- Зборуваме за Администрација која се уште не е формирана и ако и кога ќе биде формирана, тогаш ќе се навратиме на тоа, рече Пињо, во одговор на прашања поврзани со предизвиците со кои би можела да се соочи ЕУ поради одредени постапки на идната Администрација на САД.

Запрашана дали Европската комисија има контакти со идната американска Администрација, Пињо потсети дека веднаш по изборите во САД највисоките претставници телефонски разговор со Трамп.

- Оттогаш немаше такви контакти..., но ние, се разбира, многу набрзо ќе контактираме со новата Администрација, рече Пињо, додавајќи дека не е планирано претседателката на Европската комисија, Урсула фон дер Лајен да присуствува на церемонијата на стапувањето на должност на Трамп на 20 јануари во Вашингтон.

Запрашана дали Фон дер Лајен одбила да присуствува на церемонијата или пак воопшто не била поканета, Пињо само повтори дека „нема планови за присуство“.

- Ако добие покана тогаш ќе видиме, но во моментов нема такви планови, рече Пињо.

Во однос на заканите на Трамп околу данскиот остров Гренланд, портпаролот на Европската комисија меѓу останатото задолжен и за економска сигурност и трговија Олоф Гил изјави дека ЕУ е подготвена за трговските и сите други можни аспекти „што ќе произлезат од ноемвриските претседателски избори во САД“.

- Изминатава година се подготвувавме за тоа и ги имаме алатките, вклучително и алатките за трговска одбрана, што можеме да ги употребиме доколку е потребно за да ги браниме нашите легитимни интереси, рече Гил.

Тој повтори дека примарна намера на ЕУ е да најде области на меѓусебна соработка со администрацијата на Трамп за „доброто на нашите народи и економии“.

- Доколку некоја земја членка биде предмет на нефер трговски мерки или економски практики, ние имаме алатки за да одговориме. Се надевам дека тоа е доволно јасно, но не навлегуваме во нешто хипотетички надвор од тоа, додаде Гил.

На прашање дали ЕУ е подготвена да прекине со користење на американска информатичка технологија, како на пример програми на „Мајкрософт“, доколку се покаже дека таа не е сигурна, портпаролот на ЕК за технолошки суверенитет, одбрана, Вселената и истражување, Тома Рение изјави дека Унијата веќе презела неколку чекори за да ја зајакне својата стратешка автономија и да може да одговори на евентуални предизвиците што би дошле од САД.

- Преземаме чекори од наша страна за да се осигураме дека сме стратешки автономни, рече Рение.

Во однос на тоа дали ЕУ е подготвена да преземе поголема улога во однос на Украина, доколку во иднина Белата куќа го промени својот став кон поддршката на земјата, портпаролката на ЕК за надворешни работи и безбедносна политика Анита Хипер изјави дека Унијата верува оти новата американска Администрација на руската агресија, исто така, гледа не само како на проблем на Европа, туку и како на предизвик за меѓународниот поредок.

- Ова војна може да запре утре или дури и уште денеска, доколку агресорот го сака тоа. Па ако нашите сојузниците се способни да стават крај на оваа агресија, тоа би било поздравено, рече Хипер.

Фон дер Лајен и претседателот на Советот на ЕУ, Антонио Кошта претходно на Икс објавија идентична порака дека САД се еден од најблиски партнери на Унијата и дека таа е посветена на зајакнување на трансатлантската врска.

- За нас во ЕУ од суштинско значење е да ги заштитиме и зајакнеме нашите основни демократски вредности, да ја направиме нашата економија поконкурентна и одржлива, да ја прошириме нашата глобална мрежа на партнерства и да инвестираме повеќе во нашата безбедност, се истакнува во објавата.

Кошта и Фон дер Лајен нагласуваат дека ЕУ секогаш ќе ги штити своите граѓани и интегритетот на европските демократии и слободи.

- Со нетрпение очекуваме позитивен ангажман со идната американска Администрација, врз основа на нашите заеднички вредности и заеднички интереси. Во еден суров свет, Европа и САД се посилни заедно, се додава во идентичната објава на Кошта и Фон дер Лајен./МИА