мисли ниту на сон.

„Операцијата успеа, мислам. Резултатот е онаков каков што се надевав дека ќе биде“, задоволен е Басам Алкхатани.

Последен задоволен поглед во огледало и двајцата заминуваат на туристичка прошетка низ Истанбул. Сакаат да го посетат познатиот Топкапи сарај. Таму се изложени брадите на пророците.

Свет

Се зголемува бројот на земји кои му нудат помош на Иран во потрагата по хеликоптерот на Раиси

Саудиска Арабија изрази подготвеност да обезбеди каква било помош за Иран по уривањето на хеликоптерот со кој патуваше иранскиот претседател Ебрахим Раиси.

Во соопштението до саудиското Министерство за надворешни работи се наведува Кралството ги следи извештаите за несреќата со „голема загриженост“.

И Катар соопшти дела е подготвен да му помогне на Иран во потрагата по хеликоптерот.

Во меѓувреме и турското Министерство за надворешни работи соопшти дека Иран „побарал техничка поддршка во потрагата“ и оти се разговара каква помош би можела да биде испратена што е можно поскоро.

- Се надеваме дека иранските власти, вклучително и иранскиот претседател Ебрахим Раиси и министерот за надворешни работи, Хосеин Амирабдолахиан, се здрави и здрави, се посочува во соопштението на турското МНР.

Претходно, Европската комисија на барање на Иран ја активираше услугата за сателитско мапирање за да помогне во лоцирањето на хеликоптерот на иранскиот претседател. Помош на Иран му понудија и Русија, Ирак и Азербејџан. /MИА

Свет

Се урна едрилица во Австрија, загина 56-годипниот пилот

Во општина Бистрица во Корушка, Австрија, вчера загина 56-годишен пилот при пад на едрилица. 

Причината за несреќата засега не е позната, пишува 24ур.

Според досега познатите информации, мажот рано попладне полетал од аеродромот во Клагенфурт и влетал во словенечкиот воздушен простор. На враќање, од засега непознати причини, тој се урнал во северното подножје на планината Вајнеж веднаш зад границата.

Медиумите јавуваат дека австриските контролори добиле итен повик од леталото околу 16:40 часот. По неколку неуспешни обиди да се контактира со пилотот, започна операција за пребарување во која учествуваа полицијата и спасувачки хеликоптер. Околу 20 часот, остатоците од леталото се пронајдени во долината Рута во подножјето на Вајнеж.

Извор: 24ур

Технологија

Фејсбук и Инстаграм ги прекршиле регулативите на ЕУ, следи истрага

Фејсбук и Инстаграм ќе бидат предмет на истрага за можни прекршувања на регулативите на ЕУ за онлајн содржини поврзани со безбедноста на децата, објави во четвртокот Европската комисија.

Од социјалните мрежи на Мета се бара да направат повеќе за борба против нелегалната и штетна содржина на нивните платформи според Законот за дигитални услуги на Европската унија (DSA), кој е во сила од минатата година.

Европската комисија објави дека одлучила да отвори детална истрага за Фејсбук и Инстаграм поради загриженоста дека тие не реагирале соодветно на ризиците за децата. Мета поднесе извештај за проценка на ризикот во септември.

„Комисијата е загрижена дека системите на Фејсбук и Инстаграм, вклучувајќи ги и нивните алгоритми, можат да стимулираат зависни однесувања кај децата, како и да создадат таканаречени „ефекти на зајачка дупка“, се вели во соопштението на Европската комисија.

Дополнително, Комисијата е загрижена и за методите за проверка на возраста на корисниците воведени од Мета.

Од друга страна, Мета тврди дека веќе има бројни онлајн алатки за заштита на децата.

„Сакаме младите луѓе да имаат безбедни онлајн искуства соодветни за возраста“, рече портпаролот на компанијата, истакнувајќи дека тие поминале една деценија работејќи на повеќе од 50 алатки и политики насочени кон заштита на децата.

„Ова е предизвик со кој се соочува целата индустрија и со нетрпение очекуваме да ги споделиме деталите за нашата работа со Европската комисија.

Мета веќе е под лупа на ЕУ за изборни дезинформации пред важните избори за Европскиот парламент следниот месец. Прекршувањето на „DSA“ може да резултира со казни до 6% од годишниот глобален промет на компанијата.

Извор: Б92

притисни ентер