Други спортови

Пливачот Чепишевски стартуваше со рекорд на Летната Универзијада во Гвангжу

Македонскиот пливач Горазд Чепишевски во трката на 100 метри грбно на Летната Универзијада постави нов рекорд откако патеката ја исплива за 59.72 секунди и го подобри сопствениот рекорд поставен на претходната Универзијада во Казан.

Во својата дисциплина тој заврши на 36. место во конкуренција на 48 пливачи. Чепишевски беше и знаменосец на Свеченото отворање.

Настап имаше и пливачот Мартин Стефановски, кој во дисциплината 50 метри пеперутка оствари време од 26.68 секунди и постигнатото време е послаб резултат од неговото најдобро постигнување – 26.10 секунди. Стефановски го освои 48. место во конкуренција на 63 пливачи.

Чепишевски ќе настапи уште во трките на 50 и 200 метри грбно, а Стефановски на 50 метри слободно.

Македонија на Универзијадата ќе ја претставува и натурализираната Хрватка, Петра Матијашевиќ во таеквондо.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: О. Кавадарци започнува со поставување информативни табли со QR-кодови на колективните станбени згради

Општина Кавадарци започнува со поставување информативни табли со QR-кодови на колективните станбени згради, како дел од процесот на дигитализација и модернизација на општинските услуги.

Општина Кавадарци започнува со поставување информативни табли со QR-кодови на колективните станбени згради, како дел од процесот на дигитализација и модернизација на општинските услуги. Со едноставно скенирање на QR-кодот, граѓаните ќе можат брзо и безбедно да:

- проверат дали имаат неплатени обврски по основ на данок на имот и комунални такси;

- ги платат своите обврски електронски;

- добијат увид во наплатата на ниво на зграда;

- пристапат до платформата eDanoci.mk, достапна 24 часа дневно.

Деталните информации за даночните обврски ќе бидат достапни исклучиво за сопственикот, по безбедна идентификација и верификација, со целосна заштита на личните податоци.

Со ова современо решение, Општина Кавадарци ја унапредува транспарентноста, ја олеснува комуникацијата со граѓаните и поттикнува навремено исполнување на даночните обврски.

Вашите навремено платени даноци се инвестиција во иднината и развојот на Општина Кавадарци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Тухел: „Пуштете ги децата - секогаш ќе има училишта, Светското првенство е на секои четири години“

Селекторот на Англија, Томас Тухел, ги повика родителите да ги остават своите деца да останат будни цела ноќ за да го гледаат осминафиналниот натпревар на Светското првенство против Мексико.

Фудбалерите на Англија ќе играат против Мексико во Мексико Сити во ноќта меѓу недела и понеделник – во 1:00 часот по британско време, односно во 2:00 часот по средноевропско време – во натпревар од осминафиналето на Светското првенство.

Како што пренесува Би-би-си, родителите се во дилема дали да им дозволат на своите деца да го гледаат натпреварот, бидејќи распустот сè уште не е почнат.

„Напишете оправдување за училиштето и дозволете им да гледаат“, рече Тухел.

„Училишта секогаш ќе има, но Светското првенство се игра на секои четири години. Нека гледаат. За четири дена нè очекува важен натпревар и ни е потребна поддршка од сите, особено од децата“, изјави Тухел. Англија се пласираше во осминафиналето на Светското првенство, откако со пресврт ја совлада Демократска Република Конго со 2:1.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пожар во болница во северна Германија: Сите пациенти евакуирани, има загинати

Двајца пациенти загинаа рано утринава, на 2 јули, во пожар во болница во Лудвигслуст, во северниот дел на Германија, а најмалку 34 лица се повредени, соопшти противпожарната служба на тој град.

Болницата беше целосно евакуирана откако избувна пожарот, а противпожарната служба соопшти дека за пациентите се грижат на безбедна локација во рамките на болницата, пренесува „Тагесшау“ (Tagesschau).

Според првичните информации, пожарот избувнал во собата на еден од пациентите, по што се запалил и покривот на одделот за радиологија. Како што се наведува, пожарот сега е под контрола, а поради густиот чад, жителите на околните улици се предупредени да ги држат прозорците и вратите затворени, пренесува Танјуг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.